ଚିଡ଼ିଆଖାନାରେ ପଶି ସିଂହ ସହ ପଙ୍ଗା, ଭାଇରାଲ ହେଉଛି ଭିଡିଓ
ସିଂହକୁ ନାଲି ଆଖି । ଚିଡ଼ିଆଖାନାରେ ପଶି ସିଂହ ସହ ପଙ୍ଗା । ସିଂହ ଭଳି ହିଂସ୍ର ଜନ୍ତୁକୁ ଦେଖିଲେ ଯେ କେହି ବି ଭୟ କରିବ । କିନ୍ତୁ ଜଣେ ଯୁବକ ସିଂହ ସାମ୍ନାରେ ଏମିତି ବୁଲୁଥିଲେ ଯେମିତି ସିଂହଟି ତାଙ୍କର କିଛି କ୍ଷତି କରିବନି । ତେବେ ଯୁବକ ଓ ସିଂହର ଏକ ଭାଇରାଲ ଭିଡିଓ ଏବେ ମୋବାଇଲରୁ ମୋବାଇଲକୁ ଘୂରି ବୁଲୁଛି ।
ଇଣ୍ଟରନେଟରେ ପ୍ରତିଦିନ କିଛି ନା କିଛି ଭିଡିଓ ଭାଇରାଲ ହେଉଛି । କିନ୍ତୁ ନିକଟରେ ଭାଇରାଲ ହୋଇଥିବା ଏ ଭିଡିଓ ସମସ୍ତଙ୍କୁ ଚିନ୍ତାରେ ପକାଇଛି । ତେବେ କହି ରଖିବାକୁ ଚାହିଁବୁ ଯେ ଦିଲ୍ଲୀର ଏକ ଚିଡ଼ଆଖାନାରେ ଏମିତି ଘଟଣା ଘଟିଥିବା ଜଣା ପଡ଼ିଛି । ଜଣେ ଯୁବକ ମଦ ନିଶାରେ ସିଂହ ରହୁଥିବା ସ୍ଥାନରେ ପଡ଼ିଯାଇଥିଲେ । ମଦ ନିଶାରେ ଏତେ ଚୁର ଥିଲେ ଯେ କାହା ହାବୁଡ଼ରେ ପଡ଼ିଥିଲେ କିଛି ବୁଝି ପାରୁନଥିଲେ । ସିଂହ ସହ କଥା ହୋଇ ସିଂହ ଚାରିପଟେ ବୁଳୁଥିଲେ ମଦ୍ୟପ ଯୁବକ । ଯୁବକଙ୍କୁ ଉଦ୍ଧାର କରିବା ପାଇଁ ନିକଟରେ ଥିବା ଲୋକମାନେ ହୋହାଲ୍ଲା କରୁଥିଲେ । ଲୋକମାନେ ଯୁବକଙ୍କୁ ବଞ୍ଚାଇବାକୁ ଚେଷ୍ଟା କରିବା ସହ ସିଂହକୁ ଘଉଡ଼ାଇବାକୁ ଚେଷ୍ଟା କରୁଥିବା ମଧ୍ୟ ଭିଡିଓରେ ଣୁଣିବାକୁ ମିଳିଛି । କିନ୍ତୁ ସିଂହ ଯୁବକଙ୍କ ପାଖ ଛାଡ଼ି ଯାଉନଥିଲା ।
ତେବେ ଯୁବକ ଜଣଙ୍କ ସିଂହ ସହ ଦୀର୍ଘ ସମୟ ପର୍ଯ୍ୟନ୍ତ ଉକ୍ତ ସ୍ଥାନରେ ଫସି ରହିଥିଲେ । ଏବଂ କିଛି ସମୟ ପରେ ଚିଡ଼ିଆଖାନାର କର୍ମଚାରୀ ସଫଳତାର ସହ ଯୁବକଙ୍କୁ ଉଦ୍ଧାର କରିଥିଲେ । ଉଦ୍ଧାର କରିବା ପରେ ଯୁବକଙ୍କୁ ଗିରଫ କରାଯାଇ ଜେଲ ପଠାଯାଇଥିବା ସୂଚନା ମିଳିଛି । ତେବେ କହି ରଖିବାକୁ ଚାହିଁବୁ ଏ ଭାଇରାଲ ଭିଡିଓଟି ବହୁତ ପୁରୁଣା ଭିଡିଓ । ଯାହା ପୁଣି ଥରେ ସୋସିଆଲ ମିଡିଆରେ ଭାଇରାଲ ହୋଇଛି । ଏହି ଭିଡିଓକୁ ଅନ୍ବେଷ ନାମକ ଜଣେ ୟୁଜର ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି ।
ସିଂହଟି ଯୁବକଙ୍କୁ ଆକ୍ରମଣ କରିନଥିଲା ସତ କିନ୍ତୁ ଟିକେ ବିଳମ୍ଭ ହୋଇଥିଲେ କଣ ଯେ ହୋଇଥାନ୍ତା କହିହେବନି । ତେଣୁ ଚିଡ଼ିଆଖାନା ଯିବା ସମୟରେ ଏଭଳି ନିଶା କରି ଯାଆନ୍ତୁ ନାହିଁ । ହିଂସ୍ର ଯନ୍ତୁଙ୍କ ଠାରୁ ଦୂରେଇ ରୁହନ୍ତୁ । ନଚେତ ଆପଣଙ୍କ ସହ ବି ଏମିତି ଅଘଟଣ ଘଟିପାରେ ।
