ଚାଣକ୍ୟ ନୀତି : କ୍ୟାରିଅରରେ ସଫଳତା ପାଇବାକୁ ହେଲେ ମନେ ରଖନ୍ତୁ ଚାଣକ୍ୟଙ୍କ ଏହି କଥା

ଚତୁର ରଣନୀତିକାର ଆଚାର୍ଯ୍ୟ ଚାଣକ୍ୟ ନିଜ ନୀତିକୁ ନେଇ ସାରା ଦୁନିଆରେ ପ୍ରସିଦ୍ଧ । ଚାଣକ୍ୟ ଜୀ ନିଜର ନୀତି ବଳରେ ହିଁ ନନ୍ଦ ବଂଶର ନାଶ କରିପାରିଥିଲେ । ଚନ୍ଦ୍ରଗୁପ୍ତ ମୌର୍ଯ୍ୟଙ୍କୁ ମଗଧ ସମ୍ରାଟ କରିବାରେ ଏକ ମହତ୍ୱପୂର୍ଣ୍ଣ ଭୂମିକା ନେଇଥିଲେ । ଆଚାର୍ଯ୍ୟ ଚାଣକ୍ୟଙ୍କ ପ୍ରାୟ ସବୁ ବିଷୟରେ ଗଭୀର ଜ୍ଞାନ ରହିଥିଲା । ଏଥିପାଇଁ ସେ ଏକ ନୀତି ଶାସ୍ତ୍ରର ରଚନା କରିଥିଲେ । ଯାହା ଜରିଆରେ ସେ ଦୁନିଆକୁ ମାର୍ଗ ଦର୍ଶନ କରିଥିଲେ । ବର୍ତ୍ତମାନ ସମୟରେ ଚାଣକ୍ୟଜୀଙ୍କ ନୀତିର ବହୁତ ପ୍ରାସଙ୍ଗିକତା ରହିଛି । କୁହାଯାଏ ଯେଉଁ ବ୍ୟକ୍ତି ଚାଣକ୍ୟଙ୍କ ନୀତିର ଅନୁସରଣ କରେ ତାଙ୍କୁ ଜୀବନରେ କେବେ ଅସଫଳତା ହେବାକୁ ପଡେ ନାହିଁ ।

ଇମାନଦାର ଓ ଅନୁଶାସନ : ଆଚାର୍ଯ୍ୟ ଚାଣକ୍ୟଙ୍କ ମତରେ ଯଦି ବ୍ୟକ୍ତି ଜୀବନରେ ସଫଳତା ପାଇବାକୁ ହେଲେ ସର୍ବଦା ନିଜ କାମ ପ୍ରତି ଅଧିକ ଇମାନଦାର ଓ ଅନୁଶାସିତ ହେବା ଦରକାର । ଯଦି ଆପଣଙ୍କ ଜୀବନରେ ଅନୁଶାସନ ନାହିଁ ତ ଆପଣ ଜୀବନରେ ସଫଳତା ହାସଲ କରିପାରିବେ ନାହିଁ ।

ଭଲ ବ୍ୟବହାର : ଚାଣକ୍ୟ ଅନୁସାରେ ବ୍ୟକ୍ତି ଯଦି ନିଜ ଜୀବନରେ ସଫଳତା ପାଇବାକୁ ଚାହାଁନ୍ତି ତେବେ ସର୍ବଦା ଭଲ ବ୍ୟବହାର ଦେଖାଇବା ଉଚିତ୍‌ । ଚାଣକ୍ୟ କୁହନ୍ତି ଯେଉଁ ଲୋକ କଥାରେ ଧନୀ ହୋଇଥାନ୍ତି ସେମାନେ ସବୁ କାର୍ଯ୍ୟରେ ସଫଳତା ହାସଲ କରିଥାନ୍ତି । ତେଣୁ ମନୁଷ୍ୟକୁ ସର୍ବଦା ମିଠା କଥା କହିବା ଉଚିତ୍‌ ।

ରିସ୍କ ନେବାକୁ ସାହସ ଥିବା ଦରକାର : ବ୍ୟକ୍ତି ଜୀବନରେ ସଫଳତା ପାଇବାକୁ ହେଲେ କୌଣସି କାର୍ଯ୍ୟରେ ରିସ୍କ ନେବାକୁ ହୁଏ । ଚାଣକ୍ୟଙ୍କ ମତରେ ଯେଉଁ ବ୍ୟକ୍ତି ରିସ୍କ ନେବାକୁ ଚାହିଁଥାଏ ସେ ଭବିଷ୍ୟତରେ ସଫଳତା ପାଇଥାଏ ।

ଟିମ ଓ୍ଵାର୍କ : ଚାଣକ୍ୟଙ୍କ ଅନୁଯାୟୀ ବ୍ୟକ୍ତି କେବେ ବି ଏକାକୀ ସଫଳତା ପାଇ ନଥାନ୍ତି । ସେମାନଙ୍କୁ ସର୍ବଦା ଟିମ ସହ କାମ କରିବାର ପ୍ରବୃତି ହେବା ଦରକାର । କାରଣ ସମସ୍ତଙ୍କୁ ସାଙ୍ଗରେ ନେଇ ଚାଲିଲେ ସବୁ କାମ ଭଲ ଭାବରେ ସମ୍ପନ୍ନ ହୋଇଥାଏ ।

ସାମର୍ଥ୍ୟ : ବ୍ୟକ୍ତିକୁ ନିଜ କ୍ଷମତା ସମ୍ପର୍କରେ ଠିକ ଜ୍ଞାନ ରହିବା ଦରକାର । ସର୍ବଦା ନିଜ ସାମର୍ଥ୍ୟ ଅନୁସାରେ ହିଁ କାମ କରିବା ଉଚିତ । ନିଜ କ୍ଷମତା ବାହାରେ କାମ କଲେ ସର୍ବଦା କ୍ଷତି ଉଠାଇବାକୁ ପଡ଼ିଥାଏ ।