ଦୁନିଆରେ ଅନେକ ପ୍ରକାରର ସାପ ଅଛନ୍ତି। କିଏ ଅତ୍ୟଧିକ ବିଷାକ୍ତ ତ ଆଉ କିଏ କମ୍। ସେହିପରି କେତେକ ସ୍ଥଳ ଭାଗରେ ରୁହନ୍ତି ତ ଆଉ କେତେକ ଜଳରେ। ସାପ ପ୍ରାୟତଃ ତଳେ ଘୁଷୁଡ଼ି ଘୁଷୁଡ଼ି ଚାଲେ ବୋଲି ସମସ୍ତେ ଜାଣନ୍ତି। ମାତ୍ର ପୃଥିବୀରେ ଏମିତି ବି ସାପ ଅଛନ୍ତି ଯେଉଁମାନେ ଉଡ଼ିପାରନ୍ତି। ବୋଧେ ଖୁବ୍ କମ୍ ଲୋକ ଏ ବିଷୟରେ ଜାଣିଥିବେ। ସାଧାରଣତଃ ଉଡ଼ୁଥିବା ସାପ ବହୁତ କମ୍ ପରିମାଣର ଦେଖାଯାଆନ୍ତି। ଏହି ସାପ ଅଧିକ ବିଷଧର ହୋଇନଥିଲେ ମଧ୍ୟ ଲୋକଙ୍କ ମଧ୍ୟରେ ଏହାକୁ ନେଇ ଅଧିକ ଭୟ ରହିଥାଏ। ତେବେ ଡେଣା ନଥିଲେ ମଧ୍ୟ ସାପ କେମିତି ଉଡ଼େ! ଏନେଇ ମନରେ ପ୍ରଶ୍ନ ଉଠିବା ସ୍ୱାଭାବିକ। ବୈଜ୍ଞାନିକମାନେ ଏବେ ଏହି ପ୍ରଶ୍ନର ଉତ୍ତର ଖୋଜି ବାହାର କରିଛନ୍ତି। ନିକଟରେ ହୋଇଥିବା ରିସର୍ଚ୍ଚ ମୁତାବକ ସାପମାନେ ଏକ ସ୍ୱତନ୍ତ୍ର ଟେକ୍ନିକ୍ ବ୍ୟବହାର କରି ଉଡ଼ିଥାନ୍ତି।
ଦକ୍ଷିଣ ଏସିଆର ଅଧିକ ବର୍ଷା ହେଉଥିବା ଜଙ୍ଗଲରେ ଏହି ସାପ ଅଧିକ ସଂଖ୍ୟାରେ ଦେଖାଯାଆନ୍ତି। ଏମାନେ ଖୁବ୍ ସୁନ୍ଦର ଭାବେ ଗୋଟିଏ ଗଛରୁ ଆଉ ଗୋଟିଏ ଗଛକୁ ଉଡ଼ିଥାଆନ୍ତି। ତେବେ ସାପମାନେ ଡେଣା ନଥିଲେ ମଧ୍ୟ କିଭଳି ଭାବେ ଆକାଶରେ ଉଡ଼ିପାରୁଛନ୍ତି ସେନେଇ ବୈଜ୍ଞାନିକମାନେ ଦୀର୍ଘ ବର୍ଷ ହେଲା ଗବେଷଣା କରିଆସୁଥିଲେ। ଏବେ ସେମାନଙ୍କୁ ସଫଳତା ମିଳିଛି।
ରିସର୍ଚ୍ଚରେ ଜଣାପଡ଼ିଛି ଯେ ସାପମାନେ ଉଡ଼ିବା ବେଳେ ଆବଶ୍ୟକତା ଅନୁସାରେ ନିଜ ଆକାରକୁ ବଡ଼ ସାନ କରିଥାନ୍ତି। ଫଳରେ ସହଜରେ ଉଡ଼ିପାରନ୍ତି। କ୍ରିସୋପୋଲିୟା ପରାଦିସି, ପାରାଡାଇଜ୍ ଟ୍ରି ସ୍ନେକ ଭଳି ସାପ ଉଡ଼ିବାରେ ପାରଙ୍ଗମ। ଦକ୍ଷିଣ ଏବଂ ଦକ୍ଷିଣ-ପୂର୍ବ ଏସିଆରେ ଏହି ପ୍ରଜାତିର ସାପ ଗୋଟିଏ ଗଛରୁ ଆଉ ଗୋଟିଏ ଗଛକୁ ସହଜରେ ଉଡ଼ିକି ଯିବା ଆସିବା କରିଥାନ୍ତି।
ସାପଙ୍କ ଶରୀରର ଗଠନ ଲମ୍ବା ଓ ପତଳା ହୋଇଥିବାରୁ ଏମାନେ ମାଟିରେ ଘୁଷୁଡ଼ି ଘୁଷୁଡ଼ି କିମ୍ବା ପାଣିରେ ପହଁରି ପହଁରି ଯାଇଥାନ୍ତି। କିନ୍ତୁ ଏହି ସାପର ଗଠନ ଶୈଳୀ ସମ୍ପୂର୍ଣ୍ଣ ଭିନ୍ନ। ଏହି ସାପମାନେ ଉଡ଼ିବା ପୂର୍ବରୁ ନିଜ ଶରୀରକୁ ଛୋଟ କରିଦିଅନ୍ତି ଓ ବଳ ସଞ୍ଚୟ କରନ୍ତି। ସେହି ଚାପରେ ସେମାନେ ଦୂରକୁ ଉଡ଼ିକି ଯାଆନ୍ତି।
ଏହି ଉଡ଼ନ୍ତା ସାପ ୫ଟି ପ୍ରଜାତିର ଦେଖାଯାଆନ୍ତି ଓ ସମସ୍ତେ କ୍ରିସୋପୋଲିୟା ଜାତିର। ସାପ ଉଡ଼ିବା ବେଳେ ନିଜ ଶରୀରକୁ ସମତଳ କରିଦେଇଥାଏ। କିନ୍ତୁ ଏହାର ଗଠନ ଶୈଳୀ ଯୋଗୁ ଏହା ପବନରେ ପହଁରିବା ଭଳି ଦେଖାଯାଏ ବୋଲି ରିସର୍ଚ୍ଚରୁ ଜଣାପଡ଼ିଛି।
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…
ରାଇରଙ୍ଗପୁର (କେନ୍ୟୁଜ୍) : ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଉପକାରାଗାର ର ବିଚାରାଧୀନ ମହିଳା କଏଦୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ। ମୃତ…