ପ୍ରେମିକ ଭଳି ଝିଅର କୋଳରେ ମୁଣ୍ଡ ରଖି ଶୋଇଥାଏ ଏହି ଅଜଗର, ହାତରେ ଆଉଁଷି ଦେଲେ କରିଥାଏ ପ୍ରେମ! ଦେଖନ୍ତୁ ଭାଇରାଲ ଭିଡିଓ

ସାପ ଦେଖିଲେ ଲୋକଙ୍କ ମନରେ ଭୟ ପଶିଯାଏ। ସାପଟି ଛୋଟ ହେଉ କି ବଡ, ଲୋକମାନେ ଏହାକୁ ଭୟ କରନ୍ତି | କିନ୍ତୁ ଆଜିକାଲି ଅନେକ ଲୋକ ସଉକରେ ସାପ ପାଳିବାରେ ଲାଗିଛନ୍ତି। ହେଲେ ବିଶେଷଜ୍ଞଙ୍କ କହିବା ହେଲା, ସାପ ପାଳିଲେ ବି ଏଥିପ୍ରତି ବିଶେଷ ଧ୍ୟାନ ଦେବା ଆବଶ୍ୟକ। କାରଣ, ସାପର ପରବର୍ତ୍ତୀ ପଦକ୍ଷେପ କ’ଣ ହେବ ତାହା ଅନୁମାନ କରିବା ଅତ୍ୟନ୍ତ କଷ୍ଟକର | ଅନେକ ଥର ସାପ ଆପଣଙ୍କ ସହିତ ମେଳାପି ଆଚରଣ କରୁଥିବା ବେଳେ ଭିତରେ କିନ୍ତୁ ଆପଣଙ୍କୁ ଶିକାର କରିବାକୁ ଯୋଜନା କରୁଥାଏ।

ଏବେ ସୋସିଆଲ ମିଡିଆରେ ସାପ ଓ ଏକ ଝିଅର ଭିଡିଓ ଖୁବ୍‌ ଭାଇରାଲ ହେଉଛି, ଯେଉଁଥିରେ ସାପ ଝିଅଟିର କୋଳରେ ମୁଣ୍ଡ ରଖି ଶୋଇଥିବାର ଦେଖିବାକୁ ମିଳୁଛି। ଝିଅଟି ଗୋଟିଏ ହାତରେ ମୋବାଇଲ୍ ଚଳାଉଥିବା ବେଳେ ଅନ୍ୟ ହାତକୁ ଅଜଗର ମୁଣ୍ଡ ଉପରେ ରଖିଥିବା ଭିଡିଓରେ ଦେଖାଯାଉଛି। ଏହି ଭିଡିଓ ସମସ୍ତଙ୍କୁ ଆଶ୍ଚର୍ଯ୍ୟ କରିଛି | ଝିଅ ତାଙ୍କ ଘର ବାହାରେ ବସିଥିବାର ଏବଂ ସାପ ପ୍ରାଙ୍ଗଣରେ ଖୋଲା ସ୍ଥାନରେ ଶୋଇଥିବାର ନଜର ଆସିଛି।

ଭାଇରାଲ ହେଉଥିବା ଏହି ଭିଡିଓ ଇନଷ୍ଟାଗ୍ରାମରେ yournaturegram ନାମକ ଆକାଉଣ୍ଟରେ ସେୟାର କରାଯାଇଥିଲା | ୧୮ ସେପ୍ଟେମ୍ବରରେ ସେୟାର କରାଯାଇଥିବା ଏହି ଭିଡିଓକୁ ଏ ପର୍ଯ୍ୟନ୍ତ ୧.୨ ମିଲିୟନ ଥର ଦେଖାଯାଇ ସାରିଲାଣି। ଏଥିସହ ହଜାର ହଜାର ଲୋକ ଏହା ଉପରେ ମନ୍ତବ୍ୟ ଦେଇଛନ୍ତି। କୁହାଯାଉଛି ଯେ ଭିଡିଓଟି ଇଣ୍ଡୋନେସିଆର। କିନ୍ତୁ ଏ ପର୍ଯ୍ୟନ୍ତ ଏହା ଉପରେ କୌଣସି ସ୍ପଷ୍ଟ ସୂଚନା ମିଳିପାରି ନାହିଁ। ଭିଡିଓ ଉପରେ କମେଣ୍ଟ କରି ଜଣେ ବ୍ୟକ୍ତି ଲେଖିଛନ୍ତି, ‘ଅଜଗର ଏହି ଝିଅକୁ ପରେ ଖାଇବ’। ଏହିପରି ଅନ୍ୟ ୟୁଜରମାନେ ମଧ୍ୟ କମେଣ୍ଟ ବକ୍ସରେ ସମାନ ଚେତାବନୀ ଦେଇଛନ୍ତି |