ଦ୍ଵିତୀୟ ବିଶ୍ବ ଯୁଦ୍ଧ ପରେ ବିଶ୍ୱକୁ ତୃତୀୟ ବିଶ୍ବଯୁଦ୍ଧ କବଳରୁ ରକ୍ଷା କରିବା ପାଇଁ ତଥା ବିଶ୍ୱରେ ଶାନ୍ତି ବଜାୟ ରଖିବା ପାଇଁ ୧୯୪୫ ମସିହା ଆଜିର ଦିନରେ “ସଂଯୁକ୍ତ ରାଷ୍ଟ୍ର” ନାମକ ଏକ ସଂଘ ଗଠନ କରାଯାଇଥିଲା । ସଂଯୁକ୍ତ ରାଷ୍ଟ୍ର ଘୋଷଣାପତ୍ରକୁ ପ୍ରସ୍ତୁତ କରାଯିବା ସହ ୧୯୪୫ ଅକ୍ଟୋବର ୨୪ ତାରିଖରେ ହିଁ ଏହାକୁ ଲାଗୁ କରାଯାଇଥିଲା । ଏହି କାରଣରୁ ହିଁ ପ୍ରତିବର୍ଷ ଆଜିର ଦିନକୁ “ସଂଯୁକ୍ତ ରାଷ୍ଟ୍ର ଦିବସ” ରୂପେ ପାଳନ କରାଯାଇଥାଏ । ଚଳିତ ବର୍ଷ ଏହି ବିଶେଷ ଦିନ ୭୫ ବର୍ଷ ପୂରଣ କରିଛି । ଏହି ଉପଲବ୍ଧିକୁ ପାଳନ କରିବା ପାଇଁ ସେପ୍ଟେମ୍ବର ୨୧ ତାରିଖରେ ଏକ ବିଶେଷ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏହା ସହ ଅକ୍ଟୋବର ୨୪ ଦିନକୁ ଏକ ଏତିହାସିକ ଦିନ ଭାବରେ ମଧ୍ୟ ଧରାଯାଇଥାଏ । ବିଶ୍ୱର କେତେକ ବିକାଶଶୀଳ ରାଷ୍ଟ୍ରଙ୍କ ସମର୍ଥନ ପରେ ଆଧିକାରୀକ ସ୍ତରରେ ଏହାକୁ ସ୍ୱୀକୃତି ମିଳିଥିଲା ।
କହିରଖିବା ରଖିବା ଉଚିତ ହେବକି , ଦ୍ଵିତୀୟ ବିଶ୍ବ ଯୁଦ୍ଧ ଶେଷ ହେବାର ଠିକ ପରେ ହିଁ ସଂୟୁକ୍ତ ରାଷ୍ଟ୍ରର ସ୍ଥାପନା ହୋଇଥିଲା । ଏହା ଏକ ଅନ୍ତଃରାଷ୍ଟ୍ରୀୟ ସଂଗଠନ ହୋଇଥିବା ବେଳେ ଏହାର ପ୍ରାଥମିକ କାମ ହେଉଛି ବିଶ୍ବ ଶାନ୍ତି ସହ ସୁରକ୍ଷା ବଜାୟ ରଖିବା । ଗତ ସାତ ଦଶନ୍ଧିରୁ ଉର୍ଦ୍ଧ୍ବ ସମୟ ଧରି ତୃତୀୟ ମହାଯୁଦ୍ଧରୁ ଏହା ରକ୍ଷା କରିବା ସହ ବିଶ୍ୱସନୀୟତା ବଜାୟ ରଖିଛନ୍ତି । ଏବେକା ସମୟରେ ମାରାତ୍ମକ କରୋନା ଭାଇରସ ବିଶ୍ୱରେ କାୟା ବିସ୍ତାର କରିଥିବା ବେଳେ ଚଳିତ ବର୍ଷ ସଂଯୁକ୍ତ ରାଷ୍ଟ୍ର ଦିବସର ଥିମ “The future we want, the UN we need: reforming our collective commitment to multi terrorism” ରଖାଯାଇଛି ।
ସେପଟେ ସଂଯୁକ୍ତ ରାଷ୍ଟ୍ରର ମହାସଚିବ ଏଣ୍ଟନିୟୋ ଗୁତାରିଷ୍ଟ ଏହି ବିଶେଷ ଦିବସରେ ନିଜ ସନ୍ଦେଶରେ କହିଛନ୍ତିକି, କୋଭିଉ -19 ରୁ ଆରମ୍ଭ କରି ଜଳବାୟୁ ସ୍ଥିତି ପର୍ଯ୍ୟନ୍ତ ବିଶ୍ୱ ସାମ୍ନାରେ ବଡ ଚ୍ୟାଲେଞ୍ଜ ପରି ଛିଡା ହୋଇଛି । ଯାହାକୁ କେବଳ ମାତ୍ର ଏକତା ଓ ସହଯୋଗିତା ଦ୍ୱାରା ହିଁ ସାମ୍ନା କରାଯାଇପାରିବ ।