ବାବାରେ କି ବୁଦ୍ଧି ! ଏଟିଏମକୁ ବୁଲଡୋଜରରେ ତାଡ଼ିଲା ଚୋର
ପୋଲିସ ଆଖିରେ ଧୂଳି ଦେବା ପାଇଁ ଅପରାଧୀ ମାନେ ଏମିତି ପ୍ଲାନ କରନ୍ତି ଯାହାକୁ ଦେଖିଲେ ଯେ କେହି ବି ଆଶ୍ଚର୍ଯ୍ୟ ହୋଇଯିବ । ବେଳେ ବେଳେ ତ ଲାଗେ ସେମାନଙ୍କ ପାଖରେ ଏମିତି ବୁଦ୍ଧି ସବୁ ଆସୁଛି କେଉଁଠୁ । ରିପୋର୍ଟ ଅନୁଯାୟୀ ମହାରାଷ୍ଟ୍ରର ସାଙ୍ଗାଳିରେ ଚୋରମାନେ ଏଟିଏମ୍ ମେସିନ ଲୁଟିବା ପାଇଁ ବୁଲଡୋଜରର ବ୍ୟବହାର କରିଛନ୍ତି । ଯାହା ପରେ ଏହି ଘଟଣା ସୋସିଆଲ ମିଡ଼ିଆରେ ଭାଇରଲ ହୋଇଛି । ଏହା ମଧ୍ୟ କୁହାଯାଉଛିକି ସିସିଟିଭିରୁ ବଂଚିବା ପାଇଁ ଚୋର ମାନେ ଜେସିବି ମେସିନରେ ପୁରା ଏଟିଏମ ମେସିନକୁ ଉପାଡି ଦେଇଛନ୍ତି । ଆଉ ଏହା ପରେ କୁଆଡେ ଫେରାର ହୋଇଯାଇଛନ୍ତି ।
Thief started dancing inside the shop after stealing from a hardware shop in Chandauli, Uttar Pradesh.
Did he loot a big amount or did his phone rang? 🤔 pic.twitter.com/mBKQPKiWWu
— I Love Siliguri (@ILoveSiliguri) April 19, 2022
ଏହି ସିସିଟିଭି ଫୁଟେଜ ୟୁ ଟ୍ୟୁବରେ Viral Stringer ସେୟାର କରିଛନ୍ତି । ସେ କହିଛନ୍ତିକି ଘଟଣାଟି ଏପ୍ରିଲ ୨୩ ତାରିଖ ରାତିରେ ହିଁ ଘଟିଛି । ଏଟିଏମ୍ର ସିସିଟିଭିରେ ଆପଣ ଦେଖିପାରିବେ କେମିତି ଜଣେ ବ୍ୟକ୍ତି ପ୍ରଥମେ ଏଟିଏମ୍ ଭିତରକୁ ପଶିବାକୁ ଚେଷ୍ଟା କରୁଛି । ଆଉ ଏହା ପରେ ତୁରନ୍ତ ବାହାରକୁ ବାହାରି ଯାଉଛି । ଆଉ ଏହା ପରେ ଚୋର ଏକ ବୁଲଡୋଜର ସାହାଯ୍ୟରେ ବୁଥକୁ ଭାଙ୍ଗିବାକୁ ଚେଷ୍ଟା କରୁଛି । ଆଉ ଏହା ପରେ ଧୀରେ ଧୀରେ ଏଟିଏମ୍ ମେସିନଟିକୁ ବାହାରକୁ ତାଡି ଆଣୁଛି । କୁହାଯାଉଛିକି ଏହି ଏଟିଏମ୍ରେ ପାଖାପାଖି ୨୫ ଲକ୍ଷ ପର୍ଯ୍ୟନ୍ତ କ୍ୟାସ ଥିଲା । ପୋଲିସ ମାମଲାର ତଦନ୍ତ ଜାରି ରଖିଛି । ଗତ ସପ୍ତାହରେ ସୋସିଆଲ ମିଡିଆରେ ଏକ ଭିଡିଓ ଖୁବ ଭାଇରଲ ହୋଇଥିଲା । ଯେଉଁଥିରେ ଦେଖାଯାଇଥିଲାକି ଉତ୍ତରପ୍ରଦେଶର ଚଂଦଲି ଜିଲ୍ଲାରେ ଏକ ହାର୍ଡ ୱେୟାର ଦୋକାନକୁ ଲୁଟିବା ପରେ କେମିତି ଚୋର ଜଣଙ୍କ ଦୋକାନ ସାମ୍ନାରେ ନାଚିଥିଲେ ।
ଘଟଣାଟି ପୁଣି ପୋଲିସ ଅଧିକ୍ଷକଙ୍କ ବାସଭବନ ନିକଟରେ ହିଁ ଘଟିଥିଲା । ଦୋକାନ ମାଲିକ ଅଂଶୁ ସିଂହଙ୍କ କହିବା ଅନୁଯାୟୀ ଚୋର କ୍ୟାସସହ ସମେତ ହଜାର ହଜାର ଟଙ୍କାର ଜିନିଷ ବି ଚୋରି କରିନେଇଛନ୍ତି । ପରେ କିନ୍ତୁ ଦୋକାନର ସିସିଟିଭି ଫୁଟେଜ ଜରିଆରେ ପ୍ରକୃତ ଚୋରକୁ ଧରାଯାଇଛି । ସିସିଟିଭି କ୍ଲିପ ଭାଇରଲ ହେବା ପରେ କିଛି ସୋସିଆଲ ମିଡ଼ିଆ ୟୁଜର ଏହାକୁ “ମନି ହାଇଟ୍ସ ୨୦୨୩” ବୋଲି କହୁଛନ୍ତି । ଯେବେକି କିଛି ଜଣ ଏହାକୁ ନେଇ ଆଶ୍ଚର୍ଯ୍ୟ ହୋଇଯାଇଛନ୍ତି । କିଛି ଜଣ ଚୋରି ପଛର ପ୍ରକୃତ କାରଣ ବେରୋଜଗାରୀ ବୋଲି କହିଛନ୍ତି । ବେରୋଜଗାରୀ ସହିତ ଭୋକ ଦିନ କୁ ଦିନ ବଢି ବଢି ଚାଲିଥିବାରୁ ଏହା ସହ ଅପରାଧ ସଂଖ୍ୟା ବି ବଢି ବଢି ଚାଲିଛି ବୋଲି ଅନେକେ ନିଜ କମେଣ୍ଟ ବକ୍ସରେ ଲେଖିଛନ୍ତି ।