ଧନୀଙ୍କ ଅତ୍ୟାଧୁନିକ ଜୀବନଶୈଳୀ ବାୟୁମଣ୍ଡଳ ଉପରେ ପଡୁଛି ଭାରି, ଚାଞ୍ଚଲ୍ୟକର ରିପୋର୍ଟ ଦେଲା ଅକ୍ସଫାମ
ଧନୀ ମାନଙ୍କ ଅତ୍ୟାଧୁନିକ ଜୀବନ ଶୈଳୀର ପ୍ରଭାବ ବାୟୁମଣ୍ଡଳ ଉପରେ ଏକ ଗଭୀର ଭାବରେ ପଡୁଛି । ଯଦି ଏହି ସ୍ଥିତି ଜାରି ରହେ, ତେବେ ଆଗକୁ ବିଶ୍ୱ ବାୟୁମଣ୍ଡଳ ସ୍ଥିତି ଭୟାନକ ଭାବରେ କ୍ଷତିଗ୍ରସ୍ତ ହୋଇପାରେ । ଯାହାକୁ ସୁଧାରିବା ହୁଏତ ଭବିଷ୍ୟତରେ ଏକପ୍ରକାର ଅସମ୍ଭବ ହୋଇପଡିବ । ଏନେଇ ଏକ ଚାଂଚଲ୍ୟକର ରିପୋର୍ଟ ପ୍ରକାଶ କରିଛି ଅନ୍ତରାଷ୍ଟ୍ରୀୟ ବେସରକାରୀ ସଂସ୍ଥା ଅକ୍ସଫାମ ।ସଂସ୍ଥା ଦ୍ୱାରା ଜାରି ହୋଇଥିବା ରିପୋର୍ଟ ଅନୁଯାୟୀ, ଗରିବଙ୍କ ତୁଳନାରେ ଧନୀ ମାନେ ଦୁଇ ଗୁଣା ଅଧିକ କାର୍ବନ ବାୟୁମଣ୍ଡଳକୁ ନିର୍ଗତ କରୁଛନ୍ତି । ୧୯୯୦ ରୁ ୨୦୧୫ ପର୍ଯ୍ୟନ୍ତ ଦୀର୍ଘ ୨୫ ବର୍ଷର ତଥ୍ୟ ଆଧାରରେ ହିଁ ଏହି ରିପୋର୍ଟ ପ୍ରକାଶିତ ହୋଇଛି । ଆଉ ମଧ୍ୟ ୨୫ ବର୍ଷର ଅବଧି ମଧ୍ୟରେ ବାୟୁମଣ୍ଡଳକୁ କାର୍ବନ ନିର୍ଗତର ପରିମାଣ ୬୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି ପାଇଥିବା ଜଣାଯାଇଛି । ସଂସ୍ଥା ଅନୁଯାୟୀ, ଯଦି ଏବେଠାରୁ ଧନୀଙ୍କ ଉପରେ କଡା ନିର୍ଦ୍ଦେଶାବଳୀ ଜାରି କରାନଯାଏ ତେବେ ଆଗକୁ ପରିସ୍ଥିତି ଜଟିଳ ହୋଇଯିବ । ଏହାବାଦ ସଂସ୍ଥା ପକ୍ଷରୁ ବିଶ୍ବ ଜଳବାୟୁ ପରିବର୍ତ୍ତନରେ ସମସ୍ତ ଦେଶ ସମାନ ଭାବରେ ଭାଗ ନେଇ ସ୍ଥିତି ସୁଧାରିବାରେ ସମାନ ଭାବରେ ଅଂଶଗ୍ରହଣ କରନ୍ତୁ ବୋଲି ଦାବି କରିଛି ଅକ୍ସଫାମ ।
ଏକ ବ୍ୟବସ୍ଥା ସ୍ଥାପନ କରି ଏଦିଗରେ ସମସ୍ତଙ୍କ ନିବେଶ ବଢାଇବା ଓ ଅର୍ଥବ୍ୟବସ୍ଥାରେ ସୁଧାର ଆଣିବା ପାଇଁ ମଧ୍ୟ ଦାବି ହୋଇଛି । ରିପୋର୍ଟରେ ଆଉ ମଧ୍ୟ ପ୍ରକାଶ ପାଇଛିକି, ପୃଥିବ ପୃଷ୍ଠାରେ ବାସ କରୁଥିବା ମାତ୍ର ୧୦ ପ୍ରତିଶତ ଧନୀ ହିଁ ୫୦ ପ୍ରତିଶତରୁ ଅଧିକ କାର୍ବନ ନିର୍ଗମନ ପାଇଁ ଦାୟୀ । ଆଉ ମଧ୍ୟ ଜଣାଯାଇଛିକି, ୧୫ ପ୍ରତିଶତ କାର୍ବନ ଊତ୍ସର୍ଜନ ମାତ୍ର ଏକ ପ୍ରତିଶତ ଧନୀ ହିଁ କରିଥାନ୍ତି । ଯେବେକି, ପୃଥିବୀ ପୃଷ୍ଠରେ ବାସ କରୁଥିବା ୫୦ ପ୍ରତିଶତ ଗରିବ ମାତ୍ର ୭ ପ୍ରତିଶତ କାର୍ବନ ନିର୍ଗତ କରିଥାନ୍ତି । ଅକ୍ସଫାର୍ମ ସଂସ୍ଥାର ଜଣେ ବିଶେଷଜ୍ଞଙ୍କ ଅନୁଯାୟୀ, ଅର୍ଥବ୍ୟବସ୍ଥା, ଆର୍ଥିକ ବିକାଶ ଆଧାରରେ ହିଁ କିଏ ଧନୀ କିଏ ଗରିବ ସେନେଇ ନିର୍ଦ୍ଧାରିତ ହୋଇଥାଏ । ଜାଣି ଆଶ୍ଚର୍ଯ୍ୟ ହେବେ ବର୍ତ୍ତମାନ ସମୟରେ ମାତ୍ର ୧ ପ୍ରତିଶତ ଧନୀଙ୍କ ଦାୟିତ୍ୱ ହୀନତାର ଭାର ୯୯ ପ୍ରତିଶତ ଗରିବ ଲୋକଙ୍କୁ ଉଠାଇବାକୁ ପଡୁଛି ।
