ନବରାତ୍ରି ଅଷ୍ଟମୀରେ ଭୁଲ୍ରେ ବି କରନ୍ତୁ ନାହିଁ ଏହି ୯ଟି ଭୁଲ୍, ମିଳିବ ନାହିଁ ବ୍ରତ ଓ ପୂଜାର ଫଳ
ନବରାତ୍ରି ଅଷ୍ଟମୀ ତିଥିର ଖାସ୍ ମହତ୍ତ୍ୱ ରହିଛି। ଏଥର ନବରାତ୍ରି ୮ ଦିନର ହିଁ ଅଛି, ଏଥିପାଇଁ ୧୩ ଅକ୍ଟୋବରରେ ଅଷ୍ଟମୀ ପାଳନ କରାଯିବ। ଯେଉଁ ଲୋକ ନବରାତ୍ରି ଆରମ୍ଭରୁ ବ୍ରତ ରଖିଛନ୍ତି, ସେମାନେ ଦୁର୍ଗା ଅଷ୍ଟମୀର ବ୍ରତ ମଧ୍ୟ ରଖିଛନ୍ତି। ଦୁର୍ଗା ଅଷ୍ଟମୀ ଦିନ ମା’ଙ୍କ ମହାଗୌରୀ ସ୍ୱରୂପକୁ ଆରାଧନା କରାଯାଇଥାଏ। ଏହି ଦିନ କିଛି ଖାସ୍ ନିୟମର ପାଳନ କରିବା ବହୁତ ଜରୁରୀ ହୋଇଥାଏ। ବିଶ୍ୱାସ ରହିଛି କି, ଯଦି ନବରାତ୍ରିର ଅଷ୍ଟମୀ ପୂଜାପାଠରେ ସାମାନ୍ୟ ବି ଗଡ଼ବଡ଼ ହୁଏ, ତେବେ ବାକି ଦିନର ଆରାଧନା ବ୍ୟର୍ଥ ଯାଏ। ଏଥିପାଇଁ ଏହି ଦିନ କିଛି କଥା ଉପରେ ବିଶେଷ ଧ୍ୟାନ ରଖିବାକୁ ପଡ଼ିଥାଏ। ଆସନ୍ତୁ ଜାଣିବା ଅଷ୍ଟମୀ ପୂଜାର ଶୁଭ ମୁହୂର୍ତ୍ତ।
ଅଷ୍ଟମୀ ଦିନ ହୋମର ଶୁଭ ମୁହୂର୍ତ୍ତ
ଏହି ଦିନ ମା’ ଦୁର୍ଗାଙ୍କର ୮ମ ସ୍ୱରୂପ ମହାଗୌରୀଙ୍କର ପୂଜା ଏବଂ ଆରାଧନା ହୋଇଥାଏ। ମହାଷ୍ଟମୀରେ ସନ୍ଧି ପୂଜା ହୋଇଥାଏ। ଏହି ପୂଜା ଅଷ୍ଟମୀ ସମାପ୍ତ ହେବାର ଶେଷ ୨୪ ମିନିଟ୍ ଏବଂ ନବମୀ ପ୍ରାରମ୍ଭ ହେବାର ପ୍ରଥମ ୨୪ ମିନିଟ୍ରେ କରାଯାଏ। ସନ୍ଧି କାଳର ସମୟ ଦୁର୍ଗା ପୂଜା ଏବଂ ହୋମ ପାଇଁ ସବୁଠାରୁ ଶୁଭ ବୋଲି ବିବେଚନା କରାଯାଏ। ହୋମ କରିବାର ଶୁଭ ମୁହୂର୍ତ୍ତ ସନ୍ଧ୍ୟା ୭ଟା ୪୨ ମିନିଟ୍ରୁ ରାତି ୮ଟା ୭ ମିନିଟ୍ ପର୍ଯ୍ୟନ୍ତ ରହିଛି।
ଦିନର ଚୌଘଡ଼ି
ଲାଭ: ସକାଳ ୬ଟା ୨୬ରୁ ରାତି ୭ଟା ୫୩
ଅମୃତ: ସକାଳ ୭ଟା ୫୩ରୁ ରାତି ୯ଟା ୨୦
ଶୁଭ: ସକାଳ ୧୦ଟା ୪୬ରୁ ମଧ୍ୟାହ୍ନ ୧୨ଟା ୧୩
ଲାଭ: ଭୋର୍ ୪ଟା ୩୨ରୁ ସନ୍ଧ୍ୟା ୫ଟା ୫୯
ରାତିର ଚୌଘଡ଼ି
ଶୁଭ: ରାତି ୭ଟା ୩୨ରୁ ରାତି ୯ଟା ୬
ଅମୃତ: ରାତି ୯ଟା ୬ରୁ ରାତି ୧୦ଟା ୩୯
ଲାଭ: ଅପରାହ୍ନ ୩ଟା ୨୦ରୁ ଅପରାହ୍ନ ୪ଟା ୫୩
ନବରାତ୍ରିର ଅଷ୍ଟମୀ ପୂଜା ଏବଂ ବ୍ରତ ସମୟରେ ଏହି କଥା ଉପରେ ରଖନ୍ତୁ ଧ୍ୟାନ
୧. ଅଷ୍ଟମୀ ଦିନ ସୂର୍ଯ୍ୟୋଦୟ ପୂର୍ବରୁ ଉଠିବା ଶୁଭ ବୋଲି ଧରାଯାଏ। ଏହି ଦିନ ଭୁଲ୍ରେ ବି ଅଧିକ ସମୟ ଯାଏ ଶୋଇ ରୁହନ୍ତୁ ନାହିଁ। ପୂଜା ପାଇଁ ସଫା କପଡ଼ା ପିନ୍ଧନ୍ତୁ। ଏହି ଦିନ ଶୁଭ ମୁହୂର୍ତ୍ତରେ ହିଁ ପୂଜା କରିବାକୁ ପ୍ରୟାସ କରନ୍ତୁ। ଏହି ମୁହୂର୍ତ୍ତ ବିତିଗଲେ ପୂଜାର ମହତ୍ତ୍ୱ ରୁହେ ନାହିଁ।
୨. ସନ୍ଧି କାଳ ସମୟରେ ୧୦୮ ଦୀପ ଜଳାନ୍ତୁ। ଅଷ୍ଟମୀ ଦିନ ସନ୍ଧି କାଳରେ ହିଁ ଦୀପ ଜଳାଇବା ଶୁଭ ହୋଇଥାଏ।
୩. ବିଷ୍ଣୁ ପୁରାଣ ଅନୁସାରେ, ଅଷ୍ଟମୀରେ ପୂଜା ପରେ ଦିନରେ ଶୋଇବା ଉଚିତ ନୁହେଁ। ଏମିତି କଲେ ପୂଜାର ଫଳ ମିଳି ନ ଥାଏ।
୪. ଅଷ୍ଟମୀ ଦିନ ହୋମ ବିନା ପୂଜା କରିବାର ଭୁଲ୍ କରନ୍ତୁ ନାହିଁ। ହୋମ ବିନା ନବରାତ୍ରିର ପୂଜା ଅଧୁରା ବୋଲି ଗଣାଯାଏ। ଧ୍ୟାନ ରଖିବେ, ଆହୁତିର ସାମଗ୍ରୀ କୁଣ୍ଡରୁ ଯେପରି ବାହାରକୁ ନ ଯିବ।
୫. ଚାଳିଶା, ମନ୍ତ୍ର କିମ୍ବା ସପ୍ତଶତୀ ପାଠ କରିବା ମଝିରେ କୌଣସି ଅନ୍ୟ ଲୋକ ସହିତ କଥା ହୁଅନ୍ତୁ ନାହିଁ। ଏମିତି କରିବା ଦ୍ୱାରା ପୂଜାର ଫଳ ମିଳି ନ ଥାଏ। ମାତାଙ୍କ ଚୌକିର ସମାପନ ବି ପୂରା ବିଧିର ସହ କରିବା ଉଚିତ।
୬. ଯଦି ଆପଣ ଅଷ୍ଟମୀର ବ୍ରତ ରଖିଛନ୍ତି, ତା’ହେଲେ ନବମୀ ଦିନ କନ୍ୟା ପୂଜନ ପୂର୍ବରୁ କିଛି ବି ଖାଆନ୍ତୁ ନାହିଁ। କନ୍ୟା ପୂଜନ ଏବଂ ସେମାନଙ୍କୁ ବିଦା କରିବା ପରେ ହିଁ ପୂରା ବିଧିର ସହ ବ୍ରତର ପାରଣ କରିବା ଉଚିତ।
୭. କିଛି ଲୋକ ଅଷ୍ଟମୀ ଦିନ ରାତି ୧୨ଟାରୁ ହିଁ ବ୍ରତ ପାରଣ କରି ନେଇ ଥାଆନ୍ତି। କିନ୍ତୁ ଭୁଲ୍ରେ ବି ଏମିତି କରନ୍ତୁ ନାହିଁ। ନବମୀ ଦିନ ସକାଳୁ ପୂରା ବିଧି ମୁତାବକ ବ୍ରତ ସମାପ୍ତ କରନ୍ତୁ। ଏହି ଦିନ ଦୁର୍ଗା ସପ୍ତଶତୀ ପାଠ କରିବା ପରେ ହୋମ କରନ୍ତୁ ଏବଂ କନ୍ୟାମାନଙ୍କୁ ଭୋଜନ କରାଇବା ପରେ ଏହାର ସମାପନ କରନ୍ତୁ। ନବମୀ ଦିନ ଲାଉ ଖାଇବାର ବିଧି ରହିଛି। ଯଦି ନବମୀ ଗୁରୁବାର ପଡ଼ୁଛି, ତ ଏହି ଦିନ କଦଳୀ ଏବଂ କ୍ଷୀର ସେବନ ବି କରିବା ଉଚିତ ନୁହେଁ।
୮. ନବରାତ୍ରି ସମୟରେ ତୁଳସୀ ଗଛ ପାଖ ଅନ୍ଧାର ରଖିବା ଉଚିତ ନୁହେଁ। ଅଷ୍ଟମୀ ଦିନ ତୁଳସୀ ମୂଳରେ ୯ଟି ଦୀପ ଜଳାଇ ଏହାର ପରିକ୍ରମା କରିବା ଉଚିତ। ଏହାଦ୍ୱାରା ଘର ଏବଂ ପରିବାରରେ ସୁଖ-ସମୃଦ୍ଧି ଆସିଥାଏ।
୯. ଅଷ୍ଟମୀ ଦିନ ନୀଳ ଏବଂ କଳା ରଙ୍ଗର ବସ୍ତ୍ର ପିନ୍ଧିବାଠୁ ଦୂରେଇ ରୁହନ୍ତୁ। ଏହି ଦିନ ହଳଦିଆ ଏବଂ ଲାଲ୍ ରଙ୍ଗର ବସ୍ତ୍ର ପିନ୍ଧିବା ଶୁଭ ହୋଇଥାଏ।
