ଥମିବାର ନାଁ ଧରୁନି ପେଟ୍ରୋଲ ଓ ଡିଜେଲ ଦର
ପେଟ୍ରୋଲ ଓ ଡିଜେଲ ଦରରେ ଲାଗୁନି ବ୍ରେକ୍। କ୍ରମାଗତ ଭାବେ ୧୬ ଦିନ ଧରି ଲଗାତାର ବଢିବାରେ ଲାଗିଛି। ଆଜି ପେଟ୍ରୋଲ ଲିଟର ପିଛା ୨୩ ପଇସା ଓ ଡିଜେଲ ୨୪ ପଇସା ବଢିଛି। ମୁମ୍ବାଇରେ ପେଟ୍ରୋଲ ଲିଟର ୮୮ଟଙ୍କା ୧୨ ପଇସା ହୋଇଛି। ଡିଜେଲ ଦାମ୍ ରହିଛି ୭୭ଟଙ୍କା ୩୨ ପଇସା। ଦିଲ୍ଲୀରେ ପେଟ୍ରୋଲ ଦାମ ୮୦ଟଙ୍କା ୭୩ପଇସା ଓ ଡିଜେଲ ୭୨ଟଙ୍କା ୮୩ପଇସା ରହିଛି। ଭୁବନେଶ୍ୱରରେ ମଧ୍ୟ ୮୦ ପାଖାପାଖି ପହଞ୍ଚିଲାଣି ତୈଳ ଦର। ଆଜି ପେଟ୍ରୋଲ ୭୯ଟଙ୍କା ୬୪ପଇସା ଓ ଡିଜେଲ୍ ୭୮ଟଙ୍କା ୨୦ପଇସା ରହିଛି। ହୁ ହୁ ହୋଇ ଦର ବଢିଚାଲିଥିବାରୁ ଏହା ସାଧାରଣ ଲୋକଙ୍କ ପକେଟରେ ବେଶ୍ ପ୍ରଭାବ ପକାଇଛି। ଯାହାକୁ ନେଇ ସାଧାରଣରେ ବେଶ୍ ଅସାନ୍ତୋଷ ପ୍ରକାଶ ପାଉଥିବା ଦେଖିବାକୁ ମିଳିଛି।
