ମହାବାତ୍ୟା ଫନିର ପ୍ରଭାବରେ ପୁରୀ ଜିଲ୍ଲା ବ୍ୟାପକ କ୍ଷୟକ୍ଷତି ହୋଇଥିବାବେଳେ ଏଥିରୁ ବାଦ ପଡ଼ିନି ମହାପପ୍ରଭୁଙ୍କ ସେବାରେ ଲାଗି ହେଉଥିବା ଅବଢା କୁଡ଼ୁଆ ଏବଂ ତୁଳସୀ । ଡ଼େଲାଙ୍ଗ ବ୍୍ଲକର ବେରବୋଇ ଗ୍ରାମରେ ଥିବା କୁଡ଼ୁଆ ସେମା ଯୋଗାଉଥିବା କାରୀଗର ଙ୍କ ସହିତ ତୁଳସୀ ଯୋଗଉଥିବା ପିପିଲି ଆବଲପୁର ଗାଁର କାରୀଗର । ତେବେ ଆସନ୍ତୁ ଜାଣିବା କଣ ରହିଛି ପରିସ୍ଥିତି ।
କୋଟି ହୃଦୟର ମଉଡ଼ମଣୀ ମହାପ୍ରଭୁ ଶ୍ରୀ ଜଗନ୍ନାଥ । ଠାକୁରଙ୍କ ସେବାରେ ପ୍ରତ୍ୟେହ ଆବଶ୍ୟକ ପଡ଼େ ମାଟିର କୁଡ଼ୁଆ । ଏହି କୁଡ଼ୁଆରେ ମହାପ୍ରାସଦ ବଢାଯାଇ ଭକ୍ତଙ୍କ ସେବାରେ ଲାଗିଥାଏ । ତେବେ ପୁରୀ ଜିଲ୍ଲା ଡ଼େଲାଙ୍ଗ ବ୍ଳକ ବେରବୋଇର ଏହି କୁମ୍ଭକାରଙ୍କ ଏ ଦୃଶ୍ୟକୁ ଦେଖିଲେ ଜଣାପଡ଼େ କିଭଳି ରହିଛି ଏମାନଙ୍କର ସ୍ଥିତି । ମହାବାତ୍ୟା ଫନିର ପ୍ରଭାବରେ ଭାଙ୍ଗି ଯାଇଛି କୁଡ଼ୁଆ ତିଆରି ପାଇଁ ଉଦ୍ଦି୍ଷ୍ଟ ଥିବା ସରଂଜାମ । ଖାଲି ଯେ କୁମ୍ଭାର ଚକ ନଷ୍ଟ ହୋଇଛି ତାହା ନୂହେଁ ତିଆରି କରାଯାଇଥଥିବା କୁଡ଼ୁଆ ଗୁଡ଼ିକ ମଧ୍ୟ ଭାଙ୍ଗି ଯାଇଛି । ପୁଣି ଥରେ ଅଂଟା ସଳଖି ନିଜର କାଯ୍ୟର୍ ଆରମ୍ଭ କରିବା ଏମାନଙ୍କ ପାଇଁ କଷ୍ଟ ହେବ ।
ମହାବାତ୍ୟାର ପ୍ରଭାବରେ ମାଟିରେ ମିଶିଛି । ଯେଉଁଠି ଦିନେ ନାମ ସଂକୀର୍ତନ ସହିତ ଝୁଣାର ମହମହ ବାସ୍ନାରେ ତୁଳସୀ ସଂଗ୍ରହ କରାଯାଇ ମହାପ୍ରଭୁ ଶ୍ରୀ ଜଗନ୍ନାଥଙ୍କ ନିକଟକୁ ପ୍ରତିଦିନ ପଠାଯାଇଥାଏ । ତେବେ ଆଜି ଆଉ ଏଠାରେ ଦେଖିବାକୁ ମିଳିନି ସେ ଆଧ୍ୟାତ୍ମିକତା । ଫନିର ପ୍ରଭାବରେ ମାଟିକୁ ଜାବୁଡ଼ି ଧରିଛି ତୁଳସୀ ବଗିଚା । ପବନର ପ୍ରଭାବରେ ବଂଚି ଯାଇଥିବା ତୁଳସୀକୁ ଏବେ ସାଉଁଟି ପଠାଯାଉଛି ମହାପ୍ରଭୁଙ୍କ ସେବା ପାଇଁ । ମନରେ ରହିଛି ମହାପପ୍ରଭୁଙ୍କ ପାଇଁ ଭକ୍ତି ଆଉ ଭାବନା । ସେଥିପାଇଁ ଭାଙ୍ଗି ଯାଇଥିବା ଗଛ ଗୁଡ଼ିକୁ ପୁଣି ଥରେ ସଜାଡ଼ୁଛନ୍ତି ମହିଳା ଜଣକ ।