ପୋଷ୍ଟ ଅଫିସ ମାଧ୍ୟମରେ ଏହି ମନ୍ଦିରର ବିଭୂତିକୁ ପଠାଯାଏ ବିଦେଶକୁ, ଜାଣନ୍ତୁ ଏହାର ମାହାତ୍ମ୍ୟ

ଦେଶରେ ଏମିତି ଅନେକ ମନ୍ଦିର ରହିଛି ଯାହାର ବିଶେଷତ୍ୱ ଜାଣିଲେ ସମସ୍ତେ ଆଶ୍ଚର୍ଯ୍ୟ ହୋଇଯାଆନ୍ତି । ଏଭଳି ଅନେକ ଅଦ୍ଭୁତ ଘଟଣା ଘଟେ ଯାହାଦ୍ୱାରା ଭଗବାନଙ୍କ ଉପସ୍ଥିତି ଜଣାପଡେ । ଆଜି ଆମେ ଆପଣଙ୍କୁ ସେମିତି ଏକ ଦେବୀପୀଠ ସମ୍ପର୍କରେ କହିବାକୁ ଯାଉଛୁ । ଏହାର ହୋମ ଯଜ୍ଞରୁ ବାହାରୁଥିବା ବିଭୂତି ପୋଷ୍ଟ ଅଫିସ ମାଧ୍ୟମରେ ବିଦେଶକୁ ପଠାଯାଏ । ଚାଲନ୍ତୁ ଜାଣିବା ଏହି ମନ୍ଦିରର ମାହାତ୍ମ୍ୟ ସଂପର୍କରେ ।

ଏହି ମନ୍ଦିରର ନାମ ରାଜ- ରାଜେଶ୍ୱରୀ ମନ୍ଦିର । ଏଠାରେ ଦେବୀ ମାତା ଭଗବତୀଙ୍କ ଏକ ସ୍ୱରୂପରେ ମାତା ପୂଜା ପାଆନ୍ତି । ଏହି ସ୍ଥାନରେ ଭକ୍ତ ସ୍ୱୟଂ ଦେବୀ ମାଆଙ୍କ ଉପସ୍ଥିତିକୁ ଅନୁଭବ କରନ୍ତି । ଏହା ଏକ ପ୍ରଚୀନ ସିଦ୍ଧପୀଠ ହୋଇଥିବାରୁ ଦେଶ ବିଦେଶରୁ ଲୋକମାନେ ଏହାର ଦର୍ଶନ ପାଇଁ ଆସିଥାନ୍ତି ।

କୁହାଯାଏ ଯେ, ଗଢ଼ବାଲ ରାଜା ଅଜୟପାଲ ଚାନ୍ଦପୁର ଗଢ଼ ରାଜଧାନୀକୁ ପରିବର୍ତ୍ତନ କରି ଦେବଲଗଢ଼କୁ ରାଜଧାନୀ କରିଥିଲେ । ଏହାପରେ ପଠାଲ ଭବନ ନିର୍ମାଣ କରି ଏଠାରେ ମନ୍ଦିର ପ୍ରତିଷ୍ଠା କରିଥିଲେ । ଏଠାରେ ଭଗବତୀ ରାଜରାଜେଶ୍ୱରୀ ଦେବୀଙ୍କୁ ପୂଜା କରାଯଏ । ଏଠାରେ ପ୍ରତିବର୍ଷ ଯଜ୍ଞ କରାଯାଏ । ବିଶ୍ୱାସ ରହିଛି ଯେ, ଏଠାରେ ଜାଗୃତ ଶ୍ରୀଯନ୍ତ୍ର ମଧ୍ୟ ସ୍ଥାପନ କରାଯାଇଛି । ୧୦ ସେପ୍ଟେମ୍ବର ୧୯୮୧ରୁ ଏଠାରେ ଅଖଣ୍ଡ ଜ୍ୟୋତି ଲଗାଇବାର ପରମ୍ପରା ରହିଛି ।

ଏହି ମନ୍ଦିରର ବିଶେଷତ୍ୱ ବିଦେଶରେ ମଧ୍ୟ ରହିଛି । ତେଣୁ ଏହାର ବିଭୂତିକୁ ପୋଷ୍ଟ ଅଫିସ ମାଧ୍ୟମରେ ବିଦେଶକୁ ପଠାଯାଏ । ଯେଉଁଥିରେ ଆମେରିକା, ଅଷ୍ଟ୍ରେଲିଆ, ସାଉଦୀ ଆରବ ଓ ଲଣ୍ଡନ ଭଳି ଦେଶ ସାମିଲ ଅଛନ୍ତି ।