ଚଳିତବର୍ଷ ପଡ଼ିବ ଭୟଙ୍କର ଥଣ୍ଡା। ଜ୍ୟୋତିଷଶାସ୍ତ୍ର ଅନୁଯାୟୀ, ଗ୍ରହମାନଙ୍କର ପରିବର୍ତ୍ତନଶୀଳ ଚଳନ ଏବଂ ସ୍ଥିତି ଏଥର ଅର୍ଥାତ ୨୦୨୦-୨୧ରେ ଭୟଙ୍କର ଥଣ୍ଡା ଆଡ଼କୁ ସଙ୍କେତ କରୁଛି। ଏଥିରୁ ଜ୍ୟୋତିଷମାନେ ଅନୁମାନ କରୁଛନ୍ତି ଯେ ଆସନ୍ତା କିଛିଦିନ ଭିତରେ ହିଁ ଥଣ୍ଡା ଆରମ୍ଭ ହୋଇଯାଇପାରେ। ମେଦିନୀ ଜ୍ୟୋତିଷଶାସ୍ତ୍ରରେ ଗୁରୁ, ଶୁକ୍ର ଏବଂ ବୁଧକୁ ଜଳୀୟ ଗ୍ରହ କୁହାଯାଇଥାଏ, ଯେଉଁମାନେ ଶୀତଦିନେ ତୁଷାରପାତ ଏବଂ ଶୀତ ଲହରୀକୁ ଜନ୍ମ ଦେଇଥାନ୍ତି। ବର୍ତ୍ତମାନ ଉତ୍ତର ଭାରତର କେତେକ ସ୍ଥାନରେ ହାଲୁକା ବର୍ଷାର ସଙ୍କେତ ମଧ୍ୟ ମିଳୁଛି। ଆସନ୍ତା ଏକ ମାସ ଭିତରେ ଶୀତ ଲହରୀର ପ୍ରକୋପ ଅତ୍ୟଧିକ ବଢ଼ିପାରେ।
ପଣ୍ଡିତ ସୁନିଲ ଶର୍ମାଙ୍କ ଅନୁସାରେ, ୧୭ ଡିସେମ୍ବରକୁ ବୁଧ ଧନୁ ରାଶିରେ ସଞ୍ଚାର ହେବ। ଧନୁ ରାଶିରେ ସୂର୍ଯ୍ୟଙ୍କ ସହିତ ବୁଧ ଆସିବାରେ ସୂର୍ଯ୍ୟ ବୁଧ ଆଦିତ୍ୟ ଯୋଗର ନିର୍ମାଣ ହେବାକୁ ଯାଉଛି, ଯାହାକି ଶୁଭ ଫଳ ପ୍ରଦାନ କରିବ। ସେପଟେ ୨୪ ଡିସେମ୍ବରକୁ ମଙ୍ଗଳ ମେଷ ରାଶିରେ ମଧ୍ୟ ଅତ୍ୟନ୍ତ ମହତ୍ତ୍ୱପୂର୍ଣ୍ଣ ରହିବ। ମକରରେ ଗ୍ରହମାନଙ୍କର ସ୍ଥିତି ଥଣ୍ଡାକୁ ଆହୁରି ଭୀଷଣ କରୁଥିବାର ଦେଖାଯାଉଛି। ଶୀତକୁ ବଢାଇବାରେ ଶନିର ମୁଖ୍ୟ ଭୂମିକା ମଧ୍ୟ ଦେଖିବାକୁ ମିଳୁଛି। ବାସ୍ତବରେ ଶନିର ଏହି ସ୍ଥିତି ଥଣ୍ଡା ବା ମେଘାଚ୍ଛନ୍ନ ପାଗ, ତାପମାତ୍ରା ହ୍ରାସ ସହିତ କୁହୁଡ଼ିଆ ପାଗ ସୃଷ୍ଟି କରିବାର ହୋଇଥାଏ, ଯାହା ୨୭ ଡିସେମ୍ବର ପର୍ଯ୍ୟନ୍ତ ରହିବାର ସମ୍ଭାବନା ଅଛି।
ଏହାଛଡା ୧୭ ଡିସେମ୍ବର ୨୦୨୦ରେ ବୁଧ ଧନୁ ରାଶିରେ ସଞ୍ଚାର ହେବା ମଧ୍ୟ ଥଣ୍ଡାକୁ ନେଇ କିଛି ସଙ୍କେତ ଦେଉଛି। ସେହିପରି ଚନ୍ଦ୍ରର ସ୍ଥିତି ବି ଚଳିତବର୍ଷ ଥଣ୍ଡାର ଅନେକ ବର୍ଷର ରେକର୍ଡକୁ ଭାଙ୍ଗିବାର ସଙ୍କେତ ଦେଉଛି। ମେଦିନୀ ଜ୍ୟୋତିଷଶାସ୍ତ୍ରରେ ଜଳବାୟୁ, ପରିବେଶ ଏବଂ ପ୍ରକୃତିର ପରିବର୍ତ୍ତନର କାରକ ବୁଧ ଗ୍ରହକୁ ଜଣାଯାଇଥାଏ। ବୁଧର ପ୍ରଭାବ ଯୋଗୁ ୨୭ ଡିସେମ୍ବର ପରେ ପାଗ ସଫା ରହିବ, କିନ୍ତୁ ଅତ୍ୟଧିକ ଥଣ୍ଡା ଅନୁଭବ ହେବ।
ଅନ୍ୟପଟେ ପାଣିପାଗ ବିଶେଷଜ୍ଞ ଏକେ ଶର୍ମାଙ୍କ କହିବା ହେଲା, ଏଥର ଉତ୍ତର ଭାରତର ପାହାଡ଼ିଆ ଅଞ୍ଚଳରେ ବର୍ଷା ସହିତ ଜବରଦସ୍ତ ତୁଷାରପାତ ହେବ। ଯେଉଁ କାରଣରୁ ଡିସେମ୍ବରରୁ ଜାନୁଆରୀ ଥଣ୍ଡା ପବନ ବହିବ ଏବଂ ଏହା ଶୀତକୁ ଆହୁରି ବଢାଇବ। କେବଳ ଏତିକି ନୁହେଁ, ଚଳିତ ମାସ ୧୧ରୁ ୧୪, ୨୪ରୁ ୨୬ ଏବଂ ୨୯ରୁ ୩୧ ଡିସେମ୍ବର ପର୍ଯ୍ୟନ୍ତ ଦେଶର କେତେକ ସ୍ଥାନରେ ଶୀତ ଲହରୀ ଜାରି ରହିବ।
ଜ୍ୟୋତିଷ ଗ୍ରହ ଅନୁସାରେ, ଜାନୁଆରୀରେ ଦେଶର କିଛି ସ୍ଥାନରେ ବର୍ଷା ହେବ। ନାଗପୁରରେ ଜାନୁଆରୀର ପ୍ରଥମ ସପ୍ତାହରେ ବର୍ଷା ହେବାର ସମ୍ଭାବନା ରହିଛି। ତେବେ ଅନୁମାନ କରାଯାଉଛି କି, ଗ୍ରହମାନଙ୍କର ସ୍ଥିତି ଯୋଗୁ ଏଥର ଆସିବାକୁ ଥଣ୍ଡା ବିଗତ ଅନେକ ବର୍ଷର ରେକର୍ଡ ଭାଙ୍ଗିବ। ଆଗାମୀ କିଛିଦିନ ମଧ୍ୟରେ ଲୋକେ ଥଣ୍ଡାରେ କମ୍ପିବା ଆରମ୍ଭ କରିଦେବେ। ସେହିପରି ଦିଲ୍ଲୀ, ହରିୟାଣା, ପଞ୍ଜାବ, ଉତ୍ତର ପ୍ରଦେଶ ଏବଂ ମଧ୍ୟପ୍ରଦେଶର କିଛି ସ୍ଥାନ ସମେତ ଦେଶର କେତେକ ରାଜ୍ୟ ଭୟଙ୍କର ଥଣ୍ଡା କବଳକୁ ଆସିପାରେ। ଡିସେମ୍ବରରୁ ଫେବୃଆରୀ ପର୍ଯ୍ୟନ୍ତ କଶ୍ମୀର, ଲଦାଖ ଏବଂ ଉତ୍ତରାଖଣ୍ଡରେ ଭୀଷଣ ତୁଷାରପାତ ହେବ।
ମେଷ : ବ୍ୟବସାୟ ତଥା ଅନ୍ୟ କ୍ଷେତ୍ରରେ ଆଜିର ଦିନ ଆପଣ ପାଇଁ ଲାଭପ୍ରଦ ଅଟେ । ଘର ତଥା…
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…