କିପରି ୧୦୦ ସନ୍ତାନକୁ ଜନ୍ମ ଦେଲେ ଗାନ୍ଧାରୀ, ସବା ସାନ ପୁଅ ଠାରୁ ବଡ଼ ପୁଅ ଦୁର୍ଯ୍ୟୋଧନ ବୟସରେ କେତେ ବଡ଼ ଜାଣନ୍ତୁ

ଆପଣ ନିଶ୍ଚିତ ଭାବରେ ପ୍ରସିଦ୍ଧ ମହାଭାରତକୁ ଟିଭିରେ ଦେଖିଥିବେ କିମ୍ବା ପୁସ୍ତକ ବା ପରିବାର ସଦସ୍ୟ ମାନଙ୍କ ଠାରୁ ମହାଭାରତର ଅନେକ କାହାଣୀ ଶୁଣିଥିବେ । ମହାଭାରତରେ କୁନ୍ତୀଙ୍କ ପାଞ୍ଚ ପୁଅ ଅର୍ଥାତ ପାଞ୍ଚ ପାଣ୍ଡବ ଥିଲେ। ଏମାନଙ୍କ ବ୍ୟତୀତ ଏହା ମଧ୍ୟ କୁହାଯାଇଥିଲା ଯେ କୌରବମାନେ ୧୦୦ ଭାଇ ଥିଲେ । ଯେଉଁମାନେ ଗାନ୍ଧାରୀ ଏବଂ ଧୃତରାଷ୍ଟ୍ରର ପୁତ୍ର ଥିଲେ। ଆମେ ସମସ୍ତେ ଜାଣୁ ଯେ କୌରବ ଏବଂ ପାଣ୍ଡବଙ୍କ ମଧ୍ୟରେ ଘଟିଥିବା ମହାନ ଯୁଦ୍ଧକୁ ମହାଭାରତ କୁହାଯାଏ। ମହାଭାରତ ସହିତ ଜଡିତ ଏପରି ଅନେକ କାହାଣୀ ଅଛି, ଯାହା ବର୍ତ୍ତମାନ ଆମ ପାଇଁ ଆଶ୍ଚର୍ଯ୍ୟଜନକ । ଏହି କାହାଣୀ ମଧ୍ୟରୁ ଗୋଟିଏ ହେଉଛି ଗାନ୍ଧାରୀଙ୍କ ୧୦୦ ପୁତ୍ର ଜନ୍ମ ହେଲେ କିପରି ।

ଏହି ପ୍ରଶ୍ନ ସମସ୍ତଙ୍କ ମନରେ ଆସେ ଯେ ଗାନ୍ଧାରୀ କିପରି ୧୦୦ ପୁତ୍ର ଜନ୍ମ ଦେଇ ପାରିଲେ । ଏହାର କାରଣ ହେଉଛି ଜଣେ ମହିଳା କିପରି ଏକ ସମୟରେ ୧୦୦ ସନ୍ତାନ ଜନ୍ମ ଦେଇ ପାରିବେ । ଏହା ଅସମ୍ଭବ ଅଟେ । ଏଭଳି ପରିସ୍ଥିତିରେ ପ୍ରଶ୍ନ ଉଠେ ଯେ ଗାନ୍ଧାରୀ ଶେଷରେ ୧୦୦ ପୁଅ ଏବଂ ଗୋଟିଏ ଝିଅକୁ କିପରି ଜନ୍ମ ଦେଲେ? ଆଉ ଯଦି ବି ସେ ଦଶ ମାସ ଗର୍ଭବତୀ ରହି ବର୍ଷକୁ ବର୍ଷ ଗୋଟିଏ କିମ୍ବା ଅଧିକ ସନ୍ତାନଙ୍କୁ ଜନ୍ମ ଦେଇଛନ୍ତି ତେବେ ପ୍ରଥମ ଓ ଶହେତମ ସନ୍ତାନ ଭିତରେ କେତେ ବର୍ଷ ଫରକ ? ଏକଥା ଅନ୍ତତଃ ଲୋକଙ୍କ ମନକୁ ଆସିଥିବ । ତେଣୁ ଆଜି ଏହାକୁ ନେଇ ଆମେ ସ୍ପଷ୍ଟ କରିବାକୁ ଯାଉଛୁ କି ଗାନ୍ଧାରୀ କିଭଳି ଶତକ ସନ୍ତାନଙ୍କୁ ଜନ୍ମ ଦେଲେ । ତେବେ ଆମେ ଆଜି ଆପଣଙ୍କୁ ଲୋକପ୍ରିୟ କାହାଣୀ ମହାଭାରତ ସହିତ ଜଡିତ କିଛି ରୋଚକ କଥା କହିବାକୁ ଯାଉଛୁ ।

ପୌରାଣିକ କଥା ଅନୁଯାୟୀ କୁନ୍ତୀଙ୍କ ପୁଅ ଯୁଧିଷ୍ଠିରଙ୍କ ଜନ୍ମ ହେବା ପରେ ଧୃତରାଷ୍ଟ୍ରରଙ୍କ ପତ୍ନୀ ଗାନ୍ଧାରୀଙ୍କ ହୃଦୟରେ ପୁତ୍ରବତୀ ହେବାର ଇଚ୍ଛା ସୃଷ୍ଟି ହୋଇଥିଲା। ଏହା ପରେ ଗାନ୍ଧାରୀ ବେଦ ବ୍ୟାସଙ୍କ ଠାରୁ ପୁତ୍ରବତୀ ହେବାର ବରଦାନ ପ୍ରାପ୍ତ କରିଥିଲେ । ମାତ୍ର ୯ ମାସ ପରିବର୍ତ୍ତେ ୨ ବର୍ଷ ଗର୍ଭଧାରଣ ପରେ ମଧ୍ୟ, ଯେତେବେଳେ ସନ୍ତାନ ଜନ୍ମ ହୋଇନଥିଲା, ଗାନ୍ଧାରୀ ତାଙ୍କ ଗର୍ଭକୁ ଆଘାତ ଦେଇ ଗର୍ଭପାତ କରିଦେଇ ଥିଲେ । ଏହା ପରେ ଯୋଗଶକ୍ତି ବଳରେ ବେଦ ବ୍ୟାସ ତୁରନ୍ତ ଏହି ଘଟଣା ବିଷୟରେ ଜାଣିବାକୁ ପାଇଲେ । ସେ ଗାନ୍ଧାରୀଙ୍କ ନିକଟକୁ ଆସି କହିଲେ, “ଗାନ୍ଧାରୀ, ତୁମେ ବହୁତ ଭୁଲ୍ କରିଛ। ମୁଁ ଦେଇଥିବା ବର କଦାପି ଭୁଲ୍ ହୁଏ ନାହିଁ।

ଏହା ପରେ ବେଦ ବ୍ୟାସ ଗାନ୍ଧାରୀଙ୍କୁ କହିଥିଲେ ଯେ ତୁମେ ଯଥା ଶୀଘ୍ର ଶହେ କୁଣ୍ଡ ପ୍ରସ୍ତୁତ କର ଏବଂ ସେଥିରେ ଘିଅ ଭର୍ତ୍ତି କରି ଦିଅ ।” ତାଙ୍କ ନିର୍ଦ୍ଦେଶ ଅନୁଯାୟୀ ଗାନ୍ଧାରୀ ଏକ ଶହ କୁଣ୍ଡ ନିର୍ମାଣ କଲେ। ଗାନ୍ଧାରୀଙ୍କ ଗର୍ଭରୁ ବାହାରିଥିବା ମାଂସପିଣ୍ଡୁଳା ଉପରେ ବେଦ ବ୍ୟାସ ମନ୍ତ୍ର କରିଥିବା ଜଳକୁ ଛିଞ୍ଚି ଦେଇଥିଲେ । ଏହା ପରେ ସେହି ମାଂସପିଣ୍ଡୁଳା ଗୁଡିକ ଆଙ୍ଗୁଠିର ଆକାର ପରି ଶହେ ଖଣ୍ଡରେ ଭାଙ୍ଗିଗଲା ।

ବେଦ ବ୍ୟାସ ଗାନ୍ଧାରୀଙ୍କ ଦ୍ୱାରା ନିର୍ମିତ ଶହେ କୁଣ୍ଡରେ ସେହି ଆଙ୍ଗୁଠିର ଆକାରର ପିଣ୍ଡୁଳାକୁ ରଖିଦେଇଥିଲେ ଏବଂ ଦୁଇ ବର୍ଷ ପରେ ସେହି କୁଣ୍ଡକୁ ଖୋଲିବାକୁ ନିର୍ଦ୍ଦେଶ ଦେଇ ତାଙ୍କ ଆଶ୍ରମକୁ ଚାଲିଯାଇଥିଲେ । ଦୁର୍ଯ୍ୟୋଧନଙ୍କ ଜନ୍ମ ଦିନ କୁନ୍ତୀଙ୍କ ପୁଅ ଭୀମା ମଧ୍ୟ ଜନ୍ମ ହୋଇଥିଲେ। ଦୁର୍ଯ୍ୟୋଧନ ଜନ୍ମ ହେବା ମାତ୍ରେ ଗଧ ପରି ଚିତ୍କାର କରିବା ଆରମ୍ଭ କଲେ ଯେତେବେଳେ ଜ୍ୟୋତିଷଙ୍କଠାରୁ ଏହାର ଲକ୍ଷଣ ବିଷୟରେ ପଚରାଗଲା, ସେମାନେ ଧୃତରାଷ୍ଟ୍ରଙ୍କୁ କହିଥିଲେ, “ରାଜନ! ତୁମର ଏହି ପୁତ୍ର ବଂଶର ବିନାଶକାରୀ ହେବ। ଏହାକୁ ପରିତ୍ୟାଗ କରିଦିଅନ୍ତୁ । କିନ୍ତୁ ପୁତ୍ରମୋହ କାରଣରୁ ଧୃତରାଷ୍ଟ୍ର ତ୍ୟାଗ କରିପାରିଲା ନାହିଁ। ଏହାପରେ ଅବଶିଷ୍ଟ ୯୯ ପୁଅ ଏବଂ ଦୁଶିଳା ନାମକ ଜଣେ ଝିଅ ଜନ୍ମ ହୋଇଥିଲେ ଏହିପରି ୧୦୦ କୌରବ ଜନ୍ମ ହୋଇଥିଲେ । ଏହା ହେଉଛି କୌରବଙ୍କ ଜନ୍ମର ସର୍ବ ପୁରାତନ କାହାଣୀ ।