ପାରୋଲରେ ଆସି ଖଣ୍ଡାରେ କେକ୍ କାଟିଲେ ଦୁଷ୍କର୍ମ ଅଭିଯୁକ୍ତ ରାମ ରହୀମ୍, ଭାଇରାଲ ହେଉଛି ଭିଡିଓ
ନୂଆଦିଲ୍ଲୀ: ପୁଣି ଚର୍ଚ୍ଚାରେ ଡେରା ସଚ୍ଚା ସୌଦା ମୁଖ୍ୟ ଗୁରୁମିତ ରାମ ରହୀମ୍ । ବିର୍ତ୍ତମାନ ସେ ଜେଲରୁ ପାରୋଲ ଆସିଥିବାବେଳେ ପୁଣି ତାଙ୍କୁ ନେଇ ଭାଇରାଲ ହେଉଛି ଏକ ଭିଡିଓ । ଭିଡିଓରେ ସେ ଏକ ‘ଉତ୍ସବ’ରେ ଖଣ୍ଡା ଦ୍ୱାରା କେକ୍ କାଟୁଥିବାର ଦେଖିବାକୁ ମିଳୁଛି। ଯାହା ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି। ହରିୟାଣାର ରୋହତକ ସୁନାରିଆ ଜେଲରେ ସେ ଦୁଷ୍କର୍ମ ଓ ହତ୍ୟା ମାମଲାରେ ସିରସା-ଡେରା ମୁଖ୍ୟ ୨୦ବର୍ଷ କାରାଦଣ୍ଡ ଭୋଗୁଛନ୍ତି । ଏବଂ ସେ ଏବେ ୪୦ଦିନ ପାରୋଲରେ ଆସିଛନ୍ତି। ଏହି ଅବସରରେ ସେ ପାରୋଲରେ ବାହାରି ଗତ ଶନିବାର ଉତ୍ତରପ୍ରଦେଶର ବାଗପାଟରେ ଥିବା ତାଙ୍କ ବରନଓ୍ୱା ଆଶ୍ରମରେ ପହଞ୍ଚିଥିଲେ।ଏକ ବଡ କେକ୍ ସହିତ ରାମ ରହୀମଙ୍କ ଉତ୍ସବ ପାଳନ କରୁଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
ତେବେ ତାଙ୍କ ଜାମିନ ଆବେଦନପତ୍ରରେ ରାମ ରହୀମ କହିଛନ୍ତି ଯେ ଆସନ୍ତା ଜାନୁଆରୀ ୨୫ରେ ପୂର୍ବତନ ଡେରା ମୁଖ୍ୟ ଶାହ ସତନାମ୍ ସିଂଙ୍କ ଜନ୍ମ ବାର୍ଷିକୀ ପାଳନ ଅବସରରେ ସେ ଏକ କାର୍ଯ୍ୟକ୍ରମରେ ଯୋଗ ଦେବାକୁ ଚାହୁଁଛନ୍ତି। ସୋସିଆଲ ମିଡିଆରେ ସାମ୍ନାକୁ ଆସିଥିବା ଏହି ଭିଡିଓରେ ଡେରା ମୁଖିଆଙ୍କ କଥା ଶୁଣିବାକୁ ମିଳୁଛି, .ସେ। କହୁଛନ୍ତି“ପାଞ୍ଚ ବର୍ଷ ପରେ ଏହିପରି ଉତ୍ସବ ପାଳନ କରିବାର ସୁଯୋଗ ପାଇଛନ୍ତି, ତେଣୁ ସେ ଅତି କମରେ ପାଞ୍ଚଟି କେକ୍ କାଟିବା ଉଚିତ୍। ଏହା ହେଉଛି ପ୍ରଥମ କେକ୍। ” କିନ୍ତୁ ଅସ୍ତ୍ରଶସ୍ତ୍ରର ସର୍ବସାଧାରଣ ପ୍ରଦର୍ଶନ ଅର୍ଥାତ୍ ଖଣ୍ଡା ଦ୍ୱାରା କେକ୍ କାଟିବା ନିଷେଧ। ଏକଥା ଭୁଲିଯାଇଥିଲେ ରାମ ରହୀମ୍।
Baba Ram Rahim who is serving a 20-yr-sentence for allegedly raping 2 of his followers in his Dera ashram got 40-day parole and came out of jail on Jan https://t.co/SG1997bplu is seen cutting a cake with a sword. Ram Rahim has got parole 4 a total of 133 days so far! pic.twitter.com/DA8Ry4LdZZ
— Shikha Salaria (@Salaria_Shikha1) January 23, 2023
ତେବେ ଗତ ସୋମବାର ଦିନ ରାମ ରହୀମ ହରିୟାଣାର ତଥା ଅନ୍ୟାନ୍ୟ ରାଜ୍ୟରେ ତାଙ୍କ ସମ୍ପ୍ରଦାୟର ସ୍ୱେଚ୍ଛାସେବୀମାନଙ୍କ ଦ୍ୱାରା ଆୟୋଜିତ ଏକ ମେଗା ସ୍ୱଚ୍ଛତା ଅଭିଯାନର ଉଦ୍ଘାଟନ କରିଥିଲେ। ଏହି କାର୍ଯ୍ୟକ୍ରମରେ ରାଜ୍ୟସଭା ସାଂସଦ କୃଷ୍ଣ ଲାଲ ପାନୱାର ଏବଂ ପୂର୍ବତନ ମନ୍ତ୍ରୀ କୃଷ୍ଣ କୁମାର ବେଦୀଙ୍କ ସମେତ ହରିୟାଣାର କିଛି ବରିଷ୍ଠ ଭାରତୀୟ ଜନତା ପାର୍ଟି ଅଂଶଗ୍ରହଣ କରିଥିଲେ। ସୂଚନା ଥାଉକି, ଗତ ୧୪ମାସ ମଧ୍ୟରେ ଏହା ଚତୁର୍ଥ ଥର ଏବଂ ତିନିମାସ ତଳେ ଦ୍ୱିତୀୟ ଥର ରାମ ରହୀମଙ୍କୁ ପାରୋଲ ଅନୁମତି ଦିଆଯାଇଛି। ଏହାପୂର୍ବରୁ, ହରିୟାଣା ପଞ୍ଚାୟତ ନିର୍ବାଚନ ଏବଂ ଆଦାମପୁର ବିଧାନସଭା ବାଇପୋଲ ପୂର୍ବରୁ ଅକ୍ଟୋବର ୨୦୨୨ ରେ ତାଙ୍କୁ ୪୦ଦିନ ପାରୋଲରେ ମୁକ୍ତ କରାଯାଇଥିଲା।
ଦୁଇ ମହିଳା ଅନୁଗାମୀଙ୍କୁ ଦୁଷ୍କର୍ମ ଅଭିଯୋଗରେ ସେ ଅଗଷ୍ଟ ୨୦୧୭ ରେ ପଞ୍ଚକୁଲାର ଏକ ସ୍ୱତନ୍ତ୍ର ସିବିଆଇ କୋର୍ଟ ଦ୍ୱାରା ଦୋଷୀ ସାବ୍ୟସ୍ତ ହୋଇଥିଲେ। ୨୦୦୩ ରେ ପଞ୍ଜାବ ଏବଂ ହରିୟାଣାର ହାଇକୋର୍ଟ ଦେଇଥିବା ଆଦେଶରେ ସିବିଆଇ ଏହି ମାମଲା ପଞ୍ଜୀକୃତ କରିଥିଲା ଏବଂ କୁରୁକ୍ଷେତ୍ରର ପୋଲିସ ଷ୍ଟେସନ ସଦରରେ ପଞ୍ଜୀକୃତ ହୋଇଥିବା ମାମଲାର ତଦନ୍ତ ଦାୟିତ୍ବ ଗ୍ରହଣ କରିଥିଲା। ଅଭିଯୋଗ ହୋଇଥିଲା ଯେ କୁରୁକ୍ଷେତ୍ରର ଖାନପୁର କୋଲିଆନ ନିବାସୀ ରଣଜିତ ସିଂଙ୍କୁ ଜୁଲାଇ ୧୦, ୨୦୨୨ରେ ହରିୟାଣାର କୁରୁକ୍ଷେତ୍ରର ଖାନପୁର କୋଲିଆନରେ ନିଜ କ୍ଷେତରେ କାମ କରୁଥିବାବେଳେ ହତ୍ୟା କରାଯାଇଥିଲା।
ପୁଙ୍ଖାନୁପୁଙ୍ଖ ଅନୁସନ୍ଧାନ ପରେ ସିବିଆଇ ୨୦୦୭ ରେ ୬ଜଣ ଅଭିଯୁକ୍ତଙ୍କ ବିରୋଧରେ ଚାର୍ଜସିଟ୍ ଦାଖଲ କରିଥିଲା ଏବଂ 2008 ରେ ଚାର୍ଜସିଟ୍ ଗଠନ କରାଯାଇଥିଲା। ଅକ୍ଟୋବର ୮, ୨୦୨୧ରେ ପୂର୍ବତନ ଡେରା ମ୍ୟାନେଜର ରଞ୍ଜିତ ସିଂଙ୍କ ହତ୍ୟା ମାମଲାରେ କୋର୍ଟ ରହୀମ ଏବଂ ଅନ୍ୟ ଚାରିଜଣଙ୍କୁ ଦୋଷୀ ସାବ୍ୟସ୍ତ କରିଥିଲେ।
