ବିବାହରେ ହଠାତ୍‌ ଲଣ୍ଡା ହେବାକୁ ଲାଗିଲେ ବରକନ୍ୟା, କାରଣ ଜାଣିଲେ ଆପଣ ବି କରିବେ ପ୍ରଶଂସା, ଦେଖନ୍ତୁ ଭିଡିଓ

ସୋସିଆଲ ମିଡିଆରେ ବିବାହ ଭିଡିଓଗୁଡ଼ିକୁ ଖୁବ୍‌ ପସନ୍ଦ କରାଯାଇଥାଏ। ଦେଶ ଦୁନିଆର ପ୍ରତ୍ୟେକ ଜାଗାରେ ବିବାହର ଅଲଗା ଅଲଗା ବିଧି ଓ ପରମ୍ପରା ରହିଛି, ଯାହାକୁ ଦେଖିଲେ ମନ ଖୁସି ହୋଇଯାଏ। ଏଥିରୁ ଆମେ କିଛି ନୂଆ ଜିନିଷ ମଧ୍ୟ ଶିଖିବାକୁ ପାଇଥାଉ। ନିକଟରେ ୟୁଟ୍ୟୁବରେ ଏକ ବିବାହର ଭିଡିଓ ଖୁବ୍‌ ଭାଇରାଲ ହେଉଛି, ଯାହାକୁ ଦେଖିଲେ ଆପଣ ନିଶ୍ଚୟ ପ୍ରଶଂସା କରିବେ।

ଏହି ଭାଇରାଲ ଭିଡିଓ କନ୍ୟାର ସ୍ପୀଚ୍‌ ସହିତ ଆରମ୍ଭ ହେଉଛି ଏବଂ ବର ଏକ ଚେୟାରରେ ବସିଛି। ସେତେବେଳେ ସେଠାରେ ଉପସ୍ଥିତ ଜଣେ ବାରିକ ବରର କେଶ କାଟି ତାକୁ ଲଣ୍ଡା କରିବାକୁ ଲାଗୁଛି। କନ୍ୟା ମଧ୍ୟ ଏଥିରେ ସମ୍ପୂର୍ଣ୍ଣ ସାହାଯ୍ୟ କରୁଛି। ପରେ ବର ମଧ୍ୟ ନିଜ କନ୍ୟାର ମୁଣ୍ଡ ଲଣ୍ଡା କରେଇବାରେ ସାହାଯ୍ୟ କରୁଛି।
ବିବାହର ଏହି ଭିଡିଓ ବହୁତ ବଢ଼ିଆ ରହିଛି। ବିବାହକୁ ଆସିଥିବା ଅତିଥିମାନେ ଯେତେବେଳେ ଭାବୁଛନ୍ତି କି, ବରକନ୍ୟା ନିଜର ପାରମ୍ପରିକ ଡ୍ୟାନ୍ସ କରିବାକୁ ଯାଉଛନ୍ତି, ସେତେବେଳେ ଲଣ୍ଡା ହେବାର ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଉଛନ୍ତି।

ପ୍ରକୃତରେ, କନ୍ୟା ଜାନୀଙ୍କ ମାଆ ଜଣେ କ୍ୟାନ୍ସର ପୀଡ଼ିତା। ତାଙ୍କୁ ସାଥ୍‌ ଦେବା ପାଇଁ ବରକନ୍ୟା ଏମିତି କରୁଥିଲେ। କେବଳ ଏତିକି ନୁହେଁ, ସେମାନେ ବିବାହକୁ ଆସିଥିବା ଅତିଥିମାନଙ୍କୁ ମଧ୍ୟ କ୍ୟାନ୍ସର ଟ୍ରିଟ୍‌ମେଣ୍ଟ ପାଇଁ ଦାନ ଦେବାକୁ ନିବେଦନ କରିଥିଲେ। ବରକନ୍ୟା ଲଣ୍ଡା ହେବା ପରେ ଜାନୀଙ୍କ ମା’ଙ୍କ ସହିତ ଡ୍ୟାନ୍ସ କରିଥିଲେ। ସେମାନଙ୍କର ଏହି କାମ ଅତିଥିମାନଙ୍କୁ ବହୁତ ପସନ୍ଦ ଆସିଥିଲା। ସମସ୍ତେ ଦୁହିଁଙ୍କର ବେଶ୍‌ ପ୍ରଶଂସା କରିଥିଲେ।

video courtesy: T i k T o k /YouTube