ଯଦି ଆପଣ ବାଇକ୍ କିମ୍ବା ସ୍କୁଟି ଚଲାଉଛନ୍ତି ତେବେ ଗାଡି ଷ୍ଟାର୍ଟ କରିବା ପୂର୍ବରୁ ଥରେ ଭଲ ଭାବେ ଚେକ୍ କରି ନିଅନ୍ତୁ । କାହିଁନା ଆପଣଙ୍କ ଗାଡି ଭିତରେ ଥାଇପାରେ ବିଷାକ୍ତ ସାପ । ଯାହା ଆପଣଙ୍କ ଜୀବନ ନେଇଯାଇପାରେ । ଠିକ୍ ଏମିତି ଏକ ଘଟଣା ଏବେ ସାମ୍ନାକୁ ଆସିଛି ।
ହଁ ଆଜ୍ଞା ବାଇକରୁ ବାହାରିଲା ସାପ । କଥାଟା ଶୁଣିଲା ବେଳକୁ ଛାତିରେ ଛନକା ପଶିଯାଉଛି ନା । ହେଲେ ଏମିତି ଏକ ଘଟଣା ଘଟିଛି ଉତ୍ତରପ୍ରଦେଶରେ । ଯାହା ଭିଡିଓ ଏବେ ଭାଇରାଲ୍ ହେବାରେ ଲାଗିଛି । ଯେତେବେଳେ ଜଣେ ଯୁବକ ତାଙ୍କ ବାଇକ୍ ଟିକୁ ପାର୍କିଂ କରି ରେଲୱେ କ୍ରସିଂ ପାଖରେ ଟ୍ରେନ୍ ଅତିକ୍ରମ କରୁଥିବାରୁ ଅପେକ୍ଷା କରିଥାନ୍ତି ଏବଂ ଟ୍ରେନ୍ ଟି ପାର୍ ହେବା ପରେ ସେ ଯେତେବେଳେ ନିଜ ବାଇକକୁ ଫେରି ଦେଖନ୍ତି ତ ବାଇକ ଉପରେ ଏକ ସାପ ଫଣା ଟେକି ବସିଛି । ଯାହାକୁ ଦେଖି ସେ ଆଶ୍ଚର୍ଯ୍ୟ ହୋଇଯାଇଥିଲେ। ବାଇକ୍ ର ତେଲ ଟାଙ୍କି ଉପରେ ସାପଟିକୁ ବସିଥିବାର ଦେଖି ଘଟଣାସ୍ଥଳରେ ଭିଡ ଜମିଥିଲା ।
ଦିନେଶ ତ୍ରିପାଠୀ ନାମକ ଜଣେ ବ୍ୟକ୍ତି X ରେ ଏହି ଘଟଣାର ଭିଡିଓ ସେୟାର କରିଛନ୍ତି। ୫୭ ସେକେଣ୍ଡର ଭିଡିଓରେ ସାପଟି ବସିଥିବାର ଦେଖିବାକୁ ମିଳୁଛି । ଫୋନର ଫ୍ଲାସ ଲାଇଟ୍ ମାଧ୍ୟମରେ ସାପଟି ଦୃଶ୍ୟମାନ ହେଉଥିଲା । ତେବେ ଏହି ଗଟଣାଟି ଗାନ୍ଧୀ ନଗରର ଛତୋ ରୋଡ୍ ରେ ଘଟିଥିବା କୁହାଯାଉଛି । ଅନ୍ଧାର ହୋଇଥିବାରୁ ସାପଟି କେଉଁ ପ୍ରଜାତିର ତାହା ଚିହ୍ନିବା କଷ୍ଟକର ହୋଇଥିଲା । ତେବେ ଏହି ଭିଡିଓରେ କେହି ଜଣେ ବାଡ଼ି ଆଣିବାକୁ କହୁଥିବା ଶୁଣିବାକୁ ମିଳିଥିଲା ।
ଉଲ୍ଲେଖଯୋଗ୍ୟ, ବନ୍ୟପ୍ରାଣୀ (ସୁରକ୍ଷା) ଅଧିନିୟମ, ୧୯୭୨ ଅନୁଯାୟୀ ଭାରତରେ ସାପ ମାରିବା ବେଆଇନ ଅଟେ । ସାପର ବିଷ କାଢିବା କିମ୍ବା ଚୋରା ଚାଲାଣ କରିବା ଉପରେ ବି ପ୍ରତିବନ୍ଧକ ଲାଗିଛି । ତେବେ ଦୁଇ ଚକିଆ ଯାନରେ ସାପ ଦେଖିବାକୁ ମିଳିବା ଏହା ପ୍ରଥମ ଘଟଣା ନୁହେଁ । ୨୦୨୧ ମସିହାରେ, IFS ଅଧିକାରୀ ସୁକାନ୍ତ ନନ୍ଦା ଏକ ଭିଡିଓ ସେୟାର କରିଥିଲେ ଯେଉଁଥିରେ ଏକ ସ୍କୁଟିର ହେଡଲାଇଟ୍ ପଛ ପରେ ଏକ ବଡ଼ ସାପ ଲୁଚିଥିବାର ଦେଖାଯାଇଥିଲା । ସାପ ଗାଡିର ହେଡଲାଇଟ୍ ଖୋଲିବା ପରେ ବାହାରି ଆସିଥିଲା । ଏହା ପରେ ଏକ ବଡ଼ ବାଡି ସାହାଯ୍ୟରେ ସାପକୁ ଧରିବାରେ ସକ୍ଷମ ହୋଇଥିଲେ ।
ଏହି କ୍ଲିପ୍ ସେୟାର୍ କରି IFS ଅଧିକାରୀ ସୁକାନ୍ତ ନନ୍ଦା ବର୍ଷା ଋତୁରେ ଲୋକମାନଙ୍କୁ ସେମାନଙ୍କ ଯାନବାହାନ ଗୁଡ଼ିକୁ ଭଲ ଭାବରେ ଯାଞ୍ଚ କରିବାକୁ ପରାମର୍ଶ ଦେଇଥିଲେ। ସେ ଲେଖିଥିଲେ, “ବର୍ଷା ସମୟରେ ଏପରି ଅତିଥିମାନେ ସାଧାରଣ… କିନ୍ତୁ ଏହାକୁ ଉଦ୍ଧାର କରିବା ପାଇଁ ବ୍ୟବହୃତ ପଦ୍ଧତି ଅସାଧାରଣ ଅଟେ । କିନ୍ତୁ ଏହାକୁ କେବେ ଚେଷ୍ଟା କର ନାହିଁ। ”ତେବେ ଘଟଣା କେବେ ଓ କେଉଁଠାରେ ଘଟିଥିଲା ତାହା ସ୍ପଷ୍ଟ ହୋଇନାହିଁ । ତେବେ ସ୍କୁଟିରେ ଥିବା ନମ୍ବର ପ୍ଲେଟ ସୂଚାଇ ଦେଇଥିଲା ଯେ ଭିଡିଓଟି ତେଲେଙ୍ଗାନାର ହୋଇପାରେ।
ଏୟାର ଇଣ୍ଡିଆର ଏକ ବିମାନରେ ପରସା ଯାଇଛି ଅଧାରନ୍ଧା ଖାଦ୍ୟ । ଏଭଳି ଅଭିଯୋଗ ଆଣିଛନ୍ତି ବିମାନରେ ଯାତ୍ରା କରୁଥିବା…
ଟି୨୦ ବିଶ୍ୱକପ ୨୦୨୪ରେ ସୁପର-୮ ଟିମ୍ ଘୋଷଣା ହୋଇସାରିଛି । ଭାରତ ବିପକ୍ଷରେ ସୁପର ୮ରେ ଅଷ୍ଟ୍ରେଲିଆ, ବାଂଲାଦେଶ ଏବଂ…
ଭୁବନେଶ୍ୱର : ଶ୍ରୀମନ୍ଦିର ଦର୍ଶନ ବ୍ୟବସ୍ଥାକୁ ଶୃଙ୍ଖଳିତ କରିବା ନେଇ ଆଜି ସମୀକ୍ଷା କରିବେ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ…
ପଶ୍ଚିମବଙ୍ଗ ଦାର୍ଜିଲିଂରେ ହୋଇଥିବା ଟ୍ରେନ ଦୁର୍ଘଟଣାରେ ଦୁଃଖ ପ୍ରକାଶ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି…
ଆମେରିକାରେ ଫାଦର୍ସ ଡେ ରେ ଆୟୋଜିତ ହେଇଥିବା କାର୍ଯ୍ୟକ୍ରମରେ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଏହି ଘଟଣାରେ ବିମାନରେ ଥିବା…
ପୋଲସରା(କେନ୍ୟୁଜ): ଅସହ୍ୟ ଗରମରେ ଭକ୍ତମାନେ ଛୁଟି ଆସିଛନ୍ତି ମନ୍ଦିର । ମା’ଙ୍କ ଅପୂର୍ବ ଆଳତି ଦର୍ଶନ କରିବାର ସୌଭାଗ୍ୟ ନେଇଛନ୍ତି…