ନକ୍ଷତ୍ର ବଦଳାଇଲେ ସୂର୍ଯ୍ୟ: ଏହି ରାଶିର ଲୋକଙ୍କର ବଦଳିଯିବ ଭାଗ୍ୟ, ହେବ ଟଙ୍କା ବର୍ଷା

ଜ୍ୟୋତିଷ ଶାସ୍ତ୍ର ଅନୁସାରେ, ଜୁନ୍‌ ୨୨ରେ ସୂର୍ଯ୍ୟ ନକ୍ଷତ୍ର ପରିବର୍ତ୍ତନ କରିଛନ୍ତି। ସୂର୍ଯ୍ୟ ଗୋଚର ଭଳି ସୂର୍ଯ୍ୟ ନକ୍ଷତ୍ର ପରିବର୍ତ୍ତନ ମଧ୍ୟ ମଣିଷ ଜୀବନକୁ ପ୍ରଭାବିତ କରିଥାଏ। ବର୍ତ୍ତମାନ ସୂର୍ଯ୍ୟ ଆର୍ଦ୍ରା ନକ୍ଷତ୍ରରେ ଅବସ୍ଥାନ କରିଛନ୍ତି। ସେ ଜୁଲାଇ ୬ ଯାଏଁ ଏହି ନକ୍ଷତ୍ରରେ ରହିବେ। ଏହି ସମୟରେ ସେ ୩ ରାଶିର ବ୍ୟକ୍ତିଙ୍କ ଉପରେ ଅଧିକ କୃପା କରିବେ। ଏହା ପୂର୍ବରୁ ଜୁନ୍‌ ୧୫ରେ ସୂର୍ଯ୍ୟ ରାଶି ଗୋଚର କରିଥିଲେ। ସୂର୍ଯ୍ୟ ମିଥୁନ ରାଶିରେ ଗୋଚର କରିଥିଲେ।

ସୂର୍ଯ୍ୟଙ୍କ ନକ୍ଷତ୍ର ପରିବର୍ତ୍ତନ ଯୋଗୁ ବଦଳିବ ଏମାନଙ୍କ ଭାଗ୍ୟ:

ମାନ୍ୟତା ରହିଛି ଯେ ସୂର୍ଯ୍ୟ ଯେତେବେଳେ ଆର୍ଦ୍ରା ନକ୍ଷତ୍ରରେ ରହିଥାନ୍ତି, ସେତେବେଳେ ସେ ଅନେକ ଶୁଭ ଫଳ ଦେଇଥାନ୍ତି। ଏହି ସମୟରେ ଭଗବାନ ଶିବ ଓ ବିଷ୍ଣୁଙ୍କୁ ପୂଜା କରିବା ଉଚିତ୍‌। ଭଗବାନଙ୍କୁ ଖିରି-ପୁରୀ ଭୋଗ ଲଗାଇବା ଶୁଭ ହୋଇଥାଏ। ଏମିତି କରିବା ଦ୍ୱାରା ଶୁଭ ଫଳ ମିଳିବା ସହ ସମସ୍ତ ମନୋକାମନା ପୂରଣ ହୁଏ।

ମିଥୁନ:

ସୂର୍ଯ୍ୟଙ୍କ ନକ୍ଷତ୍ର ପରିବର୍ତ୍ତନ ମିଥୁନ ରାଶିର ବ୍ୟକ୍ତି ବିଶେଷଙ୍କ ପାଇଁ ଖୁବ୍‌ ଭଲ ଫଳ ଦେବ। ଏମାନଙ୍କର ଧନଲାଭ ହେବା ସହ ଆର୍ଥିକ ସ୍ଥିତି ମଜଭୁତ ହେବ। ପ୍ରମୋସନ୍‌-ଇନ୍‌କ୍ରିମେଣ୍ଟ ମିଳିବା ଯୋଗ ରହିଛି। କାର୍ଯ୍ୟସ୍ଥଳୀରେ ମାନ-ସମ୍ମାନ ବଢ଼ିବ। ଭାଗ୍ୟ ଯୋଗୁ ସବୁ କାମ ହେବ। ନୂଆ କାମ ଆରମ୍ଭ କରିବା ପାଇଁ ଏହା ଭଲ ସମୟ।

horoscope-20

ସିଂହ:

ସିଂହ ରାଶିର ବ୍ୟକ୍ତି ବିଶେଷଙ୍କ ପାଇଁ ସୂର୍ଯ୍ୟଙ୍କ ନକ୍ଷତ୍ର ପରିବର୍ତ୍ତନ ବେଶ୍‌ ଶୁଭ ସାବ୍ୟସ୍ତ ହେବ। ଅଟକିଥିବା କାମ ହୋଇଯିବ।ପଦୋନ୍ନତି, ଟଙ୍କା ଓ ପ୍ରତିଷ୍ଠା ମିଳିବ। ଶତ୍ରୁ ପରାଜିତ ହେବେ। ଯେଉଁମାନେ ନୂଆ ଗାଡ଼ି କିମ୍ବା ଘର କିଣିବାକୁ ଚାହୁଁଛନ୍ତି, ସେମାନେ ଏବେ କିଣିପାରିବେ।

କନ୍ୟା:

ସୂର୍ଯ୍ୟଙ୍କ ନକ୍ଷତ୍ର ପରିବର୍ତ୍ତନ କନ୍ୟା ରାଶିର ଲୋକଙ୍କ ପାଇଁ ଲାଭଦାୟକ ସାବ୍ୟସ୍ତ ହେବ। ଜୁଲାଇ ୬ ପୂର୍ବରୁ କୌଣସି ଖୁସି ଖବର ମିଳିପାରେ। ଚାକିରି ଓ ବେପାରରେ ସଫଳତା ମିଳିବ। ଲାଭ ବଢ଼ିବ। ସରକାରୀ ଚାକିରି ପାଇବାକୁ ସ୍ୱପ୍ନ ଦେଖୁଥିବା ଲୋକଙ୍କୁ ଏବେ ସଫଳତା ମିଳିବ।

Also Read: ପୁଣିଥରେ ଶାହାରୁଖଙ୍କ ହିରୋଇନ୍‌ ହେବେ ଦୀପିକା ପାଦୁକୋନ୍‌, ପଠାନ୍‌ ପରେ ଏବେ ଏହି ଫିଲ୍ମରେ ଏକାଠି ଆସିବେ ନଜର

Leave A Reply

Your email address will not be published.