ଅଜବ ଅନ୍ତେଷ୍ଟି, ଅନ୍ତିମ ସଂସ୍କାରର ଏଭଳି ଭିନ୍ନ ପରମ୍ପରା ଯାହା ଉଡାଇଦେବ ଆପଣଙ୍କ ହୋସ

ମଣିଷର ମୃତ୍ୟୁ ପରେ ତାର ଅନ୍ତିମ ସଂସ୍କାର କରାଯାଇଥାଏ । ହିନ୍ଦୁ ଧର୍ମରେ ଅନ୍ତିମ ସଂସ୍କାର ପାଇଁ ବ୍ୟକ୍ତିକୁ ଜଳାଇବାର ପରମ୍ପରା ଥିବାବେଳେ ଅନ୍ୟ ଧର୍ମରେ ସମାଧି ଦେବାର ପରମ୍ପରା ରହିଛି । କିନ୍ତୁ କଣ ଆପଣ ଜାଣିଛନ୍ତି କି ଏହା ବ୍ୟତୀତ ଅନ୍ୟ ପ୍ରକାରରେ ମଧ୍ୟ ଲୋକ ମାନଙ୍କର ଅନ୍ତିମ ସଂସ୍କାର କରାଯାଇଥାଏ ଯାହାକି ବହୁତ ଆଶ୍ଚର୍ଯ୍ୟକର ହୋଇଥାଏ । ଆଜି ଆମେ ଏପରି କିଛି ଅଦ୍ଭୁତ ଅନ୍ତିମସଂସ୍କାର ବିଷୟରେ କହିବାକୁ ଯାଉଛୁ ଯାହା ଶୁଣିଲା ମାତ୍ରେ ଆପଣଙ୍କ ଆଶ୍ଚର୍ଯ୍ୟର ସୀମା ରହିବ ନାହିଁ । ତାହେଲେ ଆସନ୍ତୁ ଜାଣିବା ସେହି ଅଦ୍ଭୁତ ଅନ୍ତିମ ସଂସ୍କାର ବିଷୟରେ ।

ଦକ୍ଷିଣ ମେକ୍ସିକୋର ମାୟନରେ ଅଧିକାଂଶ ମୃତବ୍ୟକ୍ତିଙ୍କ ନିଜ ଘରେ ହିଁ ସମାଧି ଦେବାର ପରମ୍ପରା ରହିଛି । କାରଣ ସେମାନଙ୍କର ଧାରଣା ଅନୁଯାୟୀ ଏପରି କରିବା ଦ୍ୱାରା ମୃତବ୍ୟକ୍ତି ନିଜର ପରିବାର ସହିତ ହିଁ ରହିଥାନ୍ତି । ଯଦିଓ ଏହାର ଅନ୍ୟ ଏକ କାରଣ ଗରିବୀ ବୋଲି ମଧ୍ୟ କୁହାଯାଇଥାଏ କାରଣ ସେମାନଙ୍କ ପାଖରେ ଏତେ ବି ସମ୍ବଳ ନଥାଏ ଯାହାଦ୍ୱାରା ସେମାନେ ମୃତ ବ୍ୟକ୍ତିର ଅନ୍ତିମ ସଂସ୍କାର କରିପାରିବେ । ସେଥିପାଇଁ ସେମାନେ ନିଜ ଘରେ ଗାତ ଖୋଳି ଶବକୁ ପୋତି ଦେଇଥାନ୍ତି ।

ଇଣ୍ଡୋନେସିଆର ବାଲିରେ ମୃତବ୍ୟକ୍ତିଙ୍କୁ ଜୀଵିତ ଲୋକ ଭଳି ଚର୍ଚ୍ଚା କରାଯାଇଥାଏ । କୁହାଯାଏ କି ସେ ବର୍ତ୍ତମାନ ଶୋଇଛନ୍ତି । ଏଠାରେ ମଣିଷର ମୃତ୍ୟୁ ପରେ ଲୁହ ଝରାଇବାକୁ ବାରଣ କରାଯାଇଥାଏ ।

ଭିଏତନାମାରେ ଅନେକ ସ୍ଥାନରେ ପରମ୍ପରା ରହିଛି ଯେ ମରିଗଲା ପରେ ବ୍ୟକ୍ତିର ବଡ଼ ପୁଅ କିମ୍ବା ଝିଅ ନିଜ ହାତରେ ସେମାନଙ୍କର ସମସ୍ତ ବସ୍ତ୍ର ଖୋଲିଦେଇଥାନ୍ତି ଏବଂ ତାଙ୍କୁ କିଛି ସମୟ ପାଇଁ ପବନରେ ଉଡାଇଥାନ୍ତି । ଏହାପରେ ମୃତକଙ୍କ ଆତ୍ମାକୁ ଡକାଯାଇଥାଏ ଯାହାଦ୍ୱାରା ସେ ପୁଣିଥରେ ମୃତକର ଶରୀରରେ ପ୍ରବେଶ କରିପାରିବେ ।

ଏହାସହ ପଢନ୍ତୁ ଜାଣନ୍ତୁ କାହିଁକି ଗୋପନୀୟ ରଖାଯାଇଥାଏ କୌଣସି କିନ୍ନରର ଅନ୍ତିମ ସଂସ୍କାର

ଚୀନ ଓ ଫିଲିପାଇନ୍ସର ଅନେକ ସ୍ଥାନରେ ମଣିଷର ମୃତ୍ୟୁପରେ ତାଙ୍କର ଶବକୁ କଫିନ ମଧ୍ୟରେ ରଖି ଉଚ୍ଚ ଚଟାଣ ଉପରେ ଲଟକାଇ ଦିଆଯାଇଥାଏ । ଏପରି କରିବା ପଛରେ କାରଣ ହେଉଛି ଏହାଦ୍ୱାରା ମୃତକର ଆତ୍ମା ସିଧାସଳଖ ସ୍ୱର୍ଗକୁ ଯାଇଥାଏ ।

ତିବ୍ବତର ବୋୖଦ୍ଧ ସମୁଦାୟରେ ପରମ୍ପରା ରହିଛି ଯେ ମଣିଷର ମୃତ୍ୟୁ ପରେ ତାର ଶବକୁ ଛୋଟ ଛୋଟ ଟୁକୁଡା କରି ଶାଗୁଣାକୁ ଖାଇବାକୁ ଦିଆଯାଇଥାଏ । ହଜାର ହଜାର ବର୍ଷ ଧରି ସେଠାରେ ଏମିତି ପରମ୍ପରା ରହିଆସିଛି କାରଣ ଏଠାକାର ଲୋକ ବିଶ୍ୱାସ କରିଥାନ୍ତି ଯେ ଶାଗୁଣା ମୃତ ବ୍ୟକ୍ତିକୁ ଖାଇବା ଦ୍ୱାରା ସେ ଉଡିବା ସହିତ ମୃତ ବ୍ୟକ୍ତିର ଆତ୍ମା ସ୍ୱର୍ଗରେ ପହଞ୍ଚି ଯାଇଥାଏ ।