ବିକଳ୍ପ : ଏହି ଭଗବାନଙ୍କୁ ପୋଷ୍ଟକାର୍ଡରେ ଲେଖି ପଠାନ୍ତୁ ସମସ୍ଯା, ହୋଇଯିବ ସମାଧାନ

ହିନ୍ଦୁ ଧର୍ମରେ ମାନ୍ଯତା ରହିଛି କି ଶୁଭ କାମ କରିବା ପୂର୍ବରୁ ପ୍ରଥମେ ଗଣେଶ ଭଗବାନଙ୍କୁ ପୂଜା କରାଯାଇଥାଏ । ଯଦି ପୂଜା କରାଯାଇନଥାଏ, ତେବେ କାର୍ଯ୍ଯ ପୂରଣ ହୋଇନଥାଏ ବୋଲି ବିଶ୍ବାସ ରହିଛି । ଭାରତରେ ଏମିତି ଏକ ମନ୍ଦିର ଅଛି ଯେଉଁଠାରେ ପ୍ରତିଦିନ ହଜାର ହଜାର ଚିଠି ଗଣେଣ ପ୍ରଭୁଙ୍କ ପାଇଁ ଆସିଥାଏ । ରାଜସ୍ଥାନର ସବାଇମାଧୋପୁର ଠାରୁ ପ୍ରାୟ ୧୦ କିଲୋମିଟର ଦୂରରେ ଥିବା ରନ୍ଥବୋର ର କିଲ୍ଲେରେ ଅବସ୍ଥାପିତ ଏକ ଗଣେଶ ମନ୍ଦିର ଏଥିପାଇଁ ପ୍ରସିଦ୍ଧ । କାହିଁକି ନା ଏଠାରେ ଭକ୍ତମାନେ ମାଙ୍ଗଳିକ କାର୍ଯ୍ଯ ତଥା ନିଜର ସମସ୍ତ ଦୁଃଖ, ଦୁର୍ଦ୍ଦଶା ଲେଖିକି ଭଗବାନଙ୍କ ନିକଟକୁ ଚିଠି ପଠାଇଥାନ୍ତି । ଯଦି କାହା ଘରେ ବାହାଘର ହେଉଥାଏ, ତେବେ ପ୍ରଥମେ ଏହି ରନ୍ଥବୋର ଠାରେ ଥିବା ଗଣେଶଙ୍କୁ ନିମନ୍ତ୍ରଣ ଦେବାକୁ ଭୁଲିନଥାନ୍ତି ।

ଏହି କାରଣରୁ ହୋଇଥିଲା ମନ୍ଦିରର ପ୍ରତିଷ୍ଠା

ରାଜା ହମୀରଙ୍କ ଶାସନ କାଳରେ ମୋଗଲ ମାନେ ୧୦ ଶତାଦ୍ଦିରେ ରନ୍ଥବୋରର କିଲ୍ଲେ କୁ ଘେରାଉ କରି ରଖିଥିଲେ । କିଲ୍ଲେ କୁ ଚର୍ତୁପାର୍ଶ୍ବରେ ଘେରିକି ରଖିବା ପରେ ଯିବା ଆସିବାର ସମସ୍ତ ରାସ୍ତା ବନ୍ଦ କରିଦିଆଯବା ସହ ରାସନ ସାମଗ୍ରୀ ମଧ୍ଯ ବନ୍ଦ କରିଦିଆ ଯାଇଥିଲା । ଏହି ସମସ୍ଯା କାରଣରୁ ରାଜା ହମୀର ବହୁତ ଅସୁବିଧା ଭୋଗ କରିଥିଲେ । ସେତେବେଳେ ତାଙ୍କୁ ପ୍ରଭୁ ଗଣେଶ ସ୍ବପ୍ନରେ ଦର୍ଶନ ଦେଇଥିଲେ ଏବଂ ତାଙ୍କ ପୂଜା କରିବାକୁ  କହିଥିଲେ । ରାଜା ହମୀର ଗଣେଶ ମନ୍ଦିର କରିବା ସହ ସେଠାରେ ପୂଜାର୍ଚ୍ଚନା ଆରମ୍ଭ କରିଥିଲେ ଏବଂ ଯୁଦ୍ଧରେ ବିଜୟୀ ମଧ୍ଯ ହେଇଥିଲେ । ସେବେଠାରୁ ବିଶ୍ବାସ ରହିଛି, ଏହି ମନ୍ଦିର ଭାରତର ପ୍ରଥମ ଗଣେଶ ମନ୍ଦିର ଏବଂ ଏହି ଗଣେଶ ମୂର୍ତ୍ତୀ ଭାରତର ୪ଟି ସ୍ବୟଂଭୁ ମୂର୍ତ୍ତୀ ମାନଙ୍କ ମଧ୍ଯରେ ଗୋଟିଏ ।

ଏହି ଗଣେଶଙ୍କ ମୂର୍ତ୍ତୀ କେମିତି?

ଏହି ମନ୍ଦିରରେ ପ୍ରଭୁ ଗଣେଶ ନିଜ ପତ୍ନୀ ରିଧ୍ବୀ ସିଧ୍ବୀ ଏବଂ ପୁଅ ଶୁଭ ଲାଭଙ୍କ ସହିତ ମୂଷକଙ୍କ ଉପରେ ବିରାଜମାନ କରିଛନ୍ତି । ଗଣେଷ ପୂଜା ଦିନ ଏଠାରେ ବହୁତ ଭବ୍ଯ ଆୟୋଜନ କରାଯାଇଥାଏ । ବହୁ ଦୂରଦୂରାନ୍ତରୁ ଭକ୍ତମାନେ ଏହି ଅବସରରେ ଏଠାକୁ ଛୁଟିଆସିଥାନ୍ତି । ଗଣେଶ ଚତୁର୍ଥୀ ଦିନ ଏହି ମନ୍ଦିରେ ପ୍ରଭୁଙ୍କ ସ୍ବତନ୍ତ୍ର ପୂଜାର୍ଚ୍ଚନା କରାଯାଇଥାଏ ।

ଡାକ ଦ୍ବାରା ଏଠାକୁ ଭଗବାନଙ୍କ ପାଇଁ ଆସିଥାଏ ହଜାର ହଜାର ଚିଠି

ଏହି ଗଣେଶ ମନ୍ଦିରରେ ପ୍ରତିଦିନ ବହୁତ ଚିଠି ଡାକ ଦ୍ବାରା ଆସିଥାଏ । ଡାକବାଲା ଏଠାରେ ଆସୁଥିବା ସମସ୍ତ ଚିଠିକୁ ବହୁ ସମ୍ମାନ ସହକାରେ ଗଣେଶ ମନ୍ଦିରେ ପହଁଞ୍ଚାଇଥାନ୍ତି । ବିଶ୍ବାସ ରହିଛି ଗଣେଶଙ୍କ ପାଖରେ ଏଠାରେ ପ୍ରଥମେ ବାହାଘର ପାଇଁ ନିମନ୍ତ୍ରଣ ପତ୍ର ପଠାଇବା ପରେ ପ୍ରଭୁ ଗଣେଶ ସବୁ କିଛି ଶୁଭ କରିଥାନ୍ତି ।

କେବେ ଆସିବେ ଏଠାକୁ?

ଯଦି ଆପଣ ଏହି ମନ୍ଦିରକୁ ପ୍ରଭୁଙ୍କ ଦର୍ଶନ କରିବାକୁ ଯିବାକୁ ଚାହୁଁଛନ୍ତି, ତେବେ ଡିସେମ୍ବରରୁ ଏପ୍ରିଲ୍ ମାସ ମଧ୍ଯରେ ଯାଆନ୍ତୁ । ଏହି ସମୟ ଆପଣଙ୍କ ପାଇଁ ମନ୍ଦିରକୁ ଯିବାର ଠିକ୍ ସମୟ ଅଟେ ।

କେମିତି ପହଁଞ୍ଚିବେ?

ଯଦି ଆପଣ ଏହି ମନ୍ଦିର ପର୍ଯ୍ଯନ୍ତ ଯିବାକୁ ଚାହୁଁଛନ୍ତି ତେବେ ମନ୍ଦିର ଠାରୁ ଦେଢ ଶହ କିଲୋମିଟର ଦୂରରେ ଜୟପୁର ଏୟାରପୋର୍ଟ ଅବସ୍ଥିତ । ଦେଶର ସବୁ ସ୍ଥାନରୁ ଏଠାକୁ ଫ୍ଳାଇଟ୍ ଆସିଥାଏ । ଏଠାକୁ ଆସିବାପରେ ଆପଣ ଟ୍ରେନ୍ ଦ୍ବାରା ଏହି ମନ୍ଦିରରେ ପହଁଚି ପାରିବେ । ଯଦି ଟ୍ରେନ୍ ରେ ଆସିବାକୁ ଚାହୁଁଛନ୍ତି ତେବେ ଆପଣ ସବାଇମାଧୋପୁର ରେଳ ଷ୍ଟେସନ୍ ପର୍ଯ୍ଯନ୍ତ ଆସିପାରିବେ । ଯାହା ମନ୍ଦିର ଠାରୁ ମାତ୍ର ୧୦ କିଲୋମିଟର ଦୁରରେ ଅବସ୍ଥିତ ।