କେରଳ ବନ୍ୟା ବିପନ୍ନଙ୍କୁ ଚିକିତ୍ସା ସହାୟତା ଯୋଗାଇ ଦେବା ପାଇଁ କଳିଙ୍ଗ ଇନିଷ୍ଟିଚ୍ୟୁଟ ଅଫ୍ ମେଡିକାଲ ସାଇନସେସ-କିମସର ୨୫ ଜଣିଆ ଡାକ୍ତରୀ ଦଳ କେରଳ ଯାତ୍ରା କରିଛନ୍ତି । କେରଳ ମହାବନ୍ୟାରେ ୧୦ ଲକ୍ଷରୁ ଅଧିକ ଲୋକ ପ୍ରଭାବିତ ହୋଇଥିବା ବେଳେ ବହୁ କ୍ଷୟକ୍ଷତି ହୋଇଛି । ଏବେ ବନ୍ୟା କମିଥିବା ବେଳେ ସେଠାରେ ମହାମାରୀ ଆଶଙ୍କା ଦେଖାଦେଇଛି । ବିଶେଷକରି ଅଧିକ ପ୍ରଭାବିତ ହୋଇଥିବା ୪ଟି ଜିଲ୍ଲାରେ ସ୍ୱାସ୍ଥ୍ୟ ସେବାର ବ୍ୟାପକ ଆବଶ୍ୟକତା ଦେଖାଦେଇଥିବାରୁ କିମସର ଏହି ଡାକ୍ତରୀ ଦଳ ଏକ ଭ୍ରାମ୍ୟମାଣ ଚିକିତ୍ସା ସହାୟକ ଦଳ ଭାବେ କେରଳର ଏର୍ନାକୁଲମ , ଆଲାପୁଝା, ତ୍ରିସୁର ଓ କୋଟାୟାମ ଆଦି ପ୍ରଭାବିତ ଜିଲ୍ଲାରେ କାର୍ୟ୍ୟ କରିବେ । ରାଜା ରମଣଙ୍କ ନେତୃତ୍ୱରେ ଏହି ଡାକ୍ତରୀ ଦଳ କେରଳ ଯାଇଛି । ଏହି ଟିମ କେରଳରେ ଏକ ମାସ ରହି ପ୍ରଭାବିତ ଲୋକଙ୍କୁ ସ୍ୱାସ୍ଥ୍ୟ ସେବା ଯୋଗାଇଦେବେ ।
ଏହି ଦଳର ସମସ୍ତ ଗସ୍ତ ଖର୍ଚ୍ଚ ଓ ଅନ୍ୟାନ୍ୟ ଖର୍ଚ୍ଚ ବାବଦକୁ କିମସ ୧୦ ଲକ୍ଷ ଟଙ୍କା ବହନ କରୁଛି । ଏହା ବ୍ୟତୀତ ଆବଶ୍ୟକ ଔଷଧ ଓ ଅନ୍ୟାନ୍ୟ ସାମଗ୍ରୀ ପାଇଁ କିଟ ଓ କିସ ପ୍ରତିଷ୍ଠାତା ତଥା ସାଂସଦ ଡକ୍ଟର ଅଚ୍ୟୁତ ସାମନ୍ତ ମଧ୍ୟ ନିଜ ଦରମାରୁ ୨ ଲକ୍ଷ ଟଙ୍କା ପ୍ରଦାନ କରିଛନ୍ତି । ଗସ୍ତ ପୂର୍ବରୁ ଡ. ସାମନ୍ତ ଡାକ୍ତରୀ ଦଳକୁ ଏହି ପ୍ରକାର ସେବା ମନୋବୃତ୍ତି ପାଇଁ ଉତ୍ସାହିତ କରିଥିଲେ । କେରଳ ଗସ୍ତରେ ଯାଇଥିବା ସବୁ ଡାକ୍ତର କିମସରେ ଅଧ୍ୟୟନ ତଥା କାର୍ୟ୍ୟ କରୁଥିବା ବେଳେ ସେମାନେ କେରଳ ଓ ତାମିଲନାଡୁର ବାସିନ୍ଦା । ଏହାଛଡ଼ା କିଟ୍ର ବହୁ ପୁରାତନ ଛାତ୍ରଛାତ୍ରୀ କେରଳରେ ଏବେ ବନ୍ୟା ବିପନ୍ନଙ୍କ ଉଦ୍ଧାର ଓ ରିଲିଫ କାର୍ୟ୍ୟରେ ନିୟୋଜିତ ଅଛନ୍ତି ।
ଭୁବନେଶ୍ୱର ପେଟ୍ରୋଲ ଦରରେ ପରିବର୍ତ୍ତନ ହୋଇଥିବା ଦେଖିବାକୁ ମିଳିଛି । ସେହିପରି ଦେଶ ଅନ୍ୟ କିଛି ସ୍ଥାନରେ ଦର ଖସି…
ସୁନା କିଣିବାକୁ ଯାଉଥିଲେ ନଜର ପକାନ୍ତୁ ଆଜି ଓଡ଼ିଶା ସମେତ ଦେଶର ପ୍ରମୁଖ ସହର ମାନଙ୍କରେ କେତେ ରହିଛି ସୁନା…
ଯାଜପୁର (କେନ୍ୟୁଜ): ହାଇୱାକୁ ପଛପଟୁ ଧକ୍କା ଦେଲା ବସ୍ । ଜଣେ ମୃତ, ୧୦ ଆହତ । ଯାଜପୁର ୧୬ନଂ…
ପୁରୀ (କେନ୍ୟୁଜ): ଆଜି ଶ୍ରୀକ୍ଷେତ୍ରରେ ଭଉଁରୀ ଯାତ୍ରା । ଶ୍ରୀକ୍ଷେତ୍ରରେ ସମ୍ପୂର୍ଣ୍ଣ ହେବ ତିନି ରଥର ଚକ ଅଖ ଡେରା…
ଭୁବନେଶ୍ୱର (କେନ୍ୟୁଜ): ପୁଣି କଲବଲ କଲାଣି ଗରମ ଓ ଗୁଳୁଗୁଳି । ବାୟୁମଣ୍ଡଳରେ ଆଦ୍ରତା ବୃଦ୍ଧି ପାଇଥିବାରୁ ଅଧିକ ଗୁଳୁଗୁଳି…
ଭୁବନେଶ୍ୱର (କେନ୍ୟୁଜ): ଓଡିଶାରେ ଚତୁର୍ଥ ତଥା ଶେଷ ପର୍ଯ୍ୟାୟ ପାଇଁ କ୍ୟାମ୍ପେନ ଘମାସାନ । ଆଜି ଓଡ଼ିଶାର ୩ଟି ସ୍ଥାନରେ…