କଳାବଜାରୀର ପର୍ଦ୍ଦାଫାଶ କରିବା ପାଇଁ ଅଫିସର ହେଲେ ଚାଷୀ, ଶେଷରେ ଠକଙ୍କୁ ଧରିଲେ
ଜଣେ ଆଇଏଏସ୍ ଅଫିସର କଳାବଜାରୀକୁ ରୋକିବା ପାଇଁ ଏକ ଭିନ୍ନ ଉପାୟ ଆପଣାଇଲେ । ଚାଷ କାମରେ ହେଉଥିବା ଠକାମିର ପର୍ଦ୍ଦାଫାଶ କରିବା ପାଇଁ ଅଫିସରରୁ ହେଲେ ଚାଷୀ । ଏହି ଖବର ଏବେ ସୋସିଆଲ ମିଡିଆରେ ଖୁବ ଭାଇରାଲ ହେଉଛି ।
ପ୍ରକୃତରେ ଦୋକାନରେ ଚାଷୀଙ୍କ ସହ ଯେଉଁଭଳି ଧୋକା ହେଉଛି , କିପରି ଠକାମିର ଶିକାର ହୋଇ ତାଙ୍କ ଟଙ୍କା ହଡ଼ପ ହେଉଛି । ସେ ସମସ୍ତ ତଥ୍ୟକୁ ଜାଣିବା ପାଇଁ ଅଫିସର ଜଣକ ଏଭଳି ନିଷ୍ପତ୍ତି ନେଇଛନ୍ତି । ଏହି ଖବର ବିଜୟୱାଡା ଅଞ୍ଚଳର । ଏହାର ସବକଲେକ୍ଟର ଜି ସୂର୍ଯ୍ୟ ପ୍ରବିଣ ଚାନ୍ଦଏଭଳି ନିଷ୍ପତ୍ତି ନେଇଛନ୍ତି ।
କିଛି ଦିନ ହେବ ତାଙ୍କ ପାଖକୁ ୟୁରିଆ ଏବଂ ଡିଏପିକୁ ନେଇ ଅନିୟମିତତା ଖବର ସାମ୍ନାକୁ ଆସିଥିଲା । ତେବେ ବଜାରକୁ ଠିକ ମାତ୍ରାରେ ଏହାକୁ ପଠାଯାଉଥିବା ବେଳେ ଦୋକାନୀ ମାନେ କଳାବଜାରୀ କରି ଏହାକୁ ଅଧିକ ଦାମରେ ଚାଷୀଙ୍କୁ ବିକ୍ରି କରୁଛନ୍ତି । ଯାହାର ପ୍ରମାଣ ଆଣିବା ପାଇଁ ଅଫିସର ଜଣକ ନିଜେ ଚାଷୀ ବେଶରେ ସେଠାକୁ ଯାଇଥିଲେ । ଦେଖନ୍ତୁ ଏହି ଫଟୋ ।
Vijayawada Sub collector Sri @gSuryaIAS ,IAS goes undercover to check irregularities. Dressed like a farmer and visited fertilizer shops in Kaikalur & Mudinepalli. Two shops siezed for collecting more than MRP. Hats off to you Sir. @krishnadgoap #DevineniAvinash #YSJagan pic.twitter.com/6qN2RTtHCr
— Devineni Avinash (@DevineniAvi) August 7, 2021
ଏହାପରେ ତାଙ୍କ ସାମ୍ନାକୁ କଳାବଜାରୀର ଅସଲ ଚିତ୍ର ଆସିଥିଲା । ଏହା ପାଇଁ ଅନେକ ଦୋକାନକୁ ସିଲ କରିଦିଆଯାଇଥିଲା । ଏହାସହ ଅନ୍ୟ ଦୋକାନୀଙ୍କୁ ଚେତାବନୀ ଦିଆଯାଇଥିଲା । ଠିକ ଦାମରେ ଫର୍ଟିଲାଇଜର ଚାଷୀଙ୍କୁ କୃଷି ଉତ୍ପାଦନ ଦେବା ପାଇଁ ନିର୍ଦ୍ଦେଶ ଦେଇଥିଲେ ଆଇଏଏସ୍ ଅଫିସର।
