ଚାଣକ୍ୟ ନୀତି : ବ୍ୟକ୍ତି ଭରସାଯୋଗ୍ୟ କି ନୁହଁନ୍ତି ପରିଖିବା ପାଇଁ ଏହି ତରିକା ଆପଣାନ୍ତୁ, କେବେ ବି ଠକିବେ ନାହିଁ

ଚତୁର ରଣନୀତିକାର ଆଚାର୍ଯ୍ୟ ଚାଣକ୍ୟ ନିଜ ନୀତିକୁ ନେଇ ସାରା ଦୁନିଆରେ ପ୍ରସିଦ୍ଧ । ଚାଣକ୍ୟ ଜୀ ନିଜର ନୀତି ବଳରେ ହିଁ ନନ୍ଦ ବଂଶର ନାଶ କରିପାରିଥିଲେ । ଚନ୍ଦ୍ରଗୁପ୍ତ ମୌର୍ଯ୍ୟଙ୍କୁ ମଗଧ ସମ୍ରାଟ କରିବାରେ ଏକ ମହତ୍ୱପୂର୍ଣ୍ଣ ଭୂମିକା ନେଇଥିଲେ । ଆଚାର୍ଯ୍ୟ ଚାଣକ୍ୟଙ୍କ ପ୍ରାୟ ସବୁ ବିଷୟରେ ଗଭୀର ଜ୍ଞାନ ରହିଥିଲା । ଏଥିପାଇଁ ସେ ଏକ ନୀତି ଶାସ୍ତ୍ରର ରଚନା କରିଥିଲେ ।

ଯାହା ଜରିଆରେ ସେ ଦୁନିଆକୁ ମାର୍ଗ ଦର୍ଶନ କରିଥିଲେ । ବର୍ତ୍ତମାନ ସମୟରେ ଚାଣକ୍ୟଜୀଙ୍କ ନୀତିର ବହୁତ ପ୍ରାସଙ୍ଗିକତା ରହିଛି । କୁହାଯାଏ ଯେଉଁ ବ୍ୟକ୍ତି ଚାଣକ୍ୟଙ୍କ ନୀତିର ଅନୁସରଣ କରେ ତାଙ୍କୁ ଜୀବନରେ କେବେ ଅସଫଳତା ହେବାକୁ ପଡେ ନାହିଁ ।  ଆଜି ଆମେ ଭରଷାଯୋଗ୍ୟ ବ୍ୟକ୍ତିଙ୍କୁ କିପରି ଚିହ୍ନିବେ ସେ ସମ୍ପର୍କରେ ଆଚାର୍ଯ୍ୟ ଚାଣକ୍ୟଙ୍କ ଉପଦେଶ ସମ୍ପର୍କରେ କହିବାକୁ ଯାଉଛୁ । ଏହା ଆପଣଙ୍କ ଜୀବନରେ କାମରେ ଲାଗିବ ।

_  ଚାଣକ୍ୟଙ୍କ ମତରେ ସୁନାର ଗୁଣ ଜାଣିବା ପାଇଁ ତାକୁ ଘଷା ଯାଇଥାଏ । ନିଆଁରେ ପୋଡ଼ା ଯାଇଥାଏ ଓ ପୁଣି ପିଟି କରି ଦେଖାଯାଇଥାଏ । କିମ୍ବା କାଟି କରି ମଧ୍ୟ ସୁନା ଓ ରୁପାର ଶୁଦ୍ଧତା ବିଷୟରେ ଯାଞ୍ଚ କରାଯାଇଥାଏ । ଏହି ସବୁ     ପରୀକ୍ଷା ଦ୍ୱାରା ସହଜରେ ଜଣାଯାଏ ଯେ ସୁନା ଅସଲି କିମ୍ବା ନକଲି । ସେହିପରି ଯଦି କୌଣସି ବ୍ୟକ୍ତିଙ୍କ ଉପରେ ଭରଷା କରିବା ପୂର୍ବରୁ ଏହି କଥା ଉପରେ ଧ୍ୟାନ ଦିଆଯାଏ । ତେବେ କେବେ ବି ପଶ୍ଚାତାପ କରିବାକୁ ପଡ଼ିବ ନାହିଁ ।

_  ଯଦି କୌଣସି ବ୍ୟକ୍ତି ଅନ୍ୟର ଦୁଃଖକୁ ଦୂର କରିବା ପାଇଁ ନିଜର ସୁଖ ତ୍ୟାଗ କରୁଥାଏ ତେବେ ସେ ନିଶ୍ଚିତ ଭରଷାଯୋଗ୍ୟ ବ୍ୟକ୍ତି । ଏମିତି ଲୋକଙ୍କ ଉପରେ ଜରୁର ଭରଷା କରିବା ଉଚିତ୍‌ । ଏହାଛଡ଼ା ଯେଉଁ ବ୍ୟକ୍ତି ସମସ୍ତଙ୍କ           ସମ୍ପର୍କରେ ଭଲ ଭାବନା ରଖିଥାଏ ସେ କେବେ ବି କାହାକୁ ଧୋକା ଦେଇପାରେନା ।

_  ଭୁଲ କାମ କରି କିମ୍ବା ଭୁଲ ଉପାୟରେ ଧନ କମାଉଥିବା ବ୍ୟକ୍ତି ଉପରେ କେବେ ବି ଭରଷା କରିବା କଥା ନୁହେଁ । କାରଣ ଏମିତି ଲୋକ ନିଜର ସ୍ୱାର୍ଥ ପାଇଁ କାହାକୁ ବି ଧୋକା ଦେଇପାରନ୍ତି ।