ଆଜି ଦିଲ୍ଲୀ ମେଟ୍ରୋରେ ଏକ ଅଜବ ଘଟଣା ସାମ୍ନାକୁ ଆସିଛି । ଯାହାର ଭିଡିଓ ସୋସିଆଲ ମିଡିଆରେ ଘୂରି ବୁଲୁଛି । ଏକ ଦମ୍ପତି ଏବଂ ମଦ୍ୟପ ଯୁବକଙ୍କ ମଧ୍ୟରେ ଏମିତି ବିବାଦ ହୋଇଥିଲା ଯେ ମେଟ୍ରୋ ଯାତ୍ରୀ ଆଶ୍ଚର୍ଯ୍ୟ ହୋଇଥିଲେ । ଭିଡ଼ରେ ଠିଆ ହୋଇ ଦୁଇ ଜଣ ଯୁବକ ଝଗଡ଼ା ଲାଗୁଥିଲେ । ଏହା କୌଣସି ଫିଲ୍ମର ଆକ୍ସନ୍ ଠାରୁ କମ୍ ଦେଖାଯାଉ ନଥିଲା । ଜଣେ ଯୁବକ ମଦ୍ୟପାନ କରି ଦମ୍ପତିଙ୍କ ସହ ଖରାପ ବ୍ୟବହାର କରିବା ଆରମ୍ଭ କରିଥିଲା ଏବଂ ପରେ ଏହି ମାମଲା ବଢ଼ିଯାଇ ଝଗଡ଼ାର ରୂପ ନେଇଥିଲା । ମେଟ୍ରୋରେ ଲୋକମାନେ ଦର୍ଶକ ଭଳି ଛିଡା ହୋଇ ଝଗଡ଼ା ଦେଖୁଥିଲେ । କିନ୍ତୁ ଦୁଇଜଣଙ୍କୁ ଅଲଗା କରିବାକୁ କେହି ଚେଷ୍ଟା କଲେ ନାହିଁ । କିଛି ଲୋକ ମୋବାଇଲ୍ ଫୋନ୍ ବାହାର କରି ଭିଡିଓ କରିବାରେ ଲାଗିଥିଲେ । ଦିଲ୍ଲୀ ମେଟ୍ରୋରେ ସବୁବେଳେ ଏମିତି ଭିଡିଓ ଭାଇରାଲ ହୁଏ । କିନ୍ତୁ ବର୍ତ୍ତମାନ ଭାଇରାଲ୍ ହେଉଥିବା ଭିଡିଓ ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ ।
ପ୍ରଥମେ ଦମ୍ପତି ଏବଂ ମଦ୍ୟପ ଯୁବକଙ୍କ ମଧ୍ୟରେ କିଛି କାରଣକୁ ନେଇ ଯୁକ୍ତିତର୍କ ଆରମ୍ଭ ହୋଇଥିଲା । ଯୁକ୍ତିତର୍କ ଏତେ ବଢ଼ିଗଲା ଯେ ଦୁଇ ଜଣଙ୍କ ମଧ୍ୟରେ ବଚସା ହେଲା । ଦମ୍ପତି ମଦ୍ୟପକୁ ଠେଲି ବାଡ଼େଇବା ଆରମ୍ଭ କରିଥିଲେ । ଏହି ସମୟରେ ମହିଳା ଦୁଇ ଜଣଙ୍କୁ ଅଟକାଇବାକୁ ଚେଷ୍ଟା କରିଥିଲେ । କିନ୍ତୁ ମଦ୍ୟପ ବ୍ୟକ୍ତି ଅନ୍ୟ ବ୍ୟକ୍ତିକୁ ବାଡ଼େଇବା ପାଇଁ ଚେଷ୍ଟା କରିଥିଲା । ଏହି ଝଗଡା ସମୟରେ ମଦ୍ୟପ ଯୁବକ ନାକରୁ ରକ୍ତ ବାହାରିଥିଲା, ଯେଉଁ କାରଣରୁ ପରିସ୍ଥିତି ଆହୁରି ଗୁରୁତର ହୋଇପଡିଥିଲା । ମେଟ୍ରୋରେ ଉପସ୍ଥିତ ଥିବା ଅନ୍ୟ ଯାତ୍ରୀମାନେ ଏହି ଘଟଣାକୁ ଦେଖିବାରେ ଲାଗିଥିଲେ ଏବଂ ମୋବାଇଲ୍ ଫୋନକୁ ଭିଡିଓ ରେକର୍ଡ କରୁଥିଲେ । କିନ୍ତୁ ଝଗଡ଼ା ରୋକିବାକୁ କେହି ବି ଚେଷ୍ଟା କରିନଥିଲେ ।
Kalesh b/w a Drunk Tall Guy and a Couple inside Delhi Metro pic.twitter.com/KPlF5ylrBL
— Ghar Ke Kalesh (@gharkekalesh) November 9, 2024
ଏହି ଭାଇରାଲ ଭିଡିଓ ସୋସିଆଲ ମିଡିଆ ପ୍ଲାଟଫର୍ମ X ରେ ଘରକେକଲେସ ନାମକ ଏକ ଆକାଉଣ୍ଟରୁ ପୋଷ୍ଟ କରାଯାଇଥିଲା । ଏହି ଭିଡିଓକୁ ବର୍ତ୍ତମାନ ପର୍ଯ୍ୟନ୍ତ ୩ ଲକ୍ଷରୁ ଅଧିକ ଥର ଦେଖାଯାଇଛି ଏବଂ ଅନେକ ଲୋକ ଏହାକୁ ପସନ୍ଦ କରିଛନ୍ତି ଏବଂ ସେୟାର କରିଛନ୍ତି । ଭିଡିଓ ଦେଖିବା ପରେ ୟୁଜରମାନେ ବିଭିନ୍ନ ପ୍ରକାରର କମେଣ୍ଟ ଦେଉଛନ୍ତି ।