ମହାଶିବରାତ୍ରୀରେ ଏହି ୫ ରାଶିଙ୍କର ଚମକିବ ଭାଗ୍ୟ; ରହିବ ଭଗବାନ ଶିବଙ୍କ ବିଶେଷ କୃପା
ଚଳିତ ବର୍ଷ ମହାଶିବରାତ୍ରୀ ମାର୍ଚ୍ଚ ୧ରେ ପଡ଼ୁଛି। ଏହି ଦିନ ଗ୍ରହମାନଙ୍କର ବିଶେଷ ସଂଯୋଗ ରହୁଛି। ଜ୍ୟୋତିଷ ଶାସ୍ତ୍ର ମୁତାବକ, ମକର ରାଶିର ଦ୍ୱାଦଶ ଘରେ ପଞ୍ଚଗ୍ରହୀ ଯୋଗ ସୃଷ୍ଟି ହେବ। ଏହି ଦିନ ମକର ରାଶିରେ ମଙ୍ଗଳ ଏବଂ ଶନି ସହିତ ଶୁକ୍ର, ବୁଧ ଏବଂ ଚନ୍ଦ୍ର ମଧ୍ୟ ରହିବେ। ଏଥି ସହିତ ସୂର୍ଯ୍ୟ ଏବଂ ଗୁରୁର ମଧ୍ୟ ସଂଯୋଗ ରହିବ। ସେହିପରି ବୃଷ ରାଶିର ଚତୁର୍ଥ ଘରେ ରାହୁ ରହିବେ, ଯେତେବେଳେ କି, ବିଛା ରାଶିର ଦଶମ ଘରେ କେତୁ ରହିବେ, ଯେଉଁ କାରଣରୁ ମହାଶିବରାତ୍ରୀ ଦିନ ୫ଟି ରାଶିର ବ୍ୟକ୍ତିମାନେ ଅତ୍ୟନ୍ତ ଭାଗ୍ୟଶାଳୀ ହେବେ। ଏହି ରାଶିଗୁଡ଼ିକ ଉପରେ ଭଗବାନ ଶିବଙ୍କର ବିଶେଷ କୃପା ରହିବ। ଆସନ୍ତୁ ଜାଣିବା, କେଉଁ କେଉଁ ରାଶି ଭଗବାନ ଶିବଙ୍କ ଆଶୀର୍ବାଦ ପାଇବେ।
ମେଷ: ମେଷ ରାଶିର ଲୋକଙ୍କ ପାଇଁ ମହାଶିବରାତ୍ରୀ ବହୁତ ଶୁଭ ହେବାକୁ ଯାଉଛି। ଏହି ଦିନ ମେଷ ରାଶିର ଲୋକମାନଙ୍କୁ ଭଗବାନ ଶିବଙ୍କର ବିଶେଷ ଆଶୀର୍ବାଦ ପ୍ରାପ୍ତ ହେବ। ଏଥି ସହିତ ମନୋକାମନା ପୂରଣ ହେବାର ଯୋଗ ଗଠନ ହେବ।
ବୃଷ: ବୃଷ ରାଶିର ଲୋକମାନଙ୍କୁ ଏହି ଦିନ ପୁତ୍ର ପ୍ରାପ୍ତ ହୋଇପାରେ। ଏଥି ସହିତ ମହାଶିବରାତ୍ରୀ ଦିନ ବିଶେଷ ଲାଭ ମଧ୍ୟ ମିଳିପାରେ। ଏହି ଦିନ ଶିବଲିଙ୍ଗ ଉପରେ ଶମି ପତ୍ର ଏବଂ ଘିଅ ଅର୍ପଣ କରିବା ଦ୍ୱାରା ମନସ୍କାମନା ପୂରଣ ହେବ।
ମିଥୁନ: ମହାଶିବରାତ୍ରୀ ଦିନ ମିଥୁନ ରାଶିର ଲୋକମାନଙ୍କୁ କୌଣସି ଶୁଭ ଖବର ମିଳିପାରେ। ଏଥି ସହିତ ଏହି ଦିନ ଭୋଳାନାଥଙ୍କର ବିଶେଷ ଆଶୀର୍ବାଦ ମିଳିବ। ଦାମ୍ପତ୍ୟ ଜୀବନରେ ସୁଖ ଆସିବ।
ସିଂହ: ମହାଶିବରାତ୍ରୀ ଦିନ ସିଂହ ରାଶିର ଲୋକମାନେ ମଧ୍ୟ ବିଶେଷ ଲାଭ ପାଇ ପାରିବେ। ଏହି ଦିନ ଗାଈ କ୍ଷୀରରେ ଘିଅ ଏବଂ ଚିନି ମିଶାଇ ଚଢ଼ାଇବା ଦ୍ୱାରା ମନବାଞ୍ଛା ପୂରଣ ହେବ। ଏଥି ସହିତ ସମସ୍ତ ପ୍ରକାରର କଷ୍ଟ ମଧ୍ୟ ଦୂର ହେବ।
କର୍କଟ: କର୍କଟ ରାଶିର ଲୋକମାନେ ଭଗବାନ ଶିବଙ୍କ ଆଶୀର୍ବାଦ ପାଇବେ। ଏହି ଦିନ ଭଗବାନ ଶିବଙ୍କର ରୁଦ୍ରାଭିଷେକ କରିବା ଦ୍ୱାରା ଜୀବନର ସମସ୍ତ ସମସ୍ୟା ଦୂର ହୋଇଯିବ। ଭଗବାନ ଶିବଙ୍କ କୃପାରୁ କଷ୍ଟରୁ ମଧ୍ୟ ମୁକ୍ତି ମିଳିବ।
