୨୩ ଡିସେମ୍ବରରେ ୭ଟା ୨ରେ ହେବ ସୂର୍ଯ୍ୟୋଦୟ, ରାତି ହେବ ସବୁଠାରୁ ଲମ୍ବା; ଏହା ପରଠୁ ଆରମ୍ଭ ହୋଇଯିବ ଦିନ ବଢ଼ିବା ପ୍ରକ୍ରିୟା
୨୩ ଡିସେମ୍ବରର ରାତି ହେବ ସବୁଠାରୁ ଲମ୍ବା ଏବଂ ଦିନ ହେବ ସବୁଠାରୁ ଛୋଟ। ଆଉ ଏହା ପରଠାରୁ ଦିନର ଲମ୍ବ ବଢ଼ିବା ପ୍ରକ୍ରିୟା ଆରମ୍ଭ ହୋଇଯିବ, ଯାହାକି ଜୁନ୍ ୨୧ ପର୍ଯ୍ୟନ୍ତ ଚାଲିବ। ଜ୍ୟୋତିଷାଚାର୍ଯ୍ୟ ସୁନୀଲ ଚୋପ୍ରାଙ୍କଠାରୁ ମିଳିଥିବା ସୂଚନା ମୁତାବକ, ୨୩ ଡିସେମ୍ବରରେ ସକାଳ ୭ଟା ୨ ମିନିଟ୍ରେ ହେବ ସୂର୍ଯ୍ୟୋଦୟ ଏବଂ ୫ଟା ୩୧ ମିନିଟ୍ରେ ହେବ ସୂର୍ଯ୍ୟାସ୍ତ।
ଏହି ଦିନ ସୂର୍ଯ୍ୟ ପୃଥିବୀଠାରୁ ବହୁତ ଦୂରରେ ରହିବ, ଯେଉଁ କାରଣରୁ ଦିନ ଜଲ୍ଦି ପଳେଇବ ଏବଂ ରାତି ଜଲ୍ଦି ଆସିଯିବ। ହେଲେ ୨୩ ଡିସେମ୍ବର ଠାରୁ ଦିନର ଅବଧି ବଢ଼ିବା ଆରମ୍ଭ ହୋଇଯିବ। ୨୩ ଡିସେମ୍ବରରେ ଦିନ ୧୦ ଘଣ୍ଟା ୨୯ ମିନିଟ୍ ପର୍ଯ୍ୟନ୍ତ ରହିବ, ଯେତେବେଳେ କି, ରାତି ୧୩ ଘଣ୍ଟା ୨୯ ମିନିଟ୍ ପର୍ଯ୍ୟନ୍ତ ରହିବ। ଦକ୍ଷିଣ ଗୋଲାର୍ଦ୍ଧରେ ଦିନର ଅବଧି ଅଧିକ ହୋଇଥାଏ ଏବଂ ଉତ୍ତର ଗୋଲାର୍ଦ୍ଧରେ ଦିନର ଅବଧି ଛୋଟ ହୋଇଥାଏ। କିନ୍ତୁ ୨୩ ଡିସେମ୍ବର ପରଠାରୁ ଉତ୍ତର ଗୋଲାର୍ଦ୍ଧରେ ଦିନର ଅବଧି ବଢ଼ିବା ଆରମ୍ଭ ହୋଇଯିବ। ଏହି ସମୟରେ ଉତ୍ତର ଧ୍ରୁବରେ ରାତି ହୋଇଥାଏ।
ସୋଲଷ୍ଟିସ ଏକ ଜ୍ୟୋତିର୍ବିଜ୍ଞାନ ସମ୍ବନ୍ଧୀୟ ଘଟଣା
ଏହା ଏକ ଜ୍ୟୋତିର୍ବିଜ୍ଞାନ ସମ୍ବନ୍ଧୀୟ ଘଟଣା, ଯାହାକି ଗ୍ରୀଷ୍ମ ସମୟରେ ଥରେ ଏବଂ ଶୀତଦିନେ ଥରେ ହୋଇଥାଏ। ପ୍ରତିବର୍ଷ ଯେତେବେଳେ ସୂର୍ଯ୍ୟଙ୍କୁ ଉତ୍ତର କିମ୍ବା ଦକ୍ଷିଣ ଧ୍ରୁବରୁ ଦେଖା ଯାଇଥାଏ, ତ ତାହା ବର୍ଷର ସବୁଠାରୁ ବଡ଼ ଦିନ ଜୁନ୍ ୨୧ ହିଁ ହୋଇଥାଏ। ସୂର୍ଯ୍ୟଙ୍କ କିରଣ ଏହି ଦିନ ଅଧିକ ସମୟ ପର୍ଯ୍ୟନ୍ତ ରହିଥାଏ ଏବଂ ୨୩ ଡିସେମ୍ବର ବର୍ଷର ସବୁଠାରୁ ଛୋଟ ଦିନ ହୋଇଥାଏ। କାରଣ, ସୂର୍ଯ୍ୟଙ୍କ କିରଣ ଏହି ଦିନ ପୃଥିବୀ ପୃଷ୍ଠରେ କମ୍ ସମୟ ପାଇଁ ହିଁ ରହିଥାଏ। ବର୍ଷର ଏହା ସେହିଦିନ ହୋଇଥାଏ, ଯେବେ ଦିନ ଏବଂ ରାତିର ଲମ୍ବରେ ସବୁଠାରୁ ଅଧିକ ଅନ୍ତର ରହିଥାଏ। ଏହା ପ୍ରତିବର୍ଷ ଘଟୁଥିବା ଏକ ଜ୍ୟୋତିର୍ବିଜ୍ଞାନ ସମ୍ବନ୍ଧୀୟ ଘଟଣା। ଜ୍ୟୋତିର୍ବିଜ୍ଞାନୀମାନଙ୍କ ପାଇଁ ଏହା ଅତ୍ୟନ୍ତ ଖାସ୍ ଦିନ ହୋଇଥାଏ।
