ଗୋଟିଏ ପଟେ ଚାଲିଥିଲା କାଳବୈଶାଖୀର ତାଣ୍ଡବ, ଏପଟେ ଜଳୁଥିଲା ୫କୋଟିର ସମ୍ପତ୍ତି

ଗଜପତି(କେନ୍ୟୁଜ୍‌): ଭୟାବହ ଅଗ୍ନିକାଣ୍ଡ। ନିଆଁର ଆଁରେ ଜଳିପୋଡି ପାଉଁଶ ହୋଇଗଲା ସପିଂ ମଲ୍ । ଦେଖୁ ଦେଖୁ ହୁ ହୁ ହୋଇ ଜଳି ଉଠିଲା ନିଆଁ । ଧୂଆଁ ମୟ ହୋଇଗଲା ପରିବେଶ । ଶନିବାର ବିଳମ୍ବିତ ରାତିରେ ଘଟିଛି ଏହି ଅଘଟଣ । କିନ୍ତୁ ସୌଭାଗ୍ୟ ବଶତଃ ସେହି ମସୟରେ ମଲରେ କେହି ବି ଉପସ୍ଥିତ ନଥିଲେ ।

ତେବେ ଯାହା ଦେଖିବାକୁ ମିଳିଛି କି, ସପିଂ ମଲ୍ ଭିତରେ ଥିବା ସବୁ ଜିନିଷ ଜଳିପୋଡି ଛାରଖାର ହୋଇଯାଇଛି । ଛିନ୍ ଛତ୍ର ହୋଇ ଏଣେ ତେଣେ ପଡି ରହିଛି ସବୁ କିଛି । କେଉଁଠି ଅଧା ପୋଡା ନୂଆ କପଡା ପଡିତ ତ କେଉଁଠି ଥାକରେ ଥୁଆ ହୋଇଥିବା ନୂଆ ନୂଆ ଲୁଗା ପ୍ୟାକେଟ ଗୁଡିକ ନିଆଁରେ ଜଳିଯାଇଛି ।

ଏଭଳି ଏକ ଘଟଣା ଦେଖିବାକୁ ମିଳିଛି ଗଜପତି ଜିଲ୍ଲା ପାରଳାଖେମୁଣ୍ଡି ସହରରେ । ଗୋଟିଏ ପଟେ କାଳବୈଶାଖୀର ତାଣ୍ଡବଲୀଳା ଚାଲିଥିବା ବେଳେ, ରାଜଦାଣ୍ଡ ଏକ ଘରୋଇ ସପିଂ ମଲରେ ନିଆଁ ଲାଗି ପାଞ୍ଚ କୋଟିରୁ ଊର୍ଦ୍ଧ୍ୱ ମୂଲ୍ୟର ଆସବାବପତ୍ର ସମେତ ଲୁଗାପଟା ପୋଡ଼ି ପାଉଁଶ ହୋଇଯାଇଥିବା ଦେଖିବାକୁ ମିଳିଛି । ବିଳମ୍ବିତ ରାତିରେ ସର୍ଟ ସର୍କିଟ ଯୋଗୁଁ ନିଆଁ ଲାଗିଥିବା ଅନୁମାନ କରାଯାଉଛି ।

ଝଡବର୍ଷା ଯୋଗୁ ବିଦ୍ୟୁତ୍ ସଂଯୋଗ ବନ୍ଦ କରି ରାତି ପ୍ରାୟ ଆଠଟା ସମୟରେ ମଲକୁ ବନ୍ଦ କରି ଚାଲିଯାଇଥିଲେ । ତେବେ ମଲ ମଧ୍ୟରେ ଇନଭଟର ସଂଯୋଗ ରହିଥିଲ, କୈାଣସି କାରଣରୁ ଇନଭଟର ବ୍ୟାଟେରୀରୁ ସର୍ଟ ସର୍କିଟ ହୋଇ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି । ଖବରପାଇ ଅଗ୍ନିଶମ କର୍ମଚାରୀ ପ୍ରଥମେ ସପିଂ ମଲର ସଟର କାଟି ନିଆଁକୁ ଆୟତ୍ତ କରିଥିଲେ। କିନ୍ତୁ ଇତି ମଧ୍ୟରେ ପାଞ୍ଚ କୋଟିରୁ ଉର୍ଦ୍ଧ୍ଵ ମୂଲ୍ୟର ଲୁଗା ସାମଗ୍ରୀ ପୋଡ଼ି ପାଉଁଶ ହୋଇଯାଇଛି।

କୁହାଯାଉଛି କି ସଟ୍ ସର୍କିଟ ରୁ ଅଗ୍ନିକାଣ୍ଡ । ହେଲେ ସଠିକ୍ କାରଣ କଣ ଚାଲିଛି ତଦନ୍ତ । ଏହାରି ଭିତରେ ଏକ ବଡ ଧରଣର କ୍ଷତି । ପାଞ୍ଚ କୋଟି ଟଙ୍କାର ସାମଗ୍ରୀ ଜଳି ପୋଡି ପାଉଁଶ ହୋଇଯାଇଛି । ଯାହାକୁ ଭରଣ କରିବା ବହୁତ କଷ୍ଟଦାୟକ ।

 

Leave A Reply

Your email address will not be published.