ମହାଶିବରାତ୍ରୀରେ ମିଥୁନ ଓ କନ୍ୟା ରାଶିର ସ୍ୱାମୀ ବୁଧ କୁମ୍ଭ ରାଶିରେ କରୁଛନ୍ତି ରାଶି ପରିବର୍ତ୍ତନ, କ’ଣ ରହିଛି ଯୋଗ

ମହାଶିବରାତ୍ରି ଦିନ ଏକ ମହତ୍ତ୍ୱପୂର୍ଣ୍ଣ ରାଶି ପରିବର୍ତ୍ତନ ହେବାକୁ ଯାଉଛି । ମିଥୁନ ଓ କନ୍ୟା ରାଶିର ସ୍ୱାମୀ ବୁଧ କୁମ୍ଭ ରାଶିକୁ ପ୍ରବେଶ କରୁଛନ୍ତି । ବୁଧ ଗ୍ରହ ଗୋଚରରେ ସବୁ ରାଶି ଉପର ପ୍ରଭାବ ପକାଇବେ ।

ପଞ୍ଚାଙ୍ଗ ଓ ଜ୍ୟୋତିଷ ଗଣନାନୁଯାୟୀ ମାର୍ଚ୍ଚ ମାସରେ ବୁଧ ଗ୍ରହ ରାଶି ପରିବର୍ତ୍ତନ କରିବେ । ବୁଧ ଏବେ ମକର ରାଶିରେ ଅବସ୍ଥିତ ରହିଛନ୍ତି । ଯେଉଁଠି ଶନି ଓ ଦେବ ଗୁରୁ ବୃହସ୍ପତି ବିରାଜମାନ କରିଛନ୍ତି । ବୁଧଙ୍କର ଗୋଚର ଫଳ ବହୁତ ଗୁରୁତ୍ତ୍ୱପୂର୍ଣ୍ଣ ମନାଯାଏ । ବିଶେଷକରି ଶିକ୍ଷା, ବେପାର ଓ ଚାକିରି ମାମଲାରେ ବୁଧ ମହତ୍ତ୍ୱପୂର୍ଣ୍ଣ ଫଳ ଦେଇଥାନ୍ତି ।

ବୁଧ ଗ୍ରହ କେବେ ରାଶି ପରିବର୍ତ୍ତନ କରୁଛନ୍ତି

ବୁଧ ଗ୍ରହ ୨୦୨୧ ମାର୍ଚ୍ଚ ୧୧ ତାରିଖ ଗୁରୁବାର ଦିନ ୧୨ଟା ୪୭ ମିନିଟ୍‌ରେ ରାଶି ପରିବର୍ତ୍ତନ କରୁଛନ୍ତି । ଏହି ଦିନ ବୁଧ କୁମ୍ଭ ରାଶିରେ ପ୍ରବେଶ କରିବେ । ଏହି ଦିନ ମହାଶିବରାତ୍ରି ପଡ଼ୁଥିବାରୁ ଅତ୍ୟନ୍ତ ଶୁଭକାରକ ହେବ । ବୁଧ ଗ୍ରହକୁ ରାଜକୁମାର କୁହାଯାଏ । ଏହା ଏକ ଶୁଭ ଗ୍ରହ ।

ବୁଧ ଗ୍ରହର ସ୍ୱଭାବ

ବୁଧ ଗ୍ରହର ସଂବନ୍ଧ ବାଣୀ ବା କଥା ସହ ଜଡ଼ିତ । ତେଣୁ ଯାହାର ବୁଧ ଭଲ ରୁହନ୍ତି ତାଙ୍କର ବାଣୀ ମଧୁର ହୋଇଥାଏ । ବୁଧ ଗ୍ରହ ଗଣନା,ତର୍କ, ଶାସ୍ତ୍ର, ଚକିତ୍ସା ଏବଂ ବେପାର ଆଦିର କାରକ ହୋଇଥାନ୍ତି । ଭଗବାନ ବିଷ୍ଣୁଙ୍କୁ ପୂଜା କରିବା ଦ୍ୱାରା ବୁଧ ଗ୍ରହ ମଜବୁତ୍‌ ହୋଇଥାଏ ।

କୁମ୍ଭ ରାଶିରେ ହୁଏ ବୁଧାଦିତ୍ୟ ଯୋଗ

ଜ୍ୟୋତିଷ ଶାସ୍ତ୍ରରେ ବୁଧାଦିତ୍ୟ ଯୋଗକୁ ଶୁଭ ଯୋଗ ମନାଯାଇଥାଏ । କୁମ୍ଭ ରାଶିକୁ ବୁଧଙ୍କ ଆଗମନ ହେଲେ ଏହି ଯୋଗର ସୃଷ୍ଟି ହୁଏ । ସୂର୍ଯ୍ୟଙ୍କ ସହ ଯେବେ ବୁଧଙ୍କର ଯୋଗ ଘଟେ ବୁଧାଦିତ୍ୟ ଯୋଗ ସୃଷ୍ଟି ହୁଏ । ୧୧ ରୁ ୧୪ ମାର୍ଚ୍ଚ ପର୍ଯ୍ୟନ୍ତ ପର୍ଯ୍ୟନ୍ତ ସୂର୍ଯ୍ୟ କୁମ୍ଭ ରାଶିରେ ରହିବେ । ଏହା ପରେ ବୁଧ ମୀନ ରାଶିରେ ପ୍ରବେଶ କରିବେ । ବୁଧାଦିତ୍ୟ ଯୋଗ ହେଲେ ଶିକ୍ଷା, ବେପାର ଆଦି କ୍ଷେତ୍ରରେ ବୃଦ୍ଧି ହୋଇଥାଏ । କୁମ୍ଭ ରାଶିରେ ଶୁକ୍ର ମଧ୍ୟ ବିରାଜମାନ ଅଛନ୍ତି ।

କୁମ୍ଭ ରାଶି ଫଳ

ବୁଧ ଗ୍ରହର ରାଶି ପରିବର୍ତ୍ତନ କୁମ୍ଭ ରାଶିରେ ହେଉଛି । ଏହି କାରଣରୁ ଏହାର ଅଧିକ ପ୍ରଭାବ କୁମ୍ଭ ରାଶି ଉପରେ ପଡ଼ିବ । ଫଳରେ କୁମ୍ଭ ରାଶିର ବନ୍ଦ ପଡ଼ିଥିବା କାର୍ଯ୍ୟ ପୁରା ହେବ । ଶିକ୍ଷା ଓ ବେପାର ଆଦି କାର୍ଯ୍ୟରେ ଭଲ ଫଳ ମିଳିବ ।