ବିଶ୍ୱର ସମସ୍ତ ସ୍ଥାନରେ ଲୋକଙ୍କ ଦରମା ଭିନ୍ନ ଭିନ୍ନ ହୋଇଥାଏ, ତେବେ ଅନେକ ଦେଶରେ ଛୋଟ କାମ ପାଇଁ ମଧ୍ୟ ଭଲ ଦରମା ମିଳିଥାଏ । ସମଗ୍ର ବିଶ୍ୱରେ ବିଭିନ୍ନ ଚାକିରିରେ ବିଭିନ୍ନ ଦରମା ଉପଲବ୍ଧ ହୋଇଥାଏ । ଅନେକ ଦେଶରେ ଲୋକମାନେ ସେମାନଙ୍କର ଦରମାକୁ ନେଇ ଖୁସି ନୁହଁନ୍ତି, ଯେତେବେଳେ କି ଅନେକ ଦେଶରେ ଲୋକମାନେ ଛୋଟ ଚାକିରିରେ ମଧ୍ୟ ଭଲ ରୋଜଗାର କରନ୍ତି ।
ଏଭଳି ପରିସ୍ଥିତିରେ, ଆଜି ଆମେ ଦୁନିଆର ସେହି ଟପ୍ ଦେଶଗୁଡ଼ିକ ବିଷୟରେ ଜାଣିବା ଯେଉଁଠାରେ ଲୋକମାନେ ସର୍ବାଧିକ ବେତନ ପାଆନ୍ତି । ଏହି ତାଲିକାରେ ଭାରତର ସ୍ଥାନ କ’ଣ? ୱାର୍ଲ୍ଡ ଅଫ୍ ଷ୍ଟାଟିଷ୍ଟିକ୍ସ ରିପୋର୍ଟ ଅନୁଯାୟୀ ୟୁରୋପର ଖେଳ ପଡିଆ କୁହାଯାଉଥିବା ସ୍ୱିଜରଲ୍ୟାଣ୍ଡ ସର୍ବାଧିକ ମାସିକ ହାରାହାରି ବେତନ କ୍ଷେତ୍ରରେ ପ୍ରଥମ ସ୍ଥାନରେ ରହିଛି ।
ଏହି ଦେଶରେ ଲୋକଙ୍କ ହାରାହାରି ମାସିକ ଦରମା ଅତି କମରେ ୬ ହଜାର ୨୯୮ ଡଲାର ଅର୍ଥାତ୍ ୫ ଲକ୍ଷ ୨୧ ହଜାର ୮୯୪ ଟଙ୍କା । ଏହା ପରେ, ଏହି ତାଲିକାରେ ଲକ୍ସେମବର୍ଗର ନାମ ଦ୍ୱିତୀୟ ସ୍ଥାନରେ ଅଛି । ଏହି ଦେଶରେ ଲୋକଙ୍କ ହାରାହାରି ମାସିକ ଦରମା ହେଉଛି ୫ ହଜାର ୧୨୨ ଡଲାର ।
ଏସୀୟ ଦେଶ ସିଙ୍ଗାପୁରର ନାମ ତୃତୀୟ ସ୍ଥାନରେ ରହିଛି । ଯେଉଁଠାରେ ଲୋକଙ୍କ ହାରାହାରି ମାସିକ ଦରମା ୪ ହଜାର ୯୯୦ ଡଲାର ଅଟେ । ୱାର୍ଲ୍ଡ ଅଫ୍ ଷ୍ଟାଟିଷ୍ଟିକ୍ସ ରିପୋର୍ଟ ଅନୁଯାୟୀ ଏହି ତାଲିକାରେ ଭାରତ ୬୪ ତମ ସ୍ଥାନରେ ରହିଛି । କୁହାଯାଇଛି ଯେ ଆମ ଦେଶରେ ଲୋକଙ୍କ ହାରାହାରି ମାସିକ ଦରମା ୪୯ ହଜାର ୨୨୭ ଟଙ୍କା ।