ଭଗବାନଙ୍କ ସାମ୍ନାରେ ପ୍ରତ୍ୟେକ ଦିନ ଦୀପ କାହିଁକି ଜଳେଇବା ଉଚିତ, ଜାଣନ୍ତୁ ଏହା ଦ୍ୱାରା କି ଉପକାର ହୋଇଥାଏ
ଭଗବାନଙ୍କୁ ପୂଜା କରିବାବେଳେ ତାଙ୍କ ସାମ୍ନାରେ ଏକ ଦୀପ ସବୁବେଳେ ଜଳାଯାଏ । ଏପରିକି ତୁଲସୀ ଗଛ,ବେଲ ଗଛ ଓ ବର ଗଛ ଇତ୍ୟାଦି ତଳେ ଏକ ପ୍ରଦୀପ ପ୍ରଜ୍ୱଳିତ ହୋଇଥାଏ । ଆପଣ କେବେ ଚିନ୍ତା କରିଛନ୍ତି କି କାହିଁକି ଦୀପ ଜଳାଯାଏ ? ଜ୍ୟୋତିଷ ଓ ଧାର୍ମିକ ଶାସ୍ତ୍ର ଅନୁଯାୟୀ ଦୀପ ଜାଳିବାର ଅନେକ ଗୁରୁତ୍ୱ ଦିଆଯାଇଛି । ଆଜି ଆସନ୍ତୁ ଜାଣିବା ଦୀପ ଜାଳିବାର କାରଣ ଏବଂ ଉପକାରିତା ବିଷୟରେ ।
ବାସ୍ତବରେ, ଭଗବାନ ନିଜେ ଦୀପର ଆଲୋକରେ ଅଛନ୍ତି ଏବଂ ଅଗ୍ନି ହେଉଛି ପାଞ୍ଚଟି ଉପାଦାନ ମଧ୍ୟରୁ ଗୋଟିଏ । ଏପରି ପରିସ୍ଥିତିରେ, ଭଗବାନଙ୍କୁ ଉପାସନା କରିବା ସମୟରେ ଦୀପ ଜାଳିବା ଦ୍ୱାରା ସମସ୍ତ ଅସୁବିଧା, ଦୁଃଖ ଓ ଅନ୍ଧକାର ଦୂର ହୋଇଯାଏ ଓ ଜୀବନରେ ସୁଖ ଭରିଯାଏ । ଏବଂ ଦୀପ ଜାଳିବା ଦ୍ୱାରା ବାୟୁମଣ୍ଡଳରେ ସକରାତ୍ମକତା ଆଣିଥାଏ ।
ଦୀପ ଜଳିବାର ଅନେକ ଲାଭ ରହିଛି
ପ୍ରତ୍ୟେକ ଶୁଭ କାର୍ଯ୍ୟ କିମ୍ବା ପୂଜା କରିବାବେଳେ ଦେଶୀ ଘିଅ କିମ୍ବା ତେଲର ଦୀପ ଜାଳି ଭଗବାନଙ୍କ ନିକଟରେ ପ୍ରାର୍ଥନା କରିବା ଉଚିତ୍ । ଜ୍ୟୋତିଷ ଶାସ୍ତ୍ର ଅନୁଯାୟୀ ଭୟ କିମ୍ବା ଅଜଣା ଭୟ ଲାଗୁଥିଲେ ପ୍ରତି ସୋମବାର ଏବଂ ଶନିବାର ଦିନ ସୋରିଷ ତେଲର ଏକ ଦୀପ ଜାଳନ୍ତୁ । ଏଥିରେ ଉଭୟ ଭୟ ଏବଂ ଶତ୍ରୁର ନାଶ ହୋଇଥାଏ ।
ବାଲ ଗୋପାଳଙ୍କ ସାମ୍ନାରେ ପ୍ରତିଦିନ ଦୀପ ଜାଳିବା ଦ୍ୱାରା ପରିବାରରେ ସୁଖ ଏବଂ ସମୃଦ୍ଧି ଲାଗି ରହିଥାଏ ।
ରାହୁ-କେତୁଙ୍କ ଦୋଷରୁ ମୁକ୍ତି ପାଇବା ପାଇଁ ସକାଳେ ଏବଂ ସନ୍ଧ୍ୟାରେ ଘରର ପୂଜା ଘରେ ତେଲର ଏକ ଦୀପ ଜାଳନ୍ତୁ ।
ଶନିବାର ଦିନ ଏକ ସୋରିଷ ତେଲ ଦୀପ ଜାଳିବା ଦ୍ୱାରା ଶନିଙ୍କ କ୍ରୋଧରୁ ମୁକ୍ତି ମିଳିଥାଏ ।
ଘରର ମନ୍ଦିରରେ ପ୍ରତିଦିନ ଦୀପ ଜାଳିବା ଦ୍ୱାରା ସମାଜରେ ମାନ ସମ୍ମାନ ମିଳିଥାଏ । ସୂର୍ଯ୍ୟଙ୍କୁ ଜଳ ପ୍ରଦାନ କରି ଏକ ଦୀପ ଜଳାଇଲେ ବହୁତ ଲାଭଦାୟକ ହୋଇଥାଏ ।
ଦେବୀ ଲକ୍ଷ୍ମୀଙ୍କ ସମ୍ମୁଖରେ ସାତ ମୁଖି ଦୀପ ଜାଳିବା ଦ୍ୱାରା ଧନ ସମ୍ପତି ସହିତ ଜଡିତ ଥିବା ସମସ୍ୟା ଦୂର ହୋଇଥାଏ ।
ମା ସରସ୍ୱତୀଙ୍କ ସାମ୍ନାରେ ଦୁଇଟି ଦୀପ ଜାଳିବା ଦ୍ୱାରା ବୁଦ୍ଧି ତୀକ୍ଷ୍ଣ ହୋଇଥାଏ ଏବଂ ଯଶ ଖ୍ୟାତି ଲାଭ କରିଥାନ୍ତି ।
ବୁଧବାର ଦିନ ଭଗବାନ ଗଣେଶଙ୍କ ସାମ୍ନାରେ ତିନିମୁଖୀ ଦେଶୀ ଘିର ଦୀପ ଜାଳିବା ଦ୍ୱାରା ଖାଦ୍ୟ ଶସ୍ୟ ବୃଦ୍ଧି ପାଇଥାଏ ଓ ଧନ ଉପାର୍ଜନର ନୂତନ ରାସ୍ତା ଖୋଲିଯାଏ ।
