ଭାରତୀୟଙ୍କ ମସ୍ତିଷ୍କକୁ ନେଇ ପ୍ରଥମ ଥର ପାଇଁ ଗବେଷଣା କରାଯାଇଛି। ଏହି ଗବେଷଣାରେ ଏକ ଆଶ୍ଚର୍ଯ୍ୟଜନକ ତଥ୍ୟ ସାମ୍ନାକୁ ଆସିଛି। ହାଇଦ୍ରାବାଦର ଇଣ୍ଟରନ୍ୟାସନାଲ ଇନ୍ଷ୍ଟିଚ୍ୟୁଟ୍ ଅଫ୍ ଇନ୍ଫର୍ମେସନ୍ ଟେକ୍ନୋଲୋଜି(IIIT-H)ର ଗବେଷକଙ୍କ ଦ୍ୱାରା ଭାରତୀୟଙ୍କ ବ୍ରେନ୍କୁ ନେଇ କରାଯାଇଥିବା ଗବେଷଣାରୁ ଜଣାଯାଇଛି ଯେ, ପଶ୍ଚିମ ଓ ଅନ୍ୟ ପୂର୍ବଭାଗର ଲୋକଙ୍କ ତୁଳନାରେ ଭାରତୀୟଙ୍କ ମସ୍ତିଷ୍କର ଦୈର୍ଘ୍ୟ, ପ୍ରସ୍ଥ ଓ ଓଜନ ଅପେକ୍ଷାକୃତ ସାନ। ଏହି ଗବେଷଣା ଅଲ୍ଜାଇମର ଏବଂ ମସ୍ତିଷ୍କ ସମ୍ବନ୍ଧୀୟ ଅନ୍ୟ ରୋଗକୁ ଶୀଘ୍ର ଭଲ କରିବାରେ ସାହାଯ୍ୟ କରିବ ।
ମସ୍ତିଷ୍କ ସମ୍ବନ୍ଧୀୟ ଗବେଷଣାରେ କାର୍ଯ୍ୟରତ ବୈଜ୍ଞାନିକ ଜୟନ୍ତୀ ଶିବାସ୍ୱାମୀଙ୍କ କହିବାନୁସାରେ, କୋକୋସିଆନ୍ ମସ୍ତିଷ୍କକୁ ବ୍ୟବହାର କରି ନିର୍ମାଣ କରାଯାଇଥିବା ମୋନ୍ଟ୍ରିୟାଲ୍ ନ୍ୟୁରୋଲୋଜିକାଲ୍ ଇନ୍ଷ୍ଟିଚ୍ୟୁଟ୍(MNI) ଟେମ୍ପଲେଟ୍କୁ ଏହି ଗବେଷଣାରେ ମାନକ ଭାବେ ଉପଯୋଗ କରାଯାଇଥିଲା। ଗବେଷକଙ୍କ କହିବାନୁସାରେ, ଏହି ଗବେଷଣା ସମସ୍ତ ଭାରତୀୟଙ୍କ ମସ୍ତିଷ୍କର ଅବସ୍ଥାକୁ ସୂଚାଉନାହିଁ। କିନ୍ତୁ ଅଧିକାଂଶ ଭାରତୀୟ ମସ୍ତିଷ୍କର ଆକାର ଅପେକ୍ଷାକୃତ ଛୋଟ।
ଜୟନ୍ତୀଙ୍କ କହିବାନୁସାରେ, MNI ତୁଳନାରେ ଭାରତୀୟଙ୍କ ମସ୍ତିଷ୍କର ଆକାର ସାନ ହୋଇଥିବା ଦେଖିବାକୁ ମିଳିଛି। ତେବେ ସ୍କାନ୍ରେ ଦେଖିବାକୁ ମିଳିଥିବା ଏହି ଭିନ୍ନତା ବିପଦଜନକ ହୋଇପାରେ। MRIରୁ ମିଳିଥିବା ବ୍ରେନ୍ର ଏହି ଫଟୋକୁ ପୂର୍ବ MNI ଟେମ୍ପ୍ଲେଟ୍ ସହ ତୁଳନା କରାଯାଇଥିଲା। ତେବେ ଏହି ତଥ୍ୟ ପ୍ରକାଶ ପାଇବା ପରେ ବ୍ରେନ୍ର ସମ୍ବନ୍ଧୀୟ ସମସ୍ତ ବିଷୟକୁ ନେଇ ଏକ ବଡ଼ ଆଟଲାସ୍ ପ୍ରସ୍ତୁତ କରିବା ଜରୁରୀ ବୋଲି ମତ ପ୍ରକାଶ ପାଇଛି। ମସ୍ତିଷ୍କ ସମ୍ବନ୍ଧରେ ଅଧିକରୁ ଅଧିକ ତଥ୍ୟ ମିଳିବା ପରେ କୌଣସି ରୋଗକୁ ପୂର୍ବରୁ ଚିହ୍ନଟ କରିବା ସମ୍ଭବପର ହୋଇପାରିବ।
ଏହାସହ ପଢନ୍ତୁ: ଲଞ୍ଚ୍ ହେଲା Appleର ୱେୟାରଲେସ୍ ଇୟରବଡ୍ସ AirPods Pro, ଜାଣନ୍ତୁ କ’ଣ ରହିଛି ଅତ୍ୟାଧୁନିକ ଫିଚର ଓ ଦାମ୍
ଜୟନ୍ତୀ କହିଛନ୍ତି ଯେ ଏହି ଗବେଷଣାରେ ଚୀନ୍ ଓ କୋରିଆନ୍ଙ୍କ ବ୍ରେନ୍ ଟେମ୍ପଲେଟ୍ ମଧ୍ୟ ନିର୍ମାଣ କରାଯାଇଥିଲା। ମାତ୍ର ସେଗୁଡ଼ିକ ଭାରତୀୟଙ୍କ ସହ ମେଳ ଖାଇନଥିଲା। ଆଇଆଇଆଇଟି-ଏଚ୍ର ୫୦ ଜଣିଆ ଟିମ୍ ଦ୍ୱାରା ମସ୍ତିଷ୍କ ସମ୍ବନ୍ଧୀୟ ଏଭଳି ପରୀକ୍ଷଣ ପ୍ରଥମ ଥିଲା ବୋଲି ଜଣାଯାଇଛି। ତିନିଟି ଭିନ୍ନ ଭିନ୍ନ ମେଡିକାଲର ରୋଗୀଙ୍କ ବ୍ରେନ୍ର ଆକାରକୁ ନେଇ ଏହି ଗବେଷଣା କରାଯାଇଥିଲା ବୋଲି ଜୟନ୍ତୀ ସୂଚନା ଦେଇଛନ୍ତି।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…