ବିବାହ ପାଇଁ ଶୁଭ ମୁହୂର୍ତ୍ତ ଅପେକ୍ଷାରେ ଅଛନ୍ତି କି? ତେବେ ପଢ଼ିନିଅନ୍ତୁ କେଉଁ କେଉଁ ତାରିଖରେ ପଡୁଛି ଶୁଭ ମୁହୂର୍ତ୍ତ

ଚତୁର୍ମାସର ଆରମ୍ଭ ଜୁଲାଇ ୨୦ ତାରିଖରୁ ହୋଇଥିଲା। ଏହି ଦିନଠୁ ଭଗବାନ ବିଷ୍ଣୁ ଚାରି ମାସ ଯାଏଁ ପାତାଳ ଲୋକରେ ବିଶ୍ରାମ ପାଇଁ ଯାଆନ୍ତି। ଚତୁର୍ମାସ ବେଳେ କୌଣସି ଶୁଭ କାର୍ଯ୍ୟ ବା ମାଙ୍ଗଳିକ କାର୍ଯ୍ୟ କରାଯାଏନାହିଁ। ଚାରି ମାସ ନିଦ୍ରା ପରେ ଶ୍ରୀ ହରି ଦେବସ୍ଥାନ ଏକାଦଶୀ ଦିନ ଜାଗୃତ ହୁଅନ୍ତି। ଏହି ଦିନ ପରେ ଶୁଭ କାର୍ଯ୍ୟ ଆରମ୍ଭ ହୋଇଥାଏ। ଦେବସ୍ଥାନ ଏକାଦଶୀକୁ ବହୁତ ଶୁଭ ବୋଲି କୁହାଯାଏ। ଏହି ଦିନ ବିବାହ କିମ୍ବା ଅନ୍ୟ କୌଣସି ଶୁଭ କାର୍ଯ୍ୟ କରିବାକୁ ଶୁଭ ମୁହୂର୍ତ୍ତ ବାହାର କରିବା ଆବଶ୍ୟକ ପଡ଼ିନଥାଏ।

ଏଥର ନଭେମ୍ବର ୧୪ ତାରିଖରେ ଦେବସ୍ଥାନ ଏକାଦଶୀ ପଡୁଛି। ଏହି ଦିନ ଓ ଏହାପରେ ବିବାହ ପାଇଁ ଶୁଭ ମୁହୂର୍ତ୍ତ ଖୋଲିଯିବ। ଲୋକେ କୁଣ୍ଡଳୀ ହିସାବରେ ତାରିଖ ଶୁଭ ବାହାର କରି ପାରିବେ। ଏଥର କାର୍ତ୍ତିକ ମାସ ଶୁକ୍ଳ ପକ୍ଷ ଏକାଦଶୀ ନଭେମ୍ବର ୧୪ ତାରିଖରେ ପଡୁଛି। ଏହାକୁ ଦେବ ପ୍ରବୋଧିନୀ ଏକାଦଶୀ ଏବଂ ଦେବସ୍ଥାନ ଏକାଦଶୀ ମଧ୍ୟ କୁହାଯାଏ। ଏଥର କେବଳ ୧୫ ଦିନ ଶୁଭ ମୁହୂର୍ତ୍ତ ରହିଛି। ନଭେମ୍ବର ମାସରେ ୭ ଦିନ ଓ ଡିସେମ୍ବରରେ ୮ ଦିନ ବିବାହ ପାଇଁ ଶୁଭ ଲଗ୍ନ ରହିଛି। ତେବେ ଆସନ୍ତୁ ଜାଣିବା ଚଳିତ ବର୍ଷ କେଉଁ ଶୁଭ ତାରିଖରେ ବିବାହ ପାଇଁ ଶୁଭ ଯୋଗ ପଡୁଛି।

କେତେ ଦିନ ପର୍ଯ୍ୟନ୍ତ ରହିଛି ମୁହୂର୍ତ୍ତ ?

କାର୍ତ୍ତିକ ମାସ ଶୁକ୍ଳ ପକ୍ଷ ଏକାଦଶୀ ୧୪ ନଭେମ୍ବରରେ ପଡୁଛି। ଏକାଦଶୀ ପରେ ପ୍ରଥମ ଶୁଭ ମୁହୂର୍ତ୍ତ ୧୯ ତାରିଖରେ ପଡୁଛି ଓ ଶେଷ ମୁହୂର୍ତ୍ତ ଡିସେମ୍ବର ୧୩ ତାରିଖରେ ପଡୁଛି। ଏହାପରେ ଆସନ୍ତା ବର୍ଷ ୨୦୨୨ ଜାନୁଆରୀ ୧୫ ତାରିଖରୁ ଶୁଭ ମୁହୂର୍ତ୍ତ ଆରମ୍ଭ ହେବ। ଦେବଉଠନି ଏକାଦଶୀରେ ଅବୁଝ ମୁହୂର୍ତ୍ତ ଯୋଗୁଁ ମଧ୍ୟ ଅନେକ ବିବାହ ଓ ଶୁଭ କାର୍ଯ୍ୟ ହୋଇଥାଏ।

ପଢ଼ନ୍ତୁ ବିବାହ ମୁହୂର୍ତ୍ତର ଶୁଭ ତାରିଖ

ଚଳିତ ବର୍ଷ ନଭେମ୍ବରରେ ୧୯, ୨୦, ୨୧, ୨୬, ୨୮, ୨୯ ଓ ୩୦ ତାରିଖ ଶୁଭ ମୁହୂର୍ତ୍ତ ପଡୁଛି। ଏହା ବ୍ୟତୀତ ଡିସେମ୍ବର ମାସ ୮ରେ ଶୁଭ ମୁହୂର୍ତ୍ତ ରହିଛି ଯାହା ୧, ୨, ୫, ୬, ୭, ୧୧, ୧୨ ଓ ୧୩ ତାରିଖ। ଏଥର ମାତ୍ର ୧୫ ଦିନ ବିବାହ ପାଇଁ ଶୁଭ ମୁହୂର୍ତ୍ତ ରହିଛି।

ବିବାହରେ ବିଳମ୍ବ ହେଉଥିଲେ କରନ୍ତୁ ଏହି ଉପାୟ

୧. ଯଦି ଆପଣ ଶିଘ୍ର ବିବାହ କରିବାକୁ ଚାହୁଁଛନ୍ତି କିନ୍ତୁ ଶୁଭ ମୁହୂର୍ତ୍ତ ପାଇଁ ଅପେକ୍ଷା କରିଛନ୍ତି ତାହେଲେ ସେମାନଙ୍କୁ ପ୍ରତି ଗୁରୁବାର ଅଶ୍ୱତ୍ଥ ଗଛ କିମ୍ବା କଦଳୀ ଗଛରେ ଜଳ ଅର୍ପଣ କରନ୍ତୁ। କେବଳ ଏତିକି ନୁହେଁ ଏହାସହ ହଳଦୀ, ଗୁଡ ଓ ଚଣା ମଧ୍ୟ ଅର୍ପଣ କରନ୍ତୁ। ଏସବୁ ଜିନିଷକୁ ଗୋମାତାଙ୍କୁ ଦେଇଦିଅନ୍ତୁ। ଏହାଦ୍ୱାରା ବିବାହରେ ହେଉଥିବା ସମସ୍ୟା ଦୂର ହେବ।

୨. ବିବାହ ସମ୍ବନ୍ଧୀୟ ସମସ୍ୟାରୁ ମୁକ୍ତି ପାଇବାକୁ ୬ ମୁଖି ରୁଦ୍ରାକ୍ଷ ଧାରଣ କରିବା ଉଚିତ। ଏହାଦ୍ୱାରା ସମସ୍ୟା ଦୂର ହୋଇଥାଏ ଓ ବିବାହ ଶୀଘ୍ର ହୋଇଥାଏ।

୩. ଯଦି କୌଣସି ଯୁବତୀଙ୍କର ବିବାହରେ ବିଳମ୍ବ ହେଉଥାଏ ତାହେଲେ ଅନ୍ୟ କୌଣସି ଯୁବତୀଙ୍କ ବାହାଘରରେ କନ୍ୟା ସହ ମେହେନ୍ଦି ଲଗାନ୍ତୁ। ଏହାଦ୍ୱାରା ବିବାହ ଶୀଘ୍ର ହେବାର ସମ୍ଭାବନା ଥାଏ।