ବାଇକ ଷ୍ଟଣ୍ଟରେ ଘଟିଲା ଦୁର୍ଘଟଣା, ଯୁବକଙ୍କ ଅବସ୍ଥାକୁ ଦେଖିଲେ ଭୟ କରିବେ

ଆଜି କାଲି ସମୟରେ ଗାଡ଼ି ଚଲାଇବା ସମସ୍ତଙ୍କ ଇଚ୍ଛା। ଆଉ ସେଥିରେ ନିଜର ଗୋଟିଏ ଯଦି ଗାଡ଼ି ହୋଇଯାଏ ତେବେ ଆଉ କଣ ଚିନ୍ତା। ଗାଡ଼ିକୁ ନେଇ ଯେତେବେଳେ ଯୁଆଡ଼େ ଇଚ୍ଛା ସିଆଡେ ଯିବେ। କିନ୍ତୁ କିଛି ଅଛନ୍ତି ଯେଉଁମାନେ ଗାଡ଼ିକୁ ଅଧିକ ସ୍ପିଡରେ ଚଲାଇ ଏମିତି ଅସୁବିଧାରେ ପଡ଼ିନ୍ତି, ପରେ ବୁଝିଲା ବେଳକୁ ସମୟ ନଥାଏ ।

ଅଧିକ ସ୍ପିଡରେ ଗାଡ଼ି ଚଲାଇବା ଦ୍ୱାରା କେତେବେଳେ ବି କେଉଁ ଘଟଣା ଘଟିଯାଇପାରେ। ଯାହାଦ୍ୱାରା ତାଙ୍କ ଜୀବନ ମଧ୍ୟ ବିପଦରେ ପଡ଼ିଯାଏ । ପ୍ରାୟତଃ ଯୁବଗୋଷ୍ଠୀ ମାନେ ମନ ଇଚ୍ଛା ଗାଡ଼ି ଚଲାଇ ଅନେକ ସମସ୍ୟାର ସମ୍ମୁଖିନ ହୋଇଥାନ୍ତି। କିଛି ଅଛନ୍ତି ବାଇକରେ ଷ୍ଟଣ୍ଟ ମଧ୍ୟ ଦେଖାନ୍ତି। ଏବେ ସୋସିଆଲ ମିଡିଆରେ ଏକ ଷ୍ଟଣ୍ଟ ଭିଡ଼ିଓ ସାମ୍ନାକୁ ଆସିଛି। ଯାହା ଖୁବ ଭାଇରାଲ ହେଉଛି। ଏଥିରେ ଜଣେ ବ୍ୟକ୍ତି ବାଇକ ଷ୍ଟଣ୍ଟ ଦେଖାଇ ଜବରଦସ୍ତ ଦୁର୍ଘଟଣାର ସାମ୍ନା ହୋଇଛନ୍ତି।

ଏହି ଭିଡ଼ିଓକୁ ଆଇପିଏସ୍‌ ଅଧିକାରୀ ଦୀପାଂଶୁ କାବରା ନିଜ ଟ୍ଵିଟର ଆକାଉଣ୍ଟରେ ସେୟାର କରିଛନ୍ତି। ଏହାକୁ ଦେଖି ଅନେକ ୟୁଜର୍ସଙ୍କ ଲୋମ ଟାଙ୍କୁରୀ ଉଠୁଛି। କିଛି ଲୋକ ଏହି ଭିଡ଼ିଓକୁ ଦେଖି ଭୟ ମଧ୍ୟ କରିଛନ୍ତି। ଯୁବକ ଜଣକ ବାଇକ ଷ୍ଟଣ୍ଟ ଦେଖାଉଥିବା ସମୟରେ ଏହା ତାଙ୍କ ଉପରେ ଭାରି ପଡ଼ିଲା। ଗାଡ଼ିକୁ କଣ୍ଟ୍ରୋଲ କରିପାରିଲେ ନାହିଁ। ଯାହା କାରଣରୁ ବାଲାନ୍ସ ବିଗିଡ଼ିଲା। ପରେ ଫୁଲ ସ୍ପିଡରେ ଥିବା ବାଇକ ଯାଇ ରାସ୍ତା ପାଖରେ ଥିବା ଖୁମ୍ବରେ ମାଡ଼ ହେଲା ।

ତେଣୁ ଆପଣ ମଧ୍ୟ ସତର୍କ ରୁହନ୍ତୁ। ଏଭଳି କିଛି ଷ୍ଟଣ୍ଟ କରିବା ପୂର୍ବରୁ ଅନେକ ଥର ଭାବନ୍ତୁ। ନିଜ ଜୀବନକୁ ବାଜି ଲଗାନ୍ତୁ ନାହିଁ।