ଅଭିଶପ୍ତ ଗାଁ: ଯେଉଁଠାରେ ବୟସ ବଢିବା ପରେ ବଦଳିଯାଏ ଝିଅ ମାନଙ୍କ ଲିଙ୍ଗ

ପୁଅ କିମ୍ବା ଝିଅ ହେବା ଈଶ୍ୱରଙ୍କର ଏକ ଉପହାର। ଜନ୍ମ ପୂର୍ବରୁ ଆମ ଲିଙ୍ଗ ନିର୍ଣ୍ଣୟ ହୋଇଯାଏ। କିନ୍ତୁ ବର୍ତ୍ତମାନ ଯୁଗରେ ମଣିଷ ଏତେ ଅଗ୍ରଗତି କରିଛି ଯେ ଅସ୍ତ୍ରୋପଚାର ମାଧ୍ୟମରେ ଲିଙ୍ଗ ମଧ୍ୟ ପରିବର୍ତ୍ତନ କରାଯାଇ ପାରୁଛି । ଦୁନିଆରେ ବହୁତ ଲୋକ ଅଛନ୍ତି ଯେଉଁମାନେ ଅସ୍ତ୍ରୋପଚାର ମାଧ୍ୟମରେ ନିଜର ଲିଙ୍ଗ ପରିବର୍ତ୍ତନ କରୁଛନ୍ତି । ଯଦିଓ ଏହା କେବଳ ଅସ୍ତ୍ରୋପଚାର ମାଧ୍ୟମରେ ସମ୍ଭବ, କିନ୍ତୁ ଆପଣ ଜାଣନ୍ତି କି ପୃଥିବୀରେ ଏପରି ଏକ ଗାଁ ଅଛି ଯେଉଁଠାରେ ଝିଅ ମାନଙ୍କର ବୟସ ବଢିବା ପରେ ପୁଅ ହୋଇଯାନ୍ତ। ଏହା କୌଣସି ଅସ୍ତ୍ରୋପଚାର ଦ୍ୱାରା ହୋଇନଥାଏ । ଏହା ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିଲେ ବି କଥାଟି ସତ ।

ବଡ ହେବା ପରେ, ଏହି ଗାଁର ଝିଅ ମାନଙ୍କର ଲିଙ୍ଗ ସ୍ୱୟଂଚାଳିତ ଭାବରେ ବଦଳିଯାଏ । ଏହା ପରେ ଏଠାକାର ଝିଅ ମାନେ ପୁଅ ହୋଇଯାନ୍ତି । ଆଜି ଏହି ଖବର ମାଧ୍ୟମରେ ଆସନ୍ତୁ ଜାଣିବା କେଉଁ ଗାଁ ଏବଂ କାହିଁକି ଏଠାରେ ଥିବା ଝିଅ ମାନଙ୍କ ସହିତ ଏପରି ଘଟେ ।

ଏହି ଗାଁର ନାମ ସାଲିନାସ୍‌ ଯାହା ଡୋମିନିକାନ୍‌ ରିପବ୍ଲିକ୍‌ର ଦେଶରେ ଅଛି। ଏହି ଗାଁର ଅନେକ ଝିଅ ୧୨ ବର୍ଷ ବୟସରେ ପହଞ୍ଚିବା ବେଳକୁ ପୁଅରେ ପରିଣତ ହେବା ଆରମ୍ଭ କରନ୍ତି । ଆଜି ପର୍ଯ୍ୟନ୍ତ ଝିଅ ମାନଙ୍କ ସହିତ କାହିଁକି ଏହା ଘଟେ, ବୈଜ୍ଞାନିକମାନେ ଜାଣିବାକୁ ସକ୍ଷମ ହୋଇ ନାହାଁନ୍ତି । କିନ୍ତୁ ଝିଅ ମାନଙ୍କ ସହିତ ଘଟୁଥିବା ଏହି ପରିବର୍ତ୍ତନ ଯୋଗୁଁ ଲୋକମାନେ ଏହି ଗାଁକୁ ଏକ ଅଭିଶପ୍ତ ଗାଁ ବୋଲି ବିବେଚନା କରନ୍ତି ।

ସାଲିନାସ୍‌ ଗାଁର ଝିଅ ମାନଙ୍କର ପୁଅ ହେବା ଅଜବ ରୋଗ ହେତୁ ଏଠାକାର ଲୋକମାନେ ବହୁତ ଚିନ୍ତାରେ ରହିଥାନ୍ତି । ଅନେକ ଲୋକ ଏହା ମଧ୍ୟ ବିଶ୍ୱାସ କରନ୍ତି ଯେ ଏହି ଗାଁରେ କିଛି ଅଦୃଶ୍ୟ ଶକ୍ତି ଅଛି । ନହେଲେ ଏଭଳି ଘଟଣା ବାରମ୍ବାର ଘଟନ୍ତା ନାହିଁ । ଏହି ଗାଁରେ ଏପରି ପିଲାମାନଙ୍କୁ ‘ଗୁଏଡୋଚ୍’ କୁହାଯାଏ । ଏହି କାରଣରୁ ଏଠାରେ ଝିଅ ଜନ୍ମ ହେଲେ ଖୁସି ବଦଳରେ ସେମାନଙ୍କ ମନରେ ଭୟ ରହିଥାଏ । କେବଳ ଏତିକି ନୁହେଁ, ଯେତେବେଳେ ଗାଁର କାହାର ଘରେ ଗୋଟିଏ ଝିଅ ଜନ୍ମ ହୁଏ, ସେତେବେଳେ ସେହି ପରିବାରରେ ଗ୍ରହଣ ଲାଗିଯାଏ । କାରଣ ସେମାନେ ଭୟ କରନ୍ତି ଯେ ବଡ ହେବା ପରେ ସେମାନଙ୍କ ଝିଅ ପୁଅରେ ପରିଣତ ହୋଇଯିବ । ଏହି ରୋଗ ହେତୁ ଗାଁର ଝିଅ ମାନଙ୍କ ସଂଖ୍ୟା ମଧ୍ୟ ଯଥେଷ୍ଟ ହ୍ରାସ ପାଉଛି।

ଅନ୍ୟପକ୍ଷରେ, ଡାକ୍ତରମାନେ କହିଛନ୍ତି ଯେ ଏହି ରୋଗ ହେଉଛି ‘ଜେନେଟିକ୍ ବ୍ୟାଧି’। ଏହି ଗାଁରେ ୯୦ ରୁ ଜଣେ ପିଲା ଏହି ରୋଗରେ ପୀଡିତ ଅଛନ୍ତି । ଏହି ରୋଗରେ ଆକ୍ରାନ୍ତ ସମସ୍ତ ଝିଅ ୧୨ ବର୍ଷ ବୟସ ପରେ, ସେମାନଙ୍କର ଶରୀର ପୁରୁଷଙ୍କ ପରି ଅଙ୍ଗ ଗଠନ କରିବା ଆରମ୍ଭ କରେ। ସେହି ସମୟରେ, ତାଙ୍କ ସ୍ୱର ଭାରୀ ହେବାରେ ଲାଗିଲା ଏବଂ ସେହି ପରିବର୍ତ୍ତନଗୁଡ଼ିକ ଶରୀରରେ ଆସିଥାଏ ଯାହା ତାଙ୍କୁ ଧୀରେ ଧୀରେ ପୁରୁଷରେ ପରିଣତ କରିଥାଏ ।

ସାଲିନାସ ଗ୍ରାମରେ ଏହି ଘଟଣା ବିଶ୍ୱର ଅନ୍ୟାନ୍ୟ ସ୍ଥାନ ତୁଳନାରେ ଅଧିକ ଘଟୁଥିବାରୁ ଏହି ଗ୍ରାମ ଅଭିଶପ୍ତ ଗ୍ରାମ ଭାବେ ପରିଚିତ । ଏଭଳି ପିଲାମାନଙ୍କୁ ସାଲିନାସର ଲୋକମାନେ ଈଶ୍ୱରଙ୍କ ଅଭିଶାପ ବୋଲି କହିଥାଆନ୍ତି । ବୟଃସନ୍ଧିରେ ପହଞ୍ଚିସାରିଥିବା ପିଲାମାନଙ୍କ ଜୀବନ ସେମାନଙ୍କ ସାଙ୍ଗସାଥୀ ଓ ପଡ଼ୋଶୀମାନଙ୍କ ଟାହିଟାପରା ଶୁଣି ଦୁର୍ବିସହ ହୋଇପଡ଼ିଥାଏ ।