ହିନ୍ଦୁ ଧର୍ମର ବାସ୍ତୁ ଶାସ୍ତ୍ରର ନିୟମ ପାଳନ କରିବା ଦ୍ୱାରା ଜୀବନରେ ସୁଖ ଏବଂ ସମୃଦ୍ଧି ଆସିଥାଏ । ବାସ୍ତୁ ଶାସ୍ତ୍ର ଅନୁସାରେ, ଦୈନନ୍ଦିନ କାର୍ଯ୍ୟକଳାପର ଆମ ଜୀବନ ଉପରେ ନିଶ୍ଚିତ ଭାବରେ ସକାରାତ୍ମକ ଏବଂ ନକାରାତ୍ମକ ପ୍ରଭାବ ପଡ଼ିଥାଏ, ତେଣୁ କୁହାଯାଏ ଯେ ସମସ୍ତ କାର୍ଯ୍ୟକଳାପ ବାସ୍ତୁ ଶାସ୍ତ୍ର ଅନୁସାରେ କରାଯିବା ଉଚିତ । ଯାହା ଦ୍ଵାରା ଆମକୁ ଶାରୀରିକ, ମାନସିକ ଏବଂ ଆର୍ଥିକ ସମସ୍ୟାର ସମ୍ମୁଖୀନ ହେବାକୁ ନପଡ଼େ । କିନ୍ତୁ କେତେକ ସମୟରେ ଆମେ ଜାଣତରେ କିମ୍ବା ଅଜାଣତରେ କିଛି ଭୁଲ କରିଦେଉ ଯାହା ଫଳରେ ଆମକୁ ଏକ ସମୟରେ ଅନେକ ପ୍ରକାରର ସମସ୍ୟାର ସମ୍ମୁଖୀନ ହେବାକୁ ପଡ଼ିଥାଏ । ଏହା ସହିତ, ଆର୍ଥିକ ସଙ୍କଟ ଏତେ ବଡ଼ ହୋଇଯାଏ ଯେ ବ୍ୟକ୍ତି ଋଣରେ ବୁଡ଼ିଯାଏ, ତେଣୁ ଆସନ୍ତୁ ଜାଣିବା ଆମକୁ କେଉଁ ଭୁଲଗୁଡ଼ିକ ଦୂରେଇବା ଉଚିତ ।
ବାସ୍ତୁ ଶାସ୍ତ୍ରରେ ଦିଗନିର୍ଦ୍ଦେଶର ବିଶେଷ ଗୁରୁତ୍ୱ ଅଛି । କୁହାଯାଏ ଯେ ଯଦି ଘରେ କୌଣସି ଜିନିଷ ଭୁଲ ଦିଗରେ ରଖାଯାଏ, ତେବେ ଏହାର ନକାରାତ୍ମକ ପ୍ରଭାବ ସମଗ୍ର ଘର ଏବଂ ପରିବାର ସଦସ୍ୟଙ୍କ ଉପରେ ହିଁ ପଡ଼ିଥାଏ । ସେହିପରି, ଘରେ କୌଣସି ସ୍ଥାନରେ ଅଳିଆ ବାକ୍ସ ରଖନ୍ତୁ ନାହିଁ । କୁହାଯାଏ ଯେ ଘରର ମୁଖ୍ୟ ପ୍ରବେଶ ଦ୍ୱାରରେ କେବେବି ଡଷ୍ଟବିନ୍ ରଖିବା ଉଚିତ୍ ନୁହେଁ । ଏହିଠାରୁ ହିଁ ଦେବୀ ଲକ୍ଷ୍ମୀ ଘରେ ପ୍ରବେଶ କରନ୍ତି । ଏହା କରିବା ଦ୍ୱାରା ଧନ ଦେବୀ କ୍ରୋଧିତ ହୋଇଯାଆନ୍ତି ଏବଂ ଦ୍ୱାର ପାଖରୁ ଫେରି ଯାଆନ୍ତି । ଯାହା ଆପଣଙ୍କର ଧନହାନୀ ହେବାର ସମ୍ଭାବନା ମଧ୍ୟ ଥାଏ । ତେବେ ଆସନ୍ତୁ ଜାଣିବା କିଛି ଜିନିଷ ବିଷୟରେ । ଯାହାକୁ ପରିବର୍ତ୍ତନ କଲେ ଅସୁବିଧାରୁ ମୁକ୍ତି ପାଇପାରିବା ।
ରାତିସାରା ମଇଳା ବାସନ ଛାଡିବା :
ବାସ୍ତୁ ଶାସ୍ତ୍ର ଅନୁସାରେ, କେବେବି ମଇଳା କିମ୍ବା ବ୍ୟବହୃତ ବାସନକୁ ରାତିସାରା ରଖିବା ଉଚିତ୍ ନୁହେଁ । ଯଦିଓ ଡେରି ହୋଇଯାଏ, ଶୋଇବା ପୂର୍ବରୁ ବାସନ ଧୋଇବାକୁ ଭୁଲନ୍ତୁ ନାହିଁ । ଏହା କରିବା ଦ୍ୱାରା ମାତା ଅନ୍ନପୂର୍ଣ୍ଣାଙ୍କ ଆଶୀର୍ବାଦ ମିଳିଥାଏ ବୋଲି ବିଶ୍ୱାସ କରାଯାଏ, ଯାହା ଦ୍ୱାରା ଜୀବନରେ କେବେ ଧନ ଏବଂ ଖାଦ୍ୟର ଅଭାବ ହୁଏ ନାହିଁ ।
ବିଛଣା ଉପରେ ବସି ଖାଇବା ଉଚିତ୍ ନୁହେଁ :
ବାସ୍ତୁ ଶାସ୍ତ୍ର ଅନୁସାରେ, ବିଛଣାରେ ବସି କେବେବି ଖାଦ୍ୟ ଖାଇବା ଉଚିତ୍ ନୁହେଁ । କାରଣ ଏହା ଦେବୀ ଲକ୍ଷ୍ମୀଙ୍କୁ କ୍ରୋଧିତ କରିଥାଏ ଏବଂ ସୁଖ ଏବଂ ସମୃଦ୍ଧିରେ ଏକ ବଡ଼ ବାଧା ସୃଷ୍ଟି କରିଥାଏ ।
ବାଥରୁମରେ ଖାଲି ବାଲ୍ଟି ରଖନ୍ତୁ ନାହିଁ :
କେବେବି ବାଥରୁମରେ ଖାଲି ବାଲଟି, ଟବ୍ ଇତ୍ୟାଦି ରଖିବା ଉଚିତ୍ ନୁହେଁ । ବାସ୍ତୁ ଶାସ୍ତ୍ର ଅନୁସାରେ, ବାଥରୁମରେ ସବୁବେଳେ ପାଣି ଭର୍ତ୍ତି ଏକ ବାଲଟି ରଖନ୍ତୁ । ଏହା କରିବା ଦ୍ୱାରା ଘରେ ସକାରାତ୍ମକ ଶକ୍ତି ବଜାୟ ରହିଥାଏ ଏବଂ ଘରେ ସୁଖ ସମୃଦ୍ଧି ଲାଗି ରହିଥାଏ ।
ସନ୍ଧ୍ୟା ସମୟରେ ଏହି ଜିନିଷ ଦିଅନ୍ତୁ ନାହିଁ :
ବାସ୍ତୁ ଶାସ୍ତ୍ର ଅନୁସାରେ, ସନ୍ଧ୍ୟାରେ କିମ୍ବା ସୂର୍ଯ୍ୟାସ୍ତ ପରେ କେବେବି କ୍ଷୀର, ଦହି, ଲୁଣ ଦାନ କରନ୍ତୁ ନାହିଁ । ଏହା ଦ୍ୱାରା ଆର୍ଥିକ ଅବସ୍ଥା ଖରାପ ହୋଇଯାଏ ଏବଂ ବ୍ୟକ୍ତି ଋଣର ବୋଝରେ ବୁଡ଼ିଯାଏ ବୋଲି ବିଶ୍ୱାସ କରାଯାଏ । ଯଦି ଆପଣ ଏହି ଅଭ୍ୟାସକୁ ନିତିଦିନ ପାଳନ କରନ୍ତି, ତେବେ ଆପଣଙ୍କ ଜୀବନ ସୁଖରେ କଟିବ ।