Categories: ସ୍ପେଶାଲ

ବାତ୍ୟାର ନାମ ତିତଲି, ଜାଣନ୍ତୁ କିଏ ଏବଂ କାହିଁକି ଦେଲା ଏମିତି ନାଁ

ସିଭିୟର ସାଇକ୍ଲୋନିକ୍‌ ଷ୍ଟର୍ମର ରୂପ ନେଇସାରିଛି ତିତ୍‌ଲି । ଫାଇଲିନ୍, ହୁଡ୍ହୁଡ୍, ଡାଏ, ତିତଲି । ଏବେ ପ୍ରଶ୍ନ ଉଠୁଛି ତାଣ୍ଡବ କରୁଥିବା ଏହି ତୋଫାନମାନଙ୍କର ନାମ କେମିତି ରଖାଯାଏ । ରିପୋର୍ଟ ମୁତାବକ, ୧୯୫୩ରୁ ଆମେରିକାର ମିୟାମି ସ୍ଥିତ ନ୍ୟାସନାଲ୍ ହରିକେନ୍ ସେଣ୍ଟର ଏବଂ ବିଶ୍ୱ ପାଣିପାଗ ସଂଗଠନଏହ (WMO) ର ଏକ ପ୍ୟାନେଲ୍ ଏହି ସାଇକ୍ଲୋନଗୁଡିକର ନାମକରଣ କରିଥାନ୍ତି । WMO ହେଉଛି ଯୁକ୍ତରାଷ୍ଟ୍ରର ଏଜେନ୍ସି ।

ତେବେ ୧୯୫୩ ପୂର୍ବରୁ ଉତ୍ତର ହିନ୍ଦ ମହାସାଗରରେ ସୃଷ୍ଟି ହେଉଥିବା କୌଣସି ବାତ୍ୟାର ନାମ ରଖାଯାଉନଥିଲା । ଏହାର କାରଣ ଥିଲା ସାଂସ୍କୃତିକ ବିଭିନ୍ନତା ଥିବା ଏହି ଅଂଚଳରେ ନାମକରଣ କରିବା ପୂର୍ବରୁ ବିଶେଷ ଧ୍ୟାନ ରଖିବା ଜରୁରୀ । ଯାହା ଫଳରେ ଲୋକଙ୍କ ଭାବନାକୁ ଆଘାତ ହୋଇ କୌଣସି ବିବାଦ ନହେଉ ।

ହେଲେ ୨୦୦୪ରେ WMO ଅଧୀନରେ ଥିବା ଏହି ଅନ୍ତରାଷ୍ଟ୍ରୀୟ ପ୍ୟାନେଲକୁ ଭାଙ୍ଗି ଦିଆଯାଇଥିଲା । ଏହା ପରେ ଦେଶ ଗୁଡିକୁ ନିଜ ନିଜ କ୍ଷେତ୍ରରେ ହେଉଥିବା ବାତ୍ୟାର ନାମକୁ ନିଜେ ରଖିବା ପାଇଁ କୁହାଗଲା । ଏହା ପରେ ଭାରତ, ବାଂଲାଦେଶ, ପାକିସ୍ତାନ, ମିଆଁମାର , ମାଳଦ୍ୱୀପ, ଶ୍ରୀଲଙ୍କା , ଓମାନ, ଏବଂ ଥାଇଲ୍ୟାଣ୍ଡ ଏହି ଆଠଟି ଦେଶ ଏକ ବୈଠକରେ ଭାଗ ନେଇଥିଲେ । ଏହି ଦେଶଗୁଡିକ ୬୪ ଟି ନାମ ଥିବା ଏକ ତାଲିକା ଦେଇଥିଲେ ।

ପ୍ରତ୍ୟେକ ଦେଶ ୮ଟି ଲେଖାଏଁ ନାଁ ଭବିଷ୍ୟତର ବାତ୍ୟା ପାଇଁ ଦେଇଥିଲେ । ଅର୍ଥାତ ୮ଟି ଦେଶ ତରଫରୁ ୬୪ଟି ନାଁ ବାତ୍ୟା ପାଇଁ ଦିଆଯାଇଥିଲା । ଗୋଟିଏ ବାତ୍ୟା ପାଇଁ ଗୋଟିଏ ଦେଶର ନାଁ ବ୍ୟବହାର ହେଲା ପରେ ତା ପର ବାତ୍ୟା ପାଇଁ ପରବର୍ତୀ ଦେଶ ଗୁଡିକ ଦେଇଥିବା ନାଁ ଆସିଥାଏ । ଏହି ପରି କ୍ରମାନ୍ୱୟରେ ଚାଲିଥାଏ । ବର୍ତ୍ତମାନ ମାଡି ଆସୁଥିବା ବାତ୍ୟାର ନାମକରଣର ଭାଗ ପାକିସ୍ତାନ ଉପରେ ପଡିଥିବା ବେଳେ ପାକିସ୍ତାନ ଏହାର ନାଁ ‘ତିତଲି’ ବୋଲି ରଖିଛି । ସେହିପରି ୨୦୧୩ରେ ହୋଇଥିବା ବାତ୍ୟାର ଫାଇଲିନର ନାଁ ରଖିଥିଲା ଥାଇଲାଣ୍ଡ । ଏହାପରେ ବାତ୍ୟା ନିଲୋଫରର ନାଁ ମଧ୍ୟ ପାକିସ୍ତାନ ରଖିଥିଲା । ୮ଟି ଦେଶ ଦେଇଥିବା ନାମର ତାଲିକାର ୩୪ ତମ ନାଁ ଥିଲା ବାତ୍ୟା ହୁଡହୁଡ ।

ସବୁ ବାତ୍ୟାର ନାମକୁ ଚୂଡାନ୍ତ ଅନୁମୋଦନ ପ୍ୟାଇଁ ଡବ୍ଲ୍ୟୁଏମଓର ଆଂଚଳିକ କ୍ରାନ୍ତିୟ ବାତ୍ୟା କମିଟିକୁ ପଠାଯାଇଥାଏ । ଏହି କମିଟି ନାମକୁ ପ୍ରତ୍ୟାଖ୍ୟାନ ବା ପରିବର୍ତ୍ତନ ମଧ୍ୟ କରିପାରିବେ । କିମ୍ବା ଯଦି ଚାହିଁବେ ନିଜେ ଏକ ନୂଆ ନାମ ଦେଇପାରିବ । ଲୋକପ୍ରିୟ ଲୋକମତ ବା ନାମ ଆଧାରରେ ମଧ୍ୟ ବାତ୍ୟାର ନାମ କରଣ ମଧ୍ୟ କରାଯାଇଥାଏ । ତେବେ ନାମ ଯେମିତି ଛୋଟ, ଅବୁଝା, ସାଂସ୍କୃତିକ ରୁପରେ ସମ୍ବେଦନଶୀଳ ଏବଂ ହିସାଂତ୍ମକ ନହୋଇଥିବ ଭାରତ ସରକାର ଏହି ସର୍ତ୍ତରେ ନାମ ପାଇଁ ପରାମର୍ଶ ମାଗିଥାନ୍ତି ।

ତଥାପି ଏତେ ସାବଧାନତା ସତ୍ବେ ବିବାଦ ହୋଇଯାଏ । ଯେମିତି ୨୦୧୩ରେ ବାତ୍ୟା ମହାସେନ୍ କୁ ନେଇ ଆପତ୍ତି କରାଯାଇଥିଲା । ଶ୍ରୀଲଙ୍କା ଦ୍ବାରା ଦିଆଯାଇଥିବା ନାମ ଉପରେ ସେହି ଦେଶର କିଛି ବର୍ଗ ବ୍ୟକ୍ତି ଆପତ୍ତି ଉଠାଇଥିଲେ । ସେମାନଙ୍କ କହିବା ଅନୁଯାୟୀ ରାଜା ମହାସେନ୍ ଶ୍ରୀଲଙ୍କାର ଶାନ୍ତି ଏବଂ ସମୃଦ୍ଧି ଆଣିଥିଲେ । ତେଣୁ କୌଣସି ପ୍ରାକୃତିକ ବିପତ୍ତିର ନାମ ତାଙ୍କ ନାମରେ ରଖିବା ଭୁଲ୍ । ଏହା ପରେ ଏହାର ନାମ ବଦଳାଇ ବିୟାରୁ ରଖାଯାଇଥିଲା ।

KNews Bureau

Recent Posts

ବୌଦ୍ଧ ଜିଲ୍ଲାରୁ ସପ୍ତମ ବର୍ଷ ପାଇଁ ପୁରୀକୁ ଗଡିଲା ରଥ କାଠ ଗାଡି

କଣ୍ଟାମାଳ(କେନ୍ୟୁଜ): ହରିବୋଲ, ହୁଳହୁଳି ଶବ୍ଦରେ ଫାଟି ପଡୁଛି ଅଞ୍ଚଳ । ଶହ ଶହ ଭକ୍ତ ଭାବବିହ୍ୱଳ ହେବା ସହିତ ଆଧ୍ୟାତ୍ମିକ…

27 mins ago

ରଥଯାତ୍ରାକୁ ନେଇ ନୂଆ ମୁଖ୍ୟମନ୍ତ୍ରୀଙ୍କ ପ୍ରଥମ ସମୀକ୍ଷା ବୈଠକ

ରଥଯାତ୍ରାକୁ ନେଇ ନୂଆ ମୁଖ୍ୟମନ୍ତ୍ରୀଙ୍କ ପ୍ରଥମ ସମୀକ୍ଷା ବୈଠକ। ରାଜ୍ୟ ଅତିଥି ଭବନରେ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଅଧ୍ୟକ୍ଷତାରେ ବୈଠକ…

35 mins ago

ସରପଞ୍ଚ ହେବା ପୂର୍ବରୁ ମୂଲ ଲାଗୁଥିଲେ, ଆଉ ଏବେବି ଶ୍ରମିକମାନଙ୍କ ସହ ମିଶି କରୁଛନ୍ତି ସେହି କାମ

ନୂଆପଡା(କେନ୍ୟୁଜ): ସାଧାରଣତଃ ନିର୍ବାଚନରେ ବିଜୟୀ ହେବା ପରେ ପ୍ରାୟତଃ ଜନପ୍ରତିନିଧିମାନେ ପ୍ରଚୁର ଅର୍ଥ ଉପାର୍ଜନ କରି ଗାଡି ଓ ବଙ୍ଗଳା…

47 mins ago

ଦୀର୍ଘ ସମୟ ହେଲା ନାଳରେ ଫସି ରହିଛନ୍ତି ୩ ହାତୀ, ଜାରି ରହିଛି ଉଦ୍ଧାର କାର୍ଯ୍ୟ

ନରସିଂହପୁର: ବିପଦରେ ଗଜରାଜ । ତାଙ୍କୁ ଦେଖିବା ପାଇଁ ଲୋକଙ୍କର ନାହିଁ ନଥିବା ଭିଡ଼ । କିଏ ହୋ ହୋ…

1 hour ago

ଜମି ଜମା ବିବାଦକୁ ନେଇ ଖଣ୍ଡାରେ ହାଣିଲା ବଡ଼ ଭାଇ, ଘଟଣାସ୍ଥଳରେ ସାନ ଭାଇର ମୃତ୍ୟୁ

ମୟୁରଭଞ୍ଜ : ଜମି ଜମା ବିବାଦକୁ ନେଇ କରୁଣ ପରିଣିତି । ସାନ ଭାଇକୁ ଖଣ୍ଡାରେ ହାଣିଲା ବଡ଼ ଭାଇ…

2 hours ago

ପାଟନା: ୧୭ ଯାତ୍ରୀଙ୍କୁ ନେଇ ଯାଉଥିବା ଡଙ୍ଗା ଗଙ୍ଗା ନଦୀରେ ଓଲଟିଲା, ୬ ନିଖୋଜ; ଚାଲିଛି ରେସ୍‌କ୍ୟୁ ଅପରେସନ

ବିହାରରେ ବଡ଼ ଧରଣର ନୌକା ଦୁର୍ଘଟଣା । ପାଟନାର ବାଢ଼ରେ ଉମାନାଥ ଘାଟରେ ଏକ ଯାତ୍ରୀବାହୀ ଡଙ୍ଗା ଗଙ୍ଗା ନଦୀରେ…

2 hours ago