୨୦ ବର୍ଷ ହେବ ପାଣି ଭିତରେ ରହିଆସୁଛନ୍ତି ଏହି ବୃଦ୍ଧା, କେବେ ବି ଯାଆନ୍ତି ନାହିଁ ଶୌଚ

ପଶ୍ଚିମବଙ୍ଗର ବର୍ଦ୍ଧମାନରେ ଏମିତି ଜଣେ ମହିଳା ଅଛନ୍ତି, ଯିଏ ବିଗତ ୨୦ ବର୍ଷ ହେବ ପାଣି ଭିତରେ ରହିଆସୁଛନ୍ତି। ନିଜର ବାର୍ଦ୍ଧକ୍ୟ ଅବସ୍ଥାରେ ଏହି ମହିଳା ଜଣକ ଏପରି ଭାବେ ଦିନ ବିତାଇ ଚାଲିଛନ୍ତି। ମହିଳାଙ୍କ ନାଁ ‘ପାତୁରାଣୀ ହୋଶ’। ପୂର୍ବରୁ ପାତୁରାଣୀ ମୁର୍ଶୀଦାବାଦରେ ରହୁଥିଲେ, କିନ୍ତୁ ପରିବାରରେ କେହି ନ ଥିବାରୁ ସେ ନିଜ ଝିଅ ସହିତ ଏବେ ବର୍ଦ୍ଧମାନର କଟବା ଅଞ୍ଚଳକୁ ଚାଲିଆସିଛନ୍ତି।

ପାତୁରାଣୀଙ୍କ ଝିଅ ମିହୁ କୁହନ୍ତି, ତାଙ୍କ ମା’ ମାସରେ ମାତ୍ର ଦୁଇଥର ଭାତ ଖାଆନ୍ତି। ତାଙ୍କୁ ଭୋକ ଲାଗୁ ନ ଥିବାରୁ ସେ ବହୁତ କମ ଖାଆନ୍ତି। ଏପରିକି, ଶୌଚ ମଧ୍ୟ ଯାଆନ୍ତି ନାହିଁ। ତାଙ୍କୁ ନିଶ୍ୱାସ ନେବାରେ କଷ୍ଟ ଅନୁଭବ ହୋଇଥାଏ। ଏହି ସମୟରେ ସେ ଭୟଭୀତ ହୋଇପଡ଼ିଥାନ୍ତି। ତେଣୁ ସେ ପାଣିରେ ରହିଥାନ୍ତି।

ଆଶ୍ଚର୍ଯ୍ୟର କଥା, ପାଣି ଭିତରେ ବୁଡ଼ିକି ରହିଲେ ପାତୁରାଣୀଙ୍କୁ ନା କେବେ ଜ୍ୱର ଆସେ ନା କେବେ ଥଣ୍ଡା କି କାଶ। ତେବେ ସ୍ଥାନୀୟ ଜଣେ ଡାକ୍ତରଙ୍କ କହିବା ହେଲା, ପାତୁରାଣୀ ମାନସିକ ରୋଗରେ ପୀଡ଼ିତ। ତାଙ୍କୁ ଉପଯୁକ୍ତ ଚିକିତ୍ସାର ଆବଶ୍ୟକତା ରହିଛି।