ଟାଇଟନିକ ବୁଡିବାକୁ ବିତିଛି ୧୧୧ ବର୍ଷ, ଆସନ୍ତୁ ଜାଣିବା ଏହାର ଖାଦ୍ୟ ମେନ୍ୟୁରେ କଣ ରହିଥିଲା

କେନ୍ୟୁଜ୍‌(ବ୍ୟୁରୋ): ଟାଇଟନିକ ବୁଡ଼ିବାର ବିତିଛି ୧୦୦ରୁ ଅଧିକ ବର୍ଷ । ଚଳିତ ଏପ୍ରିଲ ୧୫ ତାରିଖରେ ଏହାକୁ ୧୧୧ ବର୍ଷ ପୁରିଛି । ସବୁବେଳେ କିନ୍ତୁ ଲୋକଙ୍କ ଏହି ବିଶାଳ ଜାହାଜ ବାବଦରେ ଜାଣିବାର ଜିଜ୍ଞାସା ରହିଛି । ବିଭିନ୍ନ ସମୟରେ ଏହି ଜାହାଜକୁ ନେଇ ନୂଆ ନୂଆ ତଥ୍ୟ ସାମନାକୁ ଆସିଛି । ୧୯୧୨ରେ ଘଟିଥିବା ସେହି ଲୋମ ହର୍ଷଣକାରୀ ଘଟଣା ପ୍ରାୟ ସମସ୍ତଙ୍କ ମାନସପଟରେ ରହିଛି । ୨ଘଣ୍ଟା ୪୦ମିନିଟ ସମୟ ଭିତରେ ଡୁବି ଯାଇଥିଲା ଉତ୍ତର ଆଟଲାଣ୍ଟିକ ମହାସାଗର ବକ୍ଷରେ । ଯେଉଁଥିରେ ପ୍ରାୟ ୧୪୯୦ରୁ ୧୬୩୫ ଲୋକ ପ୍ରାଣ ହରାଇଥିଲେ । ଏହାସହ ଲୋକେ ଏହି ଜାହାଜ ବାବଦରେ ନୂଆ ନୂଆ କଥା ଜାଣିବାକୁ ସବୁବେଳେ ପସନ୍ଦ କରିଥାନ୍ତି ।

ଟେଷ୍ଟ ଏଟଲସ ନାମକ ଇନଷ୍ଟାଗ୍ରାମ ପେଜ୍‌ରେ ଜାହାଜର ବିଭିନ୍ନ କାଟାଗୋରୀ ତଥା କ୍ଲାସରେ ପରସା ଯାଉଥିବା ଖାଦ୍ୟର ଫଟୋକୁ ସେୟାର କରାଯାଇଛି । ଖାଦ୍ୟର ମେନ୍ୟୁର ଫଟୋ ଏହି ଇନଷ୍ଟା ପେଜ୍‌ରେ ସେୟାର କରାଯାଇଛି । ଚିକେନ କରିଠୁ ଆରମ୍ଭ କରି ବେକ୍ଡ ଫିସ୍‌, ସ୍ପ୍ରିଙ୍ଗ ଲେମ୍ବଠୁ ମଟନ । ଏହାସହ ରୋଷ୍ଟ ଟର୍କୀଠୁ ପୁଡିଂ ପର୍ଯ୍ୟନ୍ତ ଟାଇଟନିକର ଯାତ୍ରୀଙ୍କୁ ପରସା ଯାଉଥିଲା । ଟାଇଟନିକ ନିଜ ଯାତ୍ରୀଙ୍କୁ ବିଭିନ୍ନ ପ୍ରକାରର ବ୍ୟଞ୍ଜନ ପରସି ଦେଉଥିଲା । ଏପରିକି ମିଠା ମଧ୍ୟ ଟାଇଟନିକ ମେନ୍ୟୁରେ ରହିଥିଲା । ଟାଇଟନିକ ବୁଡ଼ିବା ଦିନ ରାତିରେ ସେକେଣ୍ଡ କ୍ଲାସ ଯାତ୍ରୀଙ୍କୁ ହଲଓ୍ଵା ପରସା ଯାଇଥିଲା । କ୍ଲାସ ଅନୁଯାୟୀ ମେନ୍ୟୁରେ ଫରକ ମଧ୍ୟ ରହିଥିଲା ।

ଫାଷ୍ଟକ୍ଲାସର ଯାତ୍ରୀଙ୍କ ପାଇଁ ଦାବଦରେ କିଛି କମ ନଥିଲା । ବ୍ରିଲ, କର୍ଣ୍ଣ ବ୍ରିଫ, ଭେଜିଟେବଲ୍ସ, ପକୋଡ଼ି, ଗ୍ରିଲ୍ଡ ମଟନ ଚପ, କଷ୍ଟାର୍ଡ ବୁଡିଂ ଓ ପନିରର ଅନେକ ପ୍ରକାରର ଆଇଟମ ପରସା ଯାଇଥିଲା । ଥାର୍ଡକ୍ଲାସ ଯାତ୍ରୀଙ୍କ ପାଇଁ କିନ୍ତୁ ଜଳଖିଆ ଓ ରାତିର ଖାଇବା ପାଇଁ ଲିମିଟେଡ ଆଇଟମ ରହିଥିଲା । ଯେଉଁଥିରେ କେବଳ ଦଳିଆ ଓ କ୍ଷୀର ରହିଥିଲା । ଏହାସହ ସ୍ମୋକ୍ଡ ହେରିଂଗ, ମେସ୍ଡ ପୋଟାଟୋ, ହେମ ଓ ଅଣ୍ଡା, ବ୍ରେଡ ଓ ଚିଜ୍‌ ରହିଥିଲା । ଯେ କୌଣସି ବର୍ଗର ଯାତ୍ରୀ ହୁଅନ୍ତୁ ସମସ୍ତଙ୍କ ଖାଇବା କିନ୍ତୁ ଉଚ୍ଚ ମାନର ରହିଥିଲା ।