ଏହି ତାରିଖରେ ଜନ୍ମଗ୍ରହଣ କରିଥିବା ବ୍ୟକ୍ତିତ୍ୱ ହୋଇଥାନ୍ତି ବୁଦ୍ଧିମାନ ଏବଂ ଧନୀ, ଆପଣ ନାହାନ୍ତି ତ ଏହି ଲିଷ୍ଟରେ
ପ୍ରତ୍ୟେକ ଦିନ ହେଉ ଅବା ତାରିଖ ଉଭୟଙ୍କର କିଛି ନା କିଛି ମହତ୍ତ୍ୱ ରହିଥାଏ। ଯେଉଁ ଲୋକଙ୍କ ଜନ୍ମ ତାରିଖ ୫, ୧୪, ୨୩ ଅର୍ଥାତ୍ ସବୁ ଅଙ୍କ ମିଶାଇ ୫ ହୋଇଥାଏ। ସେମାନେ ବହୁତ ଧନୀ ହୋଇଥାନ୍ତି। ସେମାନଙ୍କ ମସ୍ତିଷ୍କ ମଧ୍ୟ ଦ୍ରୁତ ଗତିରେ ଚାଲିଥାଏ। କେବଳ ଏତିକି ନୁହେଁ, ଏମାନେ ବୁଦ୍ଧିମାନ ହେବା ସହିତ ଚାଲାକ ମଧ୍ୟ ହୋଇଥାନ୍ତି। ପଇସା ରୋଜଗାର କରିବାରେ ଏମାନେ ମାହିର ଥାନ୍ତି।
ନୂଆ ନୂଆ ଯୋଜନାର ଲାଭ ଉଠାନ୍ତି। ଏମାନଙ୍କ ଉପରେ ଧନ ଦେବତା କୁବେରଙ୍କ ବିଶେଷ କୃପା ରହିଥାଏ। ଯାହା ଯୋଗୁଁ ଆର୍ଥିକ ମାନ୍ଦାବସ୍ଥାର ସାମ୍ନା କରିବାକୁ ପଡିନଥାଏ। କ୍ୟାରିଅରରେ ଏମାନେ ବହୁତ ଉନ୍ନତି କରନ୍ତି।
ଏହି ତାରିଖରେ ଜନ୍ମଗ୍ରହଣ କରିଥିବା ଲୋକ ବୁଦ୍ଧିଆ ଏବଂ ପରିଶ୍ରମୀ ହୋଇ ନିଜ ବଳରେ ଅଧିକ ଉପାର୍ଜନ କରନ୍ତି। ଭବିଷ୍ୟତରେ ହେବାକୁ ଥିବା ଘଟଣାକୁ ପୂର୍ବରୁ ଜାଣିପାରନ୍ତି। ଏମାନେ ଚାକିରି ଅପେକ୍ଷା ବ୍ୟବସାୟରେ ଅଧିକ ରୁଚି ରଖିଥାନ୍ତି। ପ୍ରତ୍ୟେକ କାମ ନିଜ ଉପାୟରେ କରିବାକୁ ପସନ୍ଦ କରନ୍ତି। ଅଫିସରେ ଉପରସ୍ଥ କର୍ମଚାରୀ ମଧ୍ୟ ଏହି ବ୍ୟକ୍ତିଙ୍କୁ ବହୁତ ପସନ୍ଦ କରନ୍ତି। ପ୍ରତ୍ୟେକ ସମୟରେ କିଛି ନୂଆ ନୂଆ ଶିଖିବାକୁ ଚେଷ୍ଟା କରନ୍ତି।
ଏହି ତାରିଖରେ ଜନ୍ମିତ ବ୍ୟକ୍ତିତ୍ୱ ବହୁତ ପ୍ରତିଭାଶାଳୀ ହୋଇଥାନ୍ତି। ଏମାନଙ୍କ ମଧ୍ୟରେ ଆକର୍ଷଣ କରିବାକୁ ଗୁଣ ଭରି ରହିଥାଏ। ଯାହା କାରଣରୁ କିଏ ବି ତୁରନ୍ତ ଆକର୍ଷିତ ହୋଇଯାଆନ୍ତି। ଏମାନେ ନିଜ ଜୀବନ ନିଜ ଇଚ୍ଛାରେ ବଞ୍ଚନ୍ତି। ଜୀବନରେ ଆସିବାକୁ ଥିବା ପ୍ରତ୍ୟେକ ଚ୍ୟାଲେଞ୍ଜକୁ ସାମ୍ନା କରିଥାନ୍ତି। ଜଲଦି ହାର ମାନିନାହାନ୍ତି। ଏହି ବ୍ୟକ୍ତିତ୍ୱ ମଧ୍ୟରେ ଆତ୍ମବିଶ୍ୱାସର ଅଭାବ ନଥାଏ।
୫ ଅଙ୍କ ବ୍ୟକ୍ତିତ୍ୱ ଚାକିରି ଏବଂ ବ୍ୟବସାୟ ସବୁକିଛି କରିପାରିବେ। କିନ୍ତୁ ବ୍ୟବସାୟରେ ଅଧିକ ଉନ୍ନତି କରିଥାନ୍ତି। ମ୍ୟାନେଜର, ସାମ୍ବାଦିକ, ଓକିଲ, ଜଜ୍, ଡାକ୍ତର କିମ୍ବା ଜ୍ୟୋତିଷ ହୋଇପାରନ୍ତି। ଅଭିନୟ କରିବା ପାଇଁ ସଉକ ମଧ୍ୟ ରଖନ୍ତି।