ମଶା କାମୁଡିଲେ ଡେଙ୍ଗୁ ଭଳି ବିପଦଜନକ ରୋଗ ସୃଷ୍ଟି ହୋଇଥାଏ । ଏଥିରୁ ରକ୍ଷା ପାଇବା ପାଇଁ ଲୋକମାନେ ନିଜ ଘରେ ବିଭିନ୍ନ ପ୍ରକାରର ଉପାୟ ଅବଲମ୍ବନ କରନ୍ତି । ମଶା ଧରିବା ପାଇଁ ପୁରସ୍କାର ଦିଆଯିବା କଥା କେବେ ଶୁଣିଛନ୍ତି କି ? ହଁ ଆଜ୍ଞା ଏଭଳି କିଛି ଘଟଣା ଫିଲିପାଇନ୍ସରେ ଦେଖିବାକୁ ମିଳିଛି । ଏଠାକାର ଏକ ସହର ରହିଛି ଯାହାର ନାମ ରହିଛି ମାଣ୍ଡାଲୁୟୋଙ୍ଗ । ମଶା ଘଉଡ଼ାଉଥିବା ଲୋକଙ୍କ ପାଇଁ ଏକ ପୁରସ୍କାର ପ୍ରଦାନ କରାଯାଇଛି ।
ମଶାକୁ ଦୁର କରିବା ପାଇଁ ମାନିଲାର ଥିବା ବାରାଙ୍ଗେ ଆଡିସନ୍ ହିଲ୍ସ ଗାଁର ମୁଖ୍ୟ କାର୍ଲିଟୋ ସେର୍ନାଲ୍ କହିଛନ୍ତି ଯେ ପ୍ରତି ୫ଟି ମଶା କିମ୍ବା ମଶା ଲାର୍ଭା ପାଇଁ ୧ ଫିଲିପାଇନ୍ସ ପେସୋ (୧.୫ ଭାରତୀୟ ଟଙ୍କା) ପୁରସ୍କାର ମିଳିବ । ବିଶେଷ କଥା ହେଉଛି ମଶା ଜୀବିତ ଏବଂ ମୃତ ଉଭୟ ଜିନିଷ ଆଣିପାରନ୍ତି । ଗାଁରେ ଡେଙ୍ଗୁ ସମସ୍ୟାର ମୁକାବିଲା ପାଇଁ ମୁଖ୍ୟ ଏହି ନିଷ୍ପତ୍ତି ନେଇଛନ୍ତି ।
ସ୍ୱାସ୍ଥ୍ୟ ବିଭାଗର ତଥ୍ୟ ଅନୁସାରେ ଚଳିତ ବର୍ଷ ଫେବୃଆରୀ ୧ ସୁଦ୍ଧା ଫିଲିପାଇନ୍ସରେ ଅତି କମରେ ୨୮,୨୩୫ ଡେଙ୍ଗୁ ମାମଲା ରିପୋର୍ଟ ହୋଇଛି । ଏହା ଗତ ବର୍ଷ ତୁଳନାରେ ୪୦ ପ୍ରତିଶତ ଅଧିକ । ସେଠାରେ ଥିବା କ୍ୱେଜନ୍ ସିଟି ଶନିବାର ୧୫ ଫେବୃଆରୀ ୨୦୨୫ରେ ଡେଙ୍ଗୁ ପ୍ରକୋପ ଘୋଷଣା କରିଥିଲା କାରଣ ଏହି ବର୍ଷ ଏହି ରୋଗରେ ଆକ୍ରାନ୍ତ ୧,୭୬୫ ଜଣଙ୍କ ମଧ୍ୟରୁ ୧୦ ଜଣଙ୍କର ମୃତ୍ୟୁ ହୋଇଥିଲା ।
ଏମାନଙ୍କ ମଧ୍ୟରୁ ଅଧିକାଂଶ ପିଲା ରହିଥିଲେ । ଆଡିସନ୍ ହିଲ୍ସରେ ୧୦୦,୦୦୦ ରୁ ଅଧିକ ଲୋକ ବାସ କରନ୍ତି । ଡେଙ୍ଗୁ ମୁକାବିଲା ପାଇଁ ସହରରେ କେନାଲ ସଫା କରିବା ସମେତ ଅନେକ ସଫେଇ ଅଭିଯାନ କରାଯାଇଛି । କିନ୍ତୁ ଆକ୍ରାନ୍ତଙ୍କ ସଂଖ୍ୟା ୪୨ ରେ ପହଞ୍ଚିବା ଏବଂ ଦୁଇ ଜଣ ଯୁବ ଛାତ୍ରଙ୍କ ମୃତ୍ୟୁ ପରେ ଅଭିଯାନକୁ ଆହୁରି ଜୋରଦାର କରାଯାଇଥିଲା ।
ତେବେ ଗାଁ ର ମୁଖିଆ କାର୍ଲିଟୋ ସେର୍ନାଲ ଡେଙ୍ଗୁରୁ ବଞ୍ଚିବା ପାଇଁ ଏହି ପ୍ରକାର ସମାଲୋଚକମାନେ ଚିନ୍ତା ପ୍ରକାଶ କରିଛନ୍ତି । ସେମାନେ କୁହନ୍ତି ଯଦି ଲୋକମାନେ ପୁରସ୍କାରର ପ୍ରଲୋଭନରେ ମଶା ବଂଶ ବୃଦ୍ଧି କରିବା ଆରମ୍ଭ କରନ୍ତି, ତେବେ ମୁଖ୍ୟଙ୍କ ଏହି ରଣନୀତି ଓଲଟା ପ୍ରଭାବ ପକାଇପାରେ । ସେହି ସମୟରେ ମଶାଙ୍କ ବିପଦ ଆହୁରି ବଢ଼ିବ ଯଦିଓ ସେର୍ନାଲ୍ କହିଛନ୍ତି ଯେ ଏହା ସମ୍ଭବ ନୁହେଁ କାରଣ ମାମଲା ବୃଦ୍ଧି ପାଇବା ମାତ୍ରେ ଏହି ଅଭିଯାନ ସମାପ୍ତ ହୋଇଯିବ ।
Also read: ପ୍ରେମିକାଙ୍କ କଥା ଶୁଣି ମହାକୁମ୍ଭରେ ବିକ୍ରି କରିଲେ ଦାନ୍ତକାଠି, ୪ ଦିନରେ ରୋଜଗାର କରିଲେଣି ୪୦ ହଜାର ଟଙ୍କା