ଶିକ୍ଷକ ଏବଂ ପିଲାଙ୍କ ମଧ୍ୟରେ ଭଲ ପାଇବା ଦେଖି ଆପଣ ମଧ୍ୟ ହେବେ ଆଶ୍ଚର୍ଯ୍ୟ, ଭାଇରାଲ ହେଉଛି ଭିଡିଓ

ପିତାମାତାଙ୍କ ପରେ ଶିକ୍ଷକ ହେଉଛନ୍ତି ଏକମାତ୍ର ବ୍ୟକ୍ତି ଯିଏ ପିଲାଙ୍କ ସଫଳତାରେ ଖୁସି ହୋଇଥାନ୍ତି । ପ୍ରତ୍ୟେକ ଶିକ୍ଷକ ଚାହାଁନ୍ତି ଯେ ତାଙ୍କ ଦ୍ୱାରା ପାଠ ପଢିଥିବା ପ୍ରତ୍ୟେକ ଛାତ୍ର ତାଙ୍କ ଜୀବନରେ ଏକ ଭଲ ସ୍ଥାନରେ ପହଞ୍ଚିବା ଉଚିତ ଏବଂ ତାଙ୍କ ଜୀବନକୁ ଭଲ ଭାବରେ ବଞ୍ଚିବା ଉଚିତ୍ । ଏଥିପାଇଁ ଶିକ୍ଷକ ଛାତ୍ରମାନଙ୍କୁ ନିଜ ପିଲାମାନଙ୍କ ପରି ଶିକ୍ଷା ଦିଅନ୍ତି । ତେବେ ସେମାନଙ୍କର ଏହି ଆଚରଣ ହେତୁ, ପିଲାମାନଙ୍କ ପ୍ରତି ସେମାନଙ୍କର ସ୍ନେହ ଏବଂ ଭଲ ପାଇବା ମଧ୍ୟ ବଢିଯାଏ । ଏହି ପରି ଭାବେ ଶିକ୍ଷକ ଏବଂ ପିଲାଙ୍କ ମଧ୍ୟରେ ଏକ ନୂତନ ପ୍ରକାରର ସମ୍ପର୍କ ଗଢି ହୋଇଥାଏ । ସେହି ସମ୍ପର୍କ ଯୋଗୁ ପିଲାମାନେ ସେମାନଙ୍କର ଶିକ୍ଷକଙ୍କୁ ଖୁସି କରିବା ପାଇଁ କିଛି ମଧ୍ୟ କରନ୍ତି । ଏବେ ଏକ ଏହି ପରି ଭାଇରାଲ ଭିଡିଓରେ ଦେଖିବାକୁ ମିଳିଛି, ଯେ ପିଲାମାନେ ତାଙ୍କ ଶିକ୍ଷକଙ୍କୁ ତାଙ୍କ ଜନ୍ମଦିନରେ ଏକ ନିଆରା ଅଭିନନ୍ଦନ ଜଣାଇଛନ୍ତି ।

ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓ ଦେଖିବା ପାରେ ଆପଣ ମଧ୍ୟ କିଛି ସମୟ ପାଇଁ ଇମୋସ୍‌ନାଲ ହୋଇଯିବେ ଏବଂ ଆପଣଙ୍କ ଶିକ୍ଷକଙ୍କୁ ମନେ ପକାଇବା ଆରମ୍ଭ କରିବେ, ଯାହାଙ୍କ ସହିତ ଆପଣଙ୍କର ବହୁତ ଭଲ ସମ୍ପର୍କ ଥିଲା । ଏହି ଭିଡିଓରେ ଆପଣ ଦେଖିପାରିବେ ଯେ କିଛି ପିଲା ଏକ ଶ୍ରେଣୀରେ ନିଜ ମଧ୍ୟରେ ଝଗଡା କରୁଛନ୍ତି । ଏହା ପରେ ସେମାନଙ୍କ ଶିକ୍ଷକ ସେମାନଙ୍କୁ ଅଟକାଇବା ପାଇଁ ଆସିଛନ୍ତି । ତେବେ ଶିକ୍ଷକ ଜଣକ ତାଙ୍କ ପିଲାଙ୍କୁ ଅଯାକାଇବା ମାତ୍ରେ ପିଲାମାନେ ତାଙ୍କୁ ଏହା ସରପ୍ରାଇଜ୍‌ ଦେଇଛନ୍ତି । ଏହା ପରେ ଅନ୍ୟ ପିଲାମାନେ ମଧ୍ୟ ତାଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି । ପିଲାମାନଙ୍କର ଭଲ ପାଇବା ଦେଖି ଶିକ୍ଷକଙ୍କ ମୁହଁରେ ଏକ ସୁନ୍ଦର ହସ ଦେଖାଯାଏ ଏବଂ ତାପରେ ସେ ସମସ୍ତଙ୍କୁ ଆଲିଙ୍ଗନ କରନ୍ତି । ତେବେ ସୋସିଆଲ ମିଡିଆରେ ଲୋକମାନେ ଏହି ଭିଡିଓକୁ ବହୁତ ପସନ୍ଦ କରୁଛନ୍ତି । ଏହା ବ୍ୟତୀତ ଏହି ଭିଡିଓ ଜୋରସୋରରେ ଭାଇରାଲ ହେବାରେ ମଧ୍ୟ ଲାଗିଛି ।

ଏହି ଭିଡିଓ ଇନଷ୍ଟାଗ୍ରାମରେ ‘class12drams’ ନାମକ ଏକ ପେଜ୍‌ରୁ ସେୟାର କରାଯାଇଛି । ସୂଚନା ମୁତାବକ, ଏ ପର୍ଯ୍ୟନ୍ତ ୩୭ ଲକ୍ଷ ୭୮ ହଜାରରୁ ଅଧିକ ଲୋକ ଏହି ଭିଡିଓକୁ ଲାଇକ୍‌ କରିଛନ୍ତି । ଏହି ଭିଡିଓ ଦେଖିବା ପରେ ଜଣେ ୟୁଜର ଲେଖିଛନ୍ତି, ସମସ୍ତ ଶିକ୍ଷକ ଏପରି ଜନ୍ମଦିନ ଶୁଭେଚ୍ଛାର ଯୋଗ୍ୟ ହୋଇଥାନ୍ତି । ସେହିପରି ଅନ୍ୟ ଜଣେ ୟୁଜର ଲେଖିଛନ୍ତି, ମୁଁ ହଠାତ୍ ଜଣେ ଶିକ୍ଷକ ହେବାକୁ କାହିଁକି ଚାହୁଁଛି ? ଏହା ବ୍ୟତୀତ ଅନ୍ୟ ଜଣେ ୟୁଜର ଲେଖିଛନ୍ତି, ଏହି ଶିକ୍ଷକ ସମସ୍ତ ପିଲାଙ୍କ ଭଲ ପାଇବା ଜିତିଛନ୍ତି । ତେବେ ଏହି ପରି ନିଆରା ହୋଇଥାଏ ଜଣେ ଶିକ୍ଷକ ଏବଂ ଜଣେ ଛାତ୍ରର ସମ୍ପର୍କ ଯାହା ସମସ୍ତଙ୍କ ଜୀବନରେ କେବେ ନା କେବେ ଆସିଥାଏ ।