ଏବେକା ସମୟରେ ପୃଥିବୀରେ ଦିନକୁ ଦିନ ଜଳ ସମସ୍ୟା ବଢୁଥିବା ବେଳେ ହଙ୍ଗକଙ୍ଗର ଏକ ବୈଜ୍ଞାନିକ ଦଳ ଏକ ନୂଆ ବିକଳ୍ପ ନେଇ ଆସିଛନ୍ତି । ଏଠାକାର ଏକ ବିଶ୍ୱବିଦ୍ୟାଳୟର ଇଂଜିନିୟର ଓ ପ୍ରଫେସର ମାନେ ଏମିତି ଏକ ଜେନେରେଟରର ଉଦ୍ଭାବନ କରିଛନ୍ତି ଯାହା ସାହାଯ୍ୟରେ ୧୫ ସେଣ୍ଟିମିଟର ଉଚ୍ଚତା ପର୍ଯ୍ୟନ୍ତରୁ ବହୁଥିବା ମାତ୍ର ଗୋଟେ ବୁନ୍ଦାରୁ ୧୪୦ ବୋଲ୍ଟ ଶକ୍ତି ଉତ୍ପାଦନ କରାଯାଇ ପାରିବ । ସୂତ୍ର ଅନୁଯାୟୀ ବୈଜ୍ଞାନିକ ମାନେ ଦୀର୍ଘ ସମୟ ଧରି ଏହି ପ୍ରୋଜେକ୍ଟ ଉପରେ କାମ କରି ଆସୁଛନ୍ତି । ଯେଉଁଥିରେ ସେମାନଙ୍କୁ ସଫଳତା ମିଳିପାରିଛି ।
ପ୍ରଫେସର ଜୁଆନ କାଇଙ୍କ ଅନୁଯାୟୀ, ଏହି ଜେନେରେଟରରେ ଦୁଇଟି ଇଲେକ୍ଟ୍ରୋଡ଼ ଥିବା ବେଳେ ସେମଧ୍ୟରୁ ଗୋଟିଏ ଆଲୁମିନିୟମ ଓ ଦ୍ଵିତୀୟଟି ପଲିଟେଟ୍ରାଫ୍ଲୁର ଏଥିଲିନ କୋଟେଡ଼ ଇଣ୍ଡିଆନ ଟିନ ଆକ୍ସାଇଡରେ ହିଁ ନିର୍ମିତ ହୋଇଥିବା । ଯେବେ ପଲିଟେଟ୍ରା ଫ୍ଲୁରାଇଥିଲିନର ଇଲେକ୍ଟ୍ରୋଡ଼ର ଉପଯୋଗ ଅଧିକ ସ୍ଥାୟୀ ହୋଇଥାଏ । ଏହା ଉପରେ ଗୋଟିଏ ଟୋପା ବର୍ଷାପାଣି ପଡ଼ିବା ମାତ୍ରେ ଏହା ଆପେ ଆପେ ଜଳି ଉଠିବ । ବୈଜ୍ଞାନିକଙ୍କ ତରଫରୁ ଆହୁରି ମଧ୍ୟ କୁହାଯାଇଛି କି ଏହା ମାଧ୍ୟମରେ ଅଧିକରୁ ଅଧିକ ଶକ୍ତିର ଉତ୍ପାଦନ କରଯାଇ ପାରିବ ।
ଏକ ରିପୋର୍ଟ ଅନୁଯାୟୀ, ଏହି ଜେନେରେଟରଟି ଉଚ୍ଚ କ୍ଷମତା ସମ୍ପର୍ଣ୍ଣ । ଥରକରେ ଏହା ଅଧିକ ଉର୍ଜା ଉତ୍ପାଦନ କରିବାର କ୍ଷମତା ରଖିଛି । ସବୁଠୁ ଜରୁରୀ କଥା ହେଉଛି ଏହା ମାଧ୍ୟମରେ ବର୍ଷା ପାଣିର ଭରପୁର ଉପଯୋଗ କରାଯାଇପାରିବ । ଏହା ସହ ଦେଶର ବିଜୁଳି ଉତ୍ପାଦନ କ୍ଷମତାକୁ ଅନେକ ଗୁଣା ବଢା ଯାଇପାରିବ ।