ମାଙ୍କଡ ଛୁଆକୁ ଶିକାର କରିବା ପାଇଁ ଏତେ ଉଚ୍ଚରୁ ଡିଆଁ ମାରିଲା କଲରାପତରିଆ ବାଘ, ଭିଡିଓ ଦେଖିଲେ ହୋଇଯିବେ ଆଶ୍ଚର୍ଯ୍ୟ
ଜଙ୍ଗଲୀ ଜନ୍ତୁଙ୍କ ଅନେକ ଭିଡିଓ ସୋସିଆଲ ମିଡିଆରେ ବେଳେବେଳେ ଭାଇରାଲ ହୋଇଥାଏ । ବର୍ତ୍ତମାନ ସେହିପରି ଏକ ଭିଡିଓ ଭାଇରାଲ ହେଉଛି। ଏଥିରେ ଏକ କଲରାପତରିଆ ବାଘ ଗୋଟିଏ ମାଙ୍କଡ ଛୁଆକୁ ଶିକାର କରୁଛି । ଏହା କଲରାପତରିଆ ପାଇଁ କିଛି ବଡ କଥା ନୁହେଁ । କିନ୍ତୁ ସେ ଯେଉଁ ପ୍ରକ୍ରିୟାରେ ଶିକାର କରୁଛି ତାହା ଅତ୍ୟନ୍ତ ଚକିତ କରୁଛି ।
ଏହି ଭିଡିଓରେ, ଏକ ଚିତାବାଘ ମାଙ୍କଡ ଛୁଆକୁ ଶିକାର କରିବା ପାଇଁ ଗୋଟିଏ ଗଛରୁ ଅନ୍ୟ ଗଛକୁ ଡେଇଁଥିବାର ଦେଖାଯାଏ । ଗଛରେ ଚଢ଼ି ମାଙ୍କଡ଼ ଶିକାର କରୁଛି କଲରାପରିଆ ବାଘ । ମଧ୍ୟପ୍ରଦେଶ ପାନ୍ନା ଜଙ୍ଗଲରେ ଦେଖିବାକୁ ମିଳିଛି ଏଭଳି ଦୃଶ୍ୟ । ଜଣେ ବନ ଅଧିକାରୀ ଏହି ଭିଡ଼ିଓକୁ କଏଦ କରିଛନ୍ତି । ଯାହାକି ଏହି ଭିଡ଼ିଓ ଏବେ ଭାଇରାଲ ହେବାରେ ଲାଗିଛି । ଗୋଟିଏ ଗଛରୁ ଆଉ ଗୋଟିଏ ଗଛକୁ ଲମ୍ଫ ମାରି ମାଙ୍କଡ ଛୁଆକୁ ଶିକାର କରୁଛି କଲରାପତରିଆ ବାଘ । ଏହାପରେ ଗଛ ଉପରୁ ତଳକୁ ପଡ଼ୁଛି ବାଘ । ସବୁଠୁ ବଡ଼ କଥା ହେଉଛି, ତଳେ ପଡ଼ିବା ପରେ ବି ନିଜ ଖାଦ୍ୟକୁ ଛାଡୁନି କଲରାପତରିଆ ବାଘ ।
ଦେଖନ୍ତୁ ଭିଡିଓ:-
1/n
A rare sight @pannatigerreserve. A leopard can be seen hunting a baby monkey by jumping on the tree. pic.twitter.com/utT4h58uuF— Panna Tiger Reserve (@PannaTigerResrv) June 28, 2022
ଏତେ ଉଚ୍ଚତାରୁ ଖସିଯିବା ପରେ ମଧ୍ୟ ଚିତାବାଘ ନିଜ ଶିକାରକୁ ପାଟିରେ ଅତି ଆରାମରେ ଧରି ବସିଛି, ଯେପରି କିଛି ହୋଇ ନାହିଁ। ଏହି ଟ୍ରେଣ୍ଡିଂ ଭିଡିଓ ଦେଖି ଗୋଟିଏ ପଟେ କିଛି ଲୋକ ରୋମାଞ୍ଚରେ ଭରି ରହିଥିବା ବେଳେ ଅନ୍ୟ ପଟେ କିଛି ଲୋକ ମଧ୍ୟ ଭୟଭୀତ ହୋଇଥିବାର ଦେଖାଯାଇଥିଲା । ସୋସିଆଲ ମିଡିଆ ୟୁଜର୍ସ ମାନେ ସେମାନଙ୍କର ଭିନ୍ନ ଭିନ୍ନ କମେଣ୍ଟ ଦେଇଛନ୍ତି ।
ଏହି ଭିଡିଓରେ ଚିତାବାଘର ଏତେ ଉଚ୍ଚ ଡେଇଁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଉଛନ୍ତି । ଏହି ଭିଡିଓକୁ ବର୍ତ୍ତମାନ ସୁଦ୍ଧା ପାଞ୍ଚ ହଜାରରୁ ଅଧିକ ଥର ଦେଖାଯାଇଛି। କିଛି ଉପଭୋକ୍ତା (ସୋସିଆଲ୍ ମିଡିଆ ୟୁଜର୍ସ) ମାଙ୍କଡ ଛୁଆ ପାଇଁ ଖରାପ ଅନୁଭବ କରୁଥିବାବେଳେ କେହି କେହି କ୍ୟାମେରାମ୍ୟାନଙ୍କୁ ଏପରି ଦୃଶ୍ୟ ରେକର୍ଡ କରିବାରେ ସକ୍ଷମ ବୋଲି କହିଥିଲେ।
