ଅଫିସ୍ ଯିବା ହେଉ କିମ୍ବା ସ୍କୁଲ, ସକାଳୁ ସକାଳୁ କପଡା ପ୍ରେସ୍ କରିବା ଏକ ନିତିଦିନିଆ କାମ । ଅନେକ ଲୋକ ଅଛନ୍ତି ଯେଉଁମାନଙ୍କୁ ପ୍ରେସ୍ କରିବା ଏକ କାଠିକର କାମ ଲାଗିଥାଏ ଏବଂ ସେମାନେ ଲଣ୍ଡ୍ରିରୁ ପ୍ରେସ୍ କରି ପିନ୍ଧନ୍ତି । କିନ୍ତୁ ସେତେବେଳେ କଣ କରିବେ ଯେତେବେଳେ ଆପଣଙ୍କ କପଡା ପ୍ରେସ୍ ହୋଇନି ଏବଂ ଏମରଜେନ୍ସୀ ଅଛି ଆଉ ଲାଇଟ୍ ଚାଲି ଯାଇଛି ? ଅନେକ ଥର ତ ଏମିତି ହୋଇଥାଏ ଯେ ଘରେ ବିଜୁଳି ଥାଏ କିନ୍ତୁ ଆଇରନ୍ ଖରାପ ହୋଇଯାଇଥିବା କାରଣରୁ ଆମେ ପ୍ରେସ୍ କରିପାରନ୍ତିନାହିଁ । ସେହିପରି ଆଉ କିଛି ଲୋକଙ୍କୁ ତ ଡ୍ରେସ୍ ଆଇରନ୍ କରିବା ଏକ ବଡ କଠିନ କାମ ହୋଇଥାଏ । ବହୁ ଲୋକ ନିଜେ ଆଇରନ୍ ନ କରି ବାହାରେ ଆଇରନ୍ ଦୋକାନରେ କପଡା ଦେଇ ଦିଅନ୍ତି । କିନ୍ତୁ ଯଦି ଦୋକାନୀ ଠିକ୍ ସମୟରେ ଆପଣଙ୍କୁ କପଡା ଆଇରନ୍ କରି ଦେଇ ନାହିଁ କିମ୍ବା ଜରୁରୀ ଥିବା ସମୟରେ ବିଜୁଳି ଚାଲି ଯାଇଛି ତେବେ ଏହି ସମସ୍ୟାକୁ ସମାଧାନ କରିବାର କିଛି ସରଳ ଉପାୟ ବି ରହିଛି । କିଛି ଏପରି ସହଜ ଉପାୟ ରହିଛି ଯାହା ମାଧ୍ୟମରେ ଆପଣ ନିଜ ଡ୍ରେସରୁ ବଡ ସହଜରେ ଭାଙ୍ଗ ଦୂର କରିପାରିବେ । କେବଳ ଏତିକି ନୁହେଁ ଆପଣ କପଡା ଉପରେ କ୍ରିଜ୍ ବି ଦେଇପାରିବେ । ତାହେଲେ ଆସନ୍ତୁ ଜାଣିବା କପଡା ପ୍ରେସ୍ କରିବାର କିଛି ସ୍ମାର୍ଟ ଟ୍ରିକ୍ସ ।
ସର୍ବପ୍ରଥମେ ଏକ ସ୍ପ୍ରେ ବୋତଲ ନିଅନ୍ତୁ । ସେଥିରେ ଅଧା ବୋତଲ ଭିନେଗାର ଓ ଅଧା ପାଣି ମିଶାନ୍ତୁ । ଏବେ ଆପଣ ଡ୍ରେସକୁ ହ୍ୟାଙ୍ଗରରେ ଖୋଲି କରି ଝୁଲାଇ ଦିଅନ୍ତୁ । ଏହାପରେ ପୁରା ଡ୍ରେସ୍ ରେ ପାଣି ମିଶା ଭିନେଗାର ସ୍ପ୍ରେ କରନ୍ତୁ ଓ ଡ୍ରେସକୁ ଶୁଖିବାକୁ ଦିଅନ୍ତୁ । ଶୁଖିବା ପରେ କପଡାରୁ ଲୋଚାକୋଚା ଦୂର ହୋଇଯିବ ।
ଡ୍ରେସକୁ କୌଣସି ଏକ ଟାୱେଲ ଉପରେ ମେଲାଇ ରଖନ୍ତୁ । ଏବେ ଟାୱେଲକୁ ଓଦା କରି ଚିପୁଡି ଦିଅନ୍ତୁ । ଯେଉଁ ଯେଉଁ ସ୍ଥାନରେ ଭାଙ୍ଗ ପଡିଛି ସେହି ସେହି ସ୍ଥାନରେ ଟାୱେଲ ସାହାଯ୍ୟରେ ପ୍ରେସ୍ କରନ୍ତୁ । ଏହି ପ୍ରକାରରେ ସଂପୂର୍ଣ୍ଣ କପଡାରେ ଭାଙ୍ଗ ବା ଲୋଚାକୋଚା ସ୍ଥାନରେ ପ୍ରେସ୍ କରିବା ପରେ କପଡାକୁ ଶୁଖିବା ଲାଗି ହ୍ୟାଙ୍ଗରରେ ଟାଙ୍ଗି ଦିଅନ୍ତୁ । ଶୁଖିଲା ପରେ ସବୁ ଲୋଚାକୋଚା ଗାଏବ ହୋଇ ଯାଇଥିବ ।
ଗ୍ୟାସରେ କେଟିଲ ରଖନ୍ତୁ ଏବଂ ସେଥିରେ ପାଣି ଢାଳନ୍ତୁ । ଏବେ ଗରମ କେଟିଲକୁ ଆପଣ ଆଇରନ୍ ପରି କପଡାରେ ଚଲାନ୍ତୁ । ଥଣ୍ଡା ହୋଇଗଲେ ଏହାକୁ ପୁଣି ଗରମ କରି ଦିଅନ୍ତୁ । ଦେଖିବେ କପଡା ପ୍ରେସ୍ କରିବା କାମ ବଡ ସହଜରେ ହୋଇଯିବ ।
ଆପଣ କପଡା ଶୁଖାଇବା ପରେ ଏହାକୁ ଠିକ୍ ଭାବରେ ଭାଙ୍ଗିଦିଅନ୍ତୁ ବା ଫୋଲଡ କରିଦିଅନ୍ତୁ । ଏବେ ଏହାକୁ ଭାରି ଗଦି ବା ମ୍ୟାଟ୍ରେସ୍ ତଳେ ରଖି ଦିଅନ୍ତୁ । ଦେଖିବେ ଏପରି ଅବସ୍ଥାରେ ଆପଣ ୨ରୁ ୩ ଘଣ୍ଟା ରଖିବା ପରେ କପଡା ପୁରା ଫ୍ରେସ୍ ଦେଖାଯିବ । ଆଉ ଆପଣ ଏହାକୁ ପିନ୍ଧି ବାହାରକୁ ଯାଇପାରିବେ ।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…