ବାପାଙ୍କ ପାଇଁ ଭାଗ୍ୟଶାଳୀ ହୋଇଥାଆନ୍ତି ମୂଳାଙ୍କ ୩ ଥିବା ଝିଅ! ଏମାନଙ୍କ ଉପରେ ଗର୍ବ କରିଥାଏ ପରିବାର
ବୈଦିକ ଜ୍ୟୋତିଷ ଶାସ୍ତ୍ର ଭଳି ଅଙ୍କ ଜ୍ୟୋତିଷ ମଧ୍ୟ ବ୍ୟକ୍ତିର ଭାଗ୍ୟ ନିର୍ଦ୍ଧାରଣ କରିଥାଏ। ଜନ୍ମ ତିଥିରୁ ଆରମ୍ଭ କରି ବ୍ୟକ୍ତିର ସ୍ୱଭାବ, ବ୍ୟକ୍ତିତ୍ୱ ଏବଂ ଭବିଷ୍ୟତ, ସବୁକିଛି ଏଥିରୁ ଜଣାପଡ଼େ। ଜନ୍ମ ତିଥିର ଯୋଡ଼ା ଆଧାରରେ ବ୍ୟକ୍ତିଙ୍କ ମୂଳାଙ୍କ ନିର୍ଦ୍ଧାରିତ ହୋଇଥାଏ। ୧ରୁ ୯ ପର୍ଯ୍ୟନ୍ତ ମୂଳାଙ୍କ ଥିବା ବ୍ୟକ୍ତିଙ୍କ ସ୍ୱଭାବ ଭିନ୍ନ ଭିନ୍ନ ହୋଇଥାଏ।
ଆଜି ଆମେ ଆପଣଙ୍କୁ କହିବୁ, ଯେଉଁ ଝିଅମାନେ ମାସର ୩, ୧୨, ୨୧ ଏବଂ ୩୦ ତାରିଖରେ ଜନ୍ମ ହୋଇଛନ୍ତି, ସେମାନେ କିପରି ସ୍ୱଭାବର ହୋଇଥାଆନ୍ତି। ଏମାନେ ନିଜ ପରିବାରର ନାମକୁ ଉଜ୍ଜ୍ୱଳ କରି ଥାଆନ୍ତି। ବାପାଙ୍କ ଭାଗ୍ୟ ନିର୍ଦ୍ଧାରଣ କରନ୍ତି। ଅଙ୍କ ଜ୍ୟୋତିଷ ଶାସ୍ତ୍ର ଅନୁସାରେ, ବାପାଙ୍କ ପାଇଁ ଏହି ଝିଅମାନେ ବହୁତ ଭାଗ୍ୟଶାଳୀ ସାବ୍ୟସ୍ତ ହୋଇ ଥାଆନ୍ତି।
ଏମାନେ ନିଜ ଭାଗ୍ୟ ତ ଲେଖନ୍ତି, ତା’ ସହିତ ବାପାଙ୍କ ଭାଗ୍ୟ ମଧ୍ୟ ସ୍ଥିର କରନ୍ତି। ଏମାନଙ୍କ ଜନ୍ମ ପରେ ବାପାଙ୍କ ଆର୍ଥିକ ସ୍ଥିତିରେ ସୁଧାର ଆସିଥାଏ। ସୌଭାଗ୍ୟ ପ୍ରାପ୍ତ ହୋଇଥାଏ। ଆସନ୍ତୁ ଜାଣିବା ଏହି ମୂଳାଙ୍କ ଝିଅମାନଙ୍କ ବିଷୟରେ…।
ମୂଳାଙ୍କ ୩ ଥିବା ଝିଅମାନଙ୍କ ବିଷୟରେ ଅଙ୍କ ଜ୍ୟୋତିଷ ଶାସ୍ତ୍ର କୁହେ, ଏମାନେ ପିଲାବେଳୁ ହିଁ ପରିଶ୍ରମୀ ସ୍ୱଭାବର। ଏହି ଝିଅମାନେ ଉଦାର ସ୍ୱଭାବର ହୋଇ ଥାଆନ୍ତି। ନିଜ ସ୍ୱପ୍ନକୁ ସାକାର କରିବା ପାଇଁ ପାରୁ ପର୍ଯ୍ୟନ୍ତ ପରିଶ୍ରମ କରି ଥାଆନ୍ତି। ପରିଶ୍ରମର ଦମ୍ଭରେ ହିଁ ଏମାନେ ନିଜର ଏବଂ ନିଜ ପରିବାରର ନାମ ଉଜ୍ଜ୍ୱଳ କରନ୍ତି। ପରିବାରକୁ ଗର୍ବ ଅନୁଭବ କରାନ୍ତି।
ଅଙ୍କ ଜ୍ୟୋତିଷଙ୍କ କହିବା ହେଲା, ମୂଳାଙ୍କ ୩ ଥିବା ଝିଅମାନେ ନିଜ ସହିତ ସ୍ୱାମୀଙ୍କ ଭାଗ୍ୟ ମଧ୍ୟ ଲେଖି ଥାଆନ୍ତି। ସ୍ୱାମୀଙ୍କ ପାଇଁ ବି ଏମାନେ ଭାଗ୍ୟଶାଳୀ ହୋଇ ଥାଆନ୍ତି। ଏମାନଙ୍କ ଜୀବନରେ କଠିନ ପରିସ୍ଥିତି ବହୁତ କମ୍ ଆସିଥାଏ। ଯଦି ବି ଆସିଥାଏ, ତ ଏମାନେ ନିଜ ବୁଦ୍ଧିର ଦମ୍ଭରେ ତାକୁ ଅତିକ୍ରମ କରି ନିଅନ୍ତି। ଏହି ଝିଅମାନଙ୍କ ଉପରେ ମା’ ଲକ୍ଷ୍ମୀଙ୍କ କୃପା ସବୁବେଳେ ରହିଥାଏ।
ମୂଳାଙ୍କ ୩ ଝିଅମାନେ ବ୍ୟକ୍ତିଗତ ଏବଂ କର୍ମ ଜୀବନକୁ ନେଇ ବହୁତ ସଜାଗ ରହି ଥାଆନ୍ତି। କାହାକୁ ସାହାଯ୍ୟ କରିବା ପାଇଁ ସବୁବେଳେ ଆଗକୁ ବାହାରି ଥାଆନ୍ତି। କାହା ସାମ୍ନାରେ ମୁଣ୍ଡ ନୁଅାଁଇବାକୁ ଏମାନେ ପସନ୍ଦ କରି ନ ଥାଆନ୍ତି। ଏମାନେ ବହୁତ ପରିଶ୍ରମୀ ଏବଂ ବୁଦ୍ଧିମତୀ ହୋଇ ଥାଆନ୍ତି। ବିଳାସପୂର୍ଣ୍ଣ ଜୀବନ ଜିଇଁବାକୁ ପସନ୍ଦ କରନ୍ତି। ପ୍ରତ୍ୟେକ ସୋପାନରେ ଭାଗ୍ୟ ସେମାନଙ୍କୁ ସାଥ୍ ଦେଇଥାଏ।
