ବିବାହ କରିବାର ନିଶା ଏତେ ଥିଲା ଯେ ଭୟଙ୍କର ବନ୍ୟାରେ ବି ଜଣେ ଦମ୍ପତି ନିଜକୁ ରୋକିପାରି ନ ଥିଲେ। ଦମ୍ପତି ନା କେବଳ ବନ୍ୟାଜଳ ଭିତରେ ପଶି ବିବାହ କରିଥିଲେ, ବରଂ ପରସ୍ପରକୁ ଚୁମା ମଧ୍ୟ ଦେଇଥିଲେ। ଏହାପରେ କନ୍ୟାକୁ ଏୟାରଲିଫ୍ଟ କରାଯାଇଥିଲା। ବର୍ତ୍ତମାନ ସେହି ମୁହୂର୍ତ୍ତର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି।
ଦମ୍ପତି ଅଷ୍ଟ୍ରେଲିଆର। ବିବାହ ବି ସେହିଠାରେ ହୋଇଛି। ବନ୍ୟା ଭିତରେ ସାମ୍ନାକୁ ଆସିଥିବା ଏହି ଫଟୋ ଲୋକଙ୍କୁ ଚକିତ କରି ଦେଇଛି। ଯେଉଁ ଅଞ୍ଚଳରେ ଦମ୍ପତି ବିବାହ କରିଛନ୍ତି, ସେଠି ବନ୍ୟା ପରିସ୍ଥିତ ବହୁତ ଜଟିଳ ରହିଛି। ଅଞ୍ଚଳଟି ନ୍ୟୁ ସାଉଥ୍ େଓ୍ଵଲ୍ସର।
ଗତ କିଛିଦିନ ଧରି ଏଠାରେ ଭୀଷଣ ବର୍ଷା ଲାଗି ରହିବା ଯୋଗୁ ବନ୍ୟା ପରିସ୍ଥିତି ଉପୁଜିଛି। ରାସ୍ତା ଉପରେ ହାତେ ଉଚ୍ଚରେ ପାଣି ଚାଲିଛି। କେତେକ ଅଞ୍ଚଳ ବାହ୍ୟ ଜଗତରୁ ବିଚ୍ଛିନ୍ନ ହୋଇଯାଇଛି, ଯେଉଁଥିପାଇଁ ଲୋକେ ଏକପ୍ରକାର ଆତଙ୍କିତ ଏବଂ ଭୟଭୀତ ଅବସ୍ଥାରେ ରହିଛନ୍ତି।
ଏହି ଦମ୍ପତି ମାର୍ଚ୍ଚ ୨୦ରେ ବିବାହ କରିଥିଲେ। ବିବାହ ସମୟରେ ସେମାନେ ଏକ ଜଳବନ୍ଦୀ ଘରେ ଫସି ରହିଥିଲେ। ସ୍ଥିତି ଜଟିଳ ଥିଲେ ବି ଦମ୍ପତି ନିଜ ବିବାହକୁ ଟାଳି ନ ଥିଲେ। ବିବାହ ମିଡ୍ ନର୍ଥ କୋଷ୍ଟସ୍ଥିତ ଓ୍ଵିଙ୍ଘମ୍ରେ ହେବାର ଥିଲା। ଠିକ୍ ପୂର୍ବରୁ ଦମ୍ପତି ଏକ ଟ୍ଵିଟ୍ କରି ସହାୟତା ମାଗିଥିଲେ ଏବଂ ସଙ୍ଗେ ସଙ୍ଗେ ସେମାନଙ୍କ ପାଖରେ ସହାୟତା ପହଞ୍ଚିଥିଲା। ଏହାପରେ ବିବାହ ସମ୍ପନ୍ନ ହୋଇଥିଲା। ଦମ୍ପତି ପରସ୍ପରକୁ ଫାଇନାଲ କିସ୍ କରିବା ପରେ ସେମାନଙ୍କୁ ହେଲିକାପ୍ଟର ଯୋଗେ ଉଦ୍ଧାର କରାଯାଇଥିଲା।
କୋରାପୁଟ : ଦୁଇ ନକଲି ନକ୍ସଲ ଗିରଫ । ଜୟପୁର ସଦର ଥାନା ଓ ବୈପାରିଗୁଡା ପୋଲିସର ମିଳିତ ଉଦ୍ୟମରେ…
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…