ନବରାତ୍ରିରେ ଶୃଙ୍ଗାର କରିବା ଅତ୍ୟନ୍ତ ଶୁଭ, ମାନସିକ ରୋଗ ପାଇଁ ବଡ଼ ଉପଚାର
ପ୍ରାୟ ସମସ୍ତେ ଚାହାଁନ୍ତି ସବୁବେଳେ ସୁନ୍ଦର ଦେଖାଯିବା ପାଇଁ। ସେଥିପାଇଁ ଅନେକ ଲୋକ ସବୁବେଳେ ସଜ ହେବା ପାଇଁ ଇଚ୍ଛା କରନ୍ତି। କିନ୍ତୁ ଆପଣ କ’ଣ ଜାଣିଛନ୍ତି କି ନବରାତ୍ରିରେ ଶୃଙ୍ଗାର ହେଲେ ଏହା ମାନସିକ ସ୍ବାସ୍ଥ୍ୟ ଉପରେ ପ୍ରଭାବ ପକାଇଥାଏ ଓ ମାନସିକ ରୋଗ ସହିତ ଜଡିତ ଥିବା ସବୁ ଅସୁବିଧା ଦୂର ହେବ। ବିଶେଷଜ୍ଞମାନେ ମତ ଦିଅନ୍ତି ଯେ ଭଲ ରୂପ ଦେଖାଯିବା ପ୍ରକୃତରେ ମାନସିକ ସୁସ୍ଥତା ସହିତ ଜଡିତ।
ଯେତେବେଳେ ଆପଣ ଭଲ ଦେଖାଜିବେ ସେତେବେଳେ ଆପଣ ଭଲ ଅନୁଭବ ମଧ୍ୟ କରିବେ।
ଆପଣଙ୍କର ମାନସିକ ସ୍ବାସ୍ଥ୍ୟ ବିଭିନ୍ନ ଉପାୟରେ ଭଲ ପୋଷାକ ଦ୍ୱାରା ଠିକ୍ ହୋଇପାରିବ। ଯେମିତିକି ଉଦାହରଣ ସ୍ୱରୂପ ନୂଆ ଡ୍ରେସ କିଣିଲେ ଆପଣ ଯେମିତି ଅଧିକ ଖୁସି ହୁଅନ୍ତି। ସେଥିପାଇଁ ତ କୁହାଯାଇଥାଏ ‘Look Good and Feel Good’। ଯଦି ଆପଣ ସୁନ୍ଦର ପୋଷାକ ପିନ୍ଧି ନିଜକୁ ଶୃଙ୍ଗାର କରନ୍ତି ଆପଣଙ୍କ ମନରେ ଏକ ସକାରାତ୍ମକ ଭାବନା ଜନ୍ମ ନିଏ। ଆପଣ ନିଜେ ଖୁସି ହେବା ସହିତ ନିଜ ଚାରି ପାଖରେ ଥିବା ଲୋକଙ୍କୁ ମଧ୍ୟ ଖୁସିରେ ରଖନ୍ତି।
ତେବେ ବର୍ତ୍ତମାନ ଚାଲିଛି ନବ ରାତ୍ରି। ଆଜି ହେଉଛି ପୀଠରେ ମହା ଅଷ୍ଟମୀ। ପୀଠରେ ଅତି ସୁନ୍ଦର ଭାବେ ସଜ ହୋଇ ବସିଛନ୍ତି ମା’ ଦୁର୍ଗା। ତେବେ ଏକ ରିସର୍ଚ୍ଚ ଅନୁଯାୟୀ ଏହି ନବରାତ୍ରିରେ ଅତି ସୁନ୍ଦର ଭାବେ ଶୃଙ୍ଗାର ହେବେ ଏହା ମାନସିକ ସ୍ବାସ୍ଥ୍ୟ ଉପରେ ଖୁବ୍ ଭଲ ପ୍ରଭାବ ପକାଇଥାଏ। ସାରା ଦେଶରେ ଲୋକମାନେ ନଅ ଦିନର କାର୍ଯ୍ୟକ୍ରମକୁ ବହୁତ ଉତ୍ସାହ ଏବଂ ଉତ୍ସାହର ସହ ପାଳନ କରୁଛନ୍ତି। ପର୍ବଗୁଡ଼ିକ ବିଭିନ୍ନ ଉପାୟରେ ମାନସିକ ସ୍ୱାସ୍ଥ୍ୟକୁ ମଧ୍ୟ ସମର୍ଥନ କରୁଛି। ପେଣ୍ଡାଲରେ ମା’ ଦୁର୍ଗାଙ୍କୁ ଦର୍ଶନ କରିବା ପାଇଁ ପ୍ରତି ବର୍ଷକୁ ବହୁତ ଅପେକ୍ଷା କରନ୍ତି ଲୋକ।
ଏହା ଏକ ବଡ଼ ଉତ୍ସବ କହିଲେ କିଛି ଭୁଲ ହେବନି। କାରଣ ଭୋଜନ ଠାରୁ ଆରମ୍ଭ କରି ପ୍ରିୟଜନଙ୍କ ସହିତ ସମୟ ବିତାଇବା ହେଉଛି ଏହି ଉତ୍ସବର ମୂଳ ଲକ୍ଷ। ତେଣୁ ଏହି ନବ ରାତ୍ରିରେ ଶୃଙ୍ଗାର ହେବା ଦ୍ବାରା ମାନସିକ ସ୍ବାସ୍ଥ୍ୟ ଠିକ୍ ରହିଥାଏ ବୋଲି କୁହାଯାଇଛି।