ମିସୌରୀର ଏକ ଚିଡିଆଖାନାରେ ବଲ ପାଇଥାନ ଏକାଧିକ ଅଣ୍ଡା ଦେଇଛି, ଯାହାକୁ ଦେଖି ଜୁ କିପର୍ସ ଆଶ୍ଚର୍ଯ୍ୟ ହୋଇଯାଇଛନ୍ତି। ଖବର ମୁତାବକ, ସେଣ୍ଟ ଲୁଇସ ଚିଡିଆଖାନାରେ ୬୨ ବର୍ଷର ଏକ ମାଈ ଅଜଗର ଦୀର୍ଘ ୧୫ ବର୍ଷ ହେବ କୌଣସି ଅଣ୍ଡିରା ଅଜଗର ସଂସ୍ପର୍ଶରେ ଆସିନାହିଁ ଏହାସତ୍ତ୍ୱେ ମାଈ ଅଜଗରଟି ଅଣ୍ଡା ଦେଇଛି।
ତେବେ ଆଶ୍ଚର୍ଯ୍ୟର କଥା ହେଉଛି, ବଲ ପାଇଥାନ ୬ ବର୍ଷ ବୟସରେ ହିଁ ଅଣ୍ଡା ଦେବା ଆରମ୍ଭ କରିଥାଏ ଏବଂ ୬୦ ବର୍ଷ ବୟସରେ ଅଣ୍ଡା ଦେବା ବନ୍ଦ କରିଦେଇଥାଏ। ଚିଡିଆଖାନା ଜନ୍ତୁ ବିଜ୍ଞାନର ଜୁଲୋଜିକାଲ ମ୍ୟାନେଜର ମାର୍କ ୱାନନେର କହିଛନ୍ତି, ଏହା ହେଉଛି ଦୁନିଆର ସବୁଠାରୁ ବୟସ୍କ ଅଜଗର, ଯିଏ ଏହି ବୟସରେ ଅଣ୍ଡା ଦେଇଛି।
ଚଳିତ ସପ୍ତାହରେ ଚିଡିଆଖାନା ପକ୍ଷରୁ ଫେସବୁକରେ ସେୟାର କରାଯାଇଥିବା ଏକ ପୋଷ୍ଟରେ କୁହାଯାଇଛି, ‘ବଲ ପାଇଥନ ମଧ୍ୟ ଏବଂ ପଶ୍ଚିମ ଆଫ୍ରିକାରେ ଦେଖାଯାନ୍ତି। ଏମାନେ ଯୌନ ଏବଂ ଅଲିଙ୍ଗିକ ରୂପରେ ପ୍ରଜନନ କରିଥାଆନ୍ତି, ଯାହାକୁ Faxative Parthenogenesis କୁହାଯାଇଥାଏ’।
ପୋଷ୍ଟରେ ଆହୁରି ଲେଖାଯାଇଥିଲା କି, ‘ସାପ ମଧ୍ୟ ସ୍ପର୍ମକୁ ଷ୍ଟୋର କରି ରଖିଥାଏ। ଏବେ ପ୍ରଶ୍ନ ଉଠୁଛି, ଏହି ଦୁଇଟି କଥା ମଧ୍ୟରୁ କେଉଁ ସ୍ପଷ୍ଟିକରଣ ଅଣ୍ଡାର କାରଣ? ଜେନେଟିକ ଟେଷ୍ଟିଙ୍ଗ ବିନା ଚିଡିଆଖାନା କର୍ମଚାରୀ ଏହାର ପତ୍ତା ଲଗେଇ ପାରିବେନି କି, ବଲ ପାଇଥନ ଯୋୖନ କି ଅଲିଙ୍ଗିକ ରୂପରେ ପ୍ରଜନନ କରିଛି’।
୮ ସେପ୍ଟେମ୍ବରରେ ଏହି ପୋଷ୍ଟ କରାଯାଇଥିଲା। ଏ ପର୍ଯ୍ୟନ୍ତ ଏହାକୁ ୩ ଲକ୍ଷରୁ ଅଧିକ ଭିୟୁଜ ମିଳିସାରିଲାଣି। ଏହାସହିତ ୪ ହଜାରରୁ ଅଧିକ ସେୟାର ଏବଂ ୭ ହଜାରରୁ ଅଧିକ ରିଆକ୍ସନ ଆସିସାରିଛି।
ସୂଚନା ମୁତାବକ, ଏହି ଅଜଗରର ଚିଡିଆଖାନାରେ କୌଣସି ଅଫିସିଆଲ ନାଁ ନାହିଁ। ଅଜଗରଟି ୧୯୬୧ରେ ଚିଡିଆଖାନାରେ ରହିବା ପାଇଁ ଆସିଥିଲା। ଗତ ୨୩ ଜୁଲାଇରେ ଏହା ୭ଟି ଅଣ୍ଡା ଦେଇଥିଲା। ସେଥିରୁ ୩ଟି ଇନକ୍ୟୁବେଟରରେ ରହିଛି। ଅନ୍ୟ ଦୁଇଟି ନଷ୍ଟ ହୋଇଯାଇଥିବା ବେଳେ ଶେଷ ଦୁଇଟି ଅଣ୍ଡା ପରୀକ୍ଷଣରେ ଆନୁବଂଶିକ ବୋଲି ପ୍ରମାଣ ମିଳିଛି।
video courtesy: facebook