ପାଦ ଚାପି ଚାପି ଦୋକାନ ଭିତରେ ପଶିଲା ପରେ ଚକୋଲେଟ୍ ଝାମ୍ପି ନେଇ ଛୁ ମାରିଲା ପାରା, ଦେଖନ୍ତୁ ଭିଡିଓ
ଯେକୌଣସି ପଶୁପକ୍ଷୀଙ୍କୁ ଭୋକ ଲାଗିଲେ ସେମାନେ ଖାଦ୍ୟ ଅନେ୍ଵଷଣରେ ଆଖପାଖରେ ଥିବା ଘର କିମ୍ବା ଜଙ୍ଗଲକୁ ଚାଲିଯାଆନ୍ତି, ଯେଉଁଠାରେ ତାଙ୍କୁ ଖାଦ୍ୟ ପାଇବା ଆଶା ଥାଏ। କିନ୍ତୁ କେବେ କୌଣସି ପକ୍ଷୀକୁ ବୋଧେ କେହି ଦୋକାନରୁ ଜିନିଷ ନେବାର ଦେଖିନଥିବେ। ମାତ୍ର ବର୍ତ୍ତମାନ ଏବେ ସୋସିଆଲ ମିଡିଆରେ ଏକ ଏଭଳି ଭିଡିଓ ଭାଇରାଲ ହେଉଛି ଯେଉଁଥିରେ ଏକ ପକ୍ଷୀ ଦୋକାନକୁ ଯାଇ ଚକୋଲେଟ୍ ନେଇ ଯାଉଥିବା ଦେଖିବାକୁ ମିଳିଛି।
ଦେଖନ୍ତୁ ଭିଡିଓ:
View this post on Instagram
ଭିଡିଓରେ ଦେଖାଯାଇଛି ଯେ ଏକ ପାରା ଖୁବ୍ ଶାନ୍ତ ଭାବେ ଏକ ଦୋକାନ ଭିତରକୁ ପ୍ରବେଶ କରୁଛି। ତା’ ପରେ ଜିନିଷ ପତ୍ର ରଖାଯାଇଥିବା ର୍ୟାକ୍ ପାଖକୁ ଯାଉଛି ଓ ଥଣ୍ଟରେ ଏକ ଚକୋଲେଟ୍ ପ୍ୟାକେଟ୍ ଉଠାଇ କ୍ଷୀପ୍ର ବେଗରେ ବାହାରକୁ ଚାଲିଯାଉଛି।
ପାରାର ଏହି ଭିଡିଓକୁ ଇନ୍ଷ୍ଟାଗ୍ରାମ୍ରେ ‘ଦ ଓ୍ଵାଇର୍ଲ୍ଡ କ୍ୟାପଚର’ ନାମକ ଆକାଉଣ୍ଟରୁ ସେୟାର କରାଯାଇଛି। ଖବର ଲେଖାହେବା ପର୍ଯ୍ୟନ୍ତ ଏହି ଭିଡିଓରେ ୧୧,୪୦୦ରୁ ଊର୍ଦ୍ଧ୍ୱ ଲାଇକ୍ ମିଳିଥିବା ବେଳେ ଅନେକ ଲୋକ ଏହାକୁ ପସନ୍ଦ କରି କମେଣ୍ଟ କରିଛନ୍ତି। କିଛି ୟୁଜର୍ସ କମେଣ୍ଟରେ ପାରାକୁ ଚତୁର ବୋଲି ମଧ୍ୟ କହିଛନ୍ତି। ତେବେ ଭିଡିଓରେ ପାରା ଚକୋଲେଟ୍ ନେବା ପରେ ଯେଉଁଭଳି ଭାବେ ଦୌଡ଼ୁଛି, ତାହା ସମସ୍ତଙ୍କୁ ଅଧିକ ପସନ୍ଦ ଆସିଛି।