ଏବେ କରୋନାରେ ମୃତ୍ୟୁବରଣ କରିଥିବା ବ୍ୟକ୍ତିଙ୍କ ଶବକୁ ଛୁଇଁ ପାରିବେନି ପରିବାର । ଏଭଳି ଏକ ନିଷ୍ପତ୍ତି ନେଇଛନ୍ତି ପଶ୍ଚିମବଙ୍ଗର ସରକାର । ଏବେ ରାଜ୍ୟରେ କରୋନାରେ ଶିକାର ହୋଇ ମୃତ୍ୟୁବରଣ କରିଥିବା ବ୍ୟକ୍ତିଙ୍କ ଶବକୁ ଆଉ ତାଙ୍କ ପରିବାରକୁ ହସ୍ତାନ୍ତର କରାଯିବ ନାହିଁ । ତେବେ କରୋନାରେ ମୃତ୍ୟୁବରଣ କରିଥିବା ବ୍ୟକ୍ତିଙ୍କ ଶବକୁ କିପରି ସତର୍କତାର ସହ ଦାହ କରାଯିବ ସେଥିପାଇଁ ଭାରତ ସରକାର ମଧ୍ୟ ଅନେକ ନିର୍ଦ୍ଦେଶାବଳୀ ଜାରି କରିଥିଲେ ।
ବିଶେଷଜ୍ଞଙ୍କ କହିବା ଅନୁଯାୟୀ ଅନେକ ସତର୍କତା ଅବଲମ୍ବନ କରିବା ଦ୍ୱାରା ସ୍ୱାସ୍ଥ୍ୟକର୍ମୀ ଓ ପରିବାର ସଦସ୍ୟଙ୍କୁ ସଂକ୍ରମିତ ହେବାର ବହୁତ କମ ସମ୍ଭାବନା ରହିଥାଏ । କାରଣ କରୋନା ଭାଇରସ ରୋଗୀର ଫୁସଫୁସକୁ ଅଧିକାଂଶରେ ପ୍ରଭାବିତ କରିଥାଏ ଏବଂ ଏହି ଭାଇରସ ଅତି ସହଜରେ ଜଣଙ୍କ ଶରୀରରୁ ଅନ୍ୟ ଜଣକ ଶରୀରକୁ ବ୍ୟାପି ଯାଇଥାଏ । ଯେଉଁ କାରଣରୁ ପଶ୍ଚିମବଙ୍ଗର ସରକାର ନିକଟରେ ଏଭଳି ଏକ ନିଷ୍ପତ୍ତି ନେଇଛନ୍ତି ।
ସ୍ୱାସ୍ଥ୍ୟ ବିଭାଗର କହିବା ଅନୁଯାୟୀ ଶବକୁ ସମ୍ଭାଳୁଥିବା ସ୍ୱାସ୍ଥ୍ୟ କର୍ମୀମାନେ ହାତର ସ୍ୱଚ୍ଛତା ପ୍ରତି ବିଶେଷ ଧ୍ୟାନ ଦିଅନ୍ତୁ ଏବଂ ସମସ୍ତ ଉପକରଣ ସର୍ବଦା ନିଜ ପାଖରେ ରଖନ୍ତୁ ଯେପରିକି ୱାଟରପ୍ରୁଫ ଆପ୍ରନ, ଗ୍ଳୋବ୍ସ, ମାସ୍କ ଏବଂ ଆଇୱିୟର ଇତ୍ୟାଦି । ଏହାସହିତ ଯେଉଁ ବ୍ୟାଗରେ ଶବ ରଖାଯିବ ତାର ଡ଼ିସଇନଫେକ୍ସନ ଜରୁରୀ ଏବଂ କୌଣସି ପ୍ରକାର କ୍ଷତକୁ ୧% ହ୍ୱିପୋକ୍ଲୋରିଟ ସାହାଯ୍ୟରେ ଡ଼ିସଇନଫେକ୍ଟ କରାଯିବ । ଏହାସହିତ ଶରୀରରୁ ଯେପରି କୌଣସି ପ୍ରକାର ତରଳ ପଦାର୍ଥ ବାହାରକୁ ନଆସେ ସେଥିପାଇଁ ମୁଁହ, ନାକ ଇତ୍ୟାଦି ବନ୍ଦ କରିଦେବା ପାଇଁ ସ୍ୱାସ୍ଥ୍ୟ ବିଭାଗ ନିର୍ଦ୍ଦେଶନାମା ଜାରି କରିଛି ।
ସୀମିତ ସଂଖ୍ୟାରେ ପରିବାର ସଦସ୍ୟ କେବଳ ଦୂରରୁ ଅନ୍ତିମ ଦର୍ଶନ କରିପାରିବା ସହିତ ଗଙ୍ଗାଜଳ ପକାଇବା ପାଇଁ ଅନୁମତି ରହିଛି । ଏହାପରେ ଉକ୍ତ ବ୍ୟକ୍ତିମାନଙ୍କୁ ସାନିଟାଈଜ କରାଯିବ । କେହି ଶରୀରକୁ ଛୁଇଁବା, ଗାଧୋଇ ଦେବା, ଚୁମ୍ବନ କିମ୍ବା ଆଲିଙ୍ଗନ କରିବାକୁ ସମ୍ପୂର୍ଣ୍ଣ ଭାବେ ନିଷେଧ କରାଯାଇଛି । ଯଦିଓ ଅନ୍ତିମ ସଂସ୍କାର କରିବା ପରେ ମୃତକଙ୍କ ଅବଶେଷ ନିଆଯାଇପାରିବ । କେବଳ ସେତିକି ନୁହେଁ ଦାହ ସଂସ୍କାର ବେଳେ ଉପସ୍ଥିତ ଥିବା ସ୍ୱାସ୍ଥ୍ୟକର୍ମୀଙ୍କର ରେକର୍ଡ ରଖିବା ସହିତ ଭିଡିଓଗ୍ରାଫ ବନାଇବା ପାଇଁ ମଧ୍ୟ ସରକାରଙ୍କ ତରଫରୁ ନିର୍ଦ୍ଦେଶ ଦିଆଯାଇଛି ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…