ବରଫରୁ ବାହାରୁଥିବା ଧୂଆଁ କେଉଁ କାମରେ ଆସେ, ଜାଣନ୍ତୁ
ବରଫ ଖଣ୍ଡ ସମସ୍ତେ ହାତରେ ଧରିଥିବେ। ବରଫକୁ ବହୁତ ପାଖରୁ ସମସ୍ତେ ଦେଖିଛନ୍ତି ନିଶ୍ଚୟ। ହେଲେ ଗୋଟେ ପ୍ରଶ୍ନର ଉତ୍ତର ଜାଣି ନଥିବେ । ବରଫରୁ ଧୂଆଁ କାହିଁକି ବାହାରେ? ଛୋଟରୁ ଅତି ଛୋଟ କଥାକୁ ନେଇ ରିସର୍ଚ୍ଚ କରେ ବିଜ୍ଞାନ । ତେବେ ବରଫରୁ ଧୁଆଁ ବାହାରିବାକୁ ନେଇ କ’ଣ କହୁଛି ବିଜ୍ଞାନ ଆସନ୍ତୁ ଜାଣିବା।
ପିଲାଦିନେ ଆପଣ ଆଶ୍ଚର୍ୟ୍ଯ ହେଇଥବେ ବରଫ ତ ଥଣ୍ଡା କିନ୍ତୁ ଧୂଆଁ କେମିତି ବାହାରୁଛି ? ତେବେ ବରଫ ହେବାକୁ ପାଣି ଥଣ୍ଡା କରିବା ଜରୁରୀ । ପାଣିରୁ ବରଫ ହେବାର ପ୍ରକି୍ରୟା ସେତେବେଳେ ଆରମ୍ଭ ହୁଏ ଯେତେବେଳେ ତାପମାତ୍ରା ଶୂନ ଡିଗ୍ରୀ ପର୍ଯ୍ୟନ୍ତ ହୋଇଥାଏ । ପ୍ରାୟତଃ ଆପଣ ଦେଖିଥିବେ କି ପାଣିରେ ବରଫ ପକାଇଲେ ସେଥିରୁ ଧୂଆଁ ବାହାରିବା ଆରମ୍ଭ ହୋଇଥାଏ । ନଚେତ କେବେ ବରଫର ଆସ୍ତରଣ ହେଉ ସେଥିରୁ ମଧ୍ୟ ଧୂଆଁ ବାହାରୁଥିବା ଦେଖିବାକୁ ମିଳେ । ସମସ୍ତେ ଜାଣନ୍ତି ଓ ବିଜ୍ଞାନ ବି କହେ, ବରଫ ଥଣ୍ଡା ଅଟେ । କିନ୍ତୁ ସବୁବେଳେ ମନରେ ଆସେ କି ବରଫ ଥଣ୍ଡା ହୋଇଥିବା ବେଳେ ଏଥିରୁ ଗରମ ବାମ୍ଫ ବାହାରିବା ପରି ଧୂଆଁ କାହିଁକି ବାହାରେ ? ଏହି ଧୂଆଁ କୌଣସି କାର୍ବନ ଡାଇଅକ୍ସାଇଡ ନୁହେଁ ବରଂ ଆଉ କିଛି ।
ବରଫରୁ ବାହରୁଥିବା ଧୂଆଁ କୌଣସି ଗ୍ୟାସ ନୁହେଁ ବରଂ ଏହା ଅତ୍ୟନ୍ତ ଥଣ୍ଡା ହେବା କାରଣରୁ ତାର ଆଖପାଖରେ ଜମା ହେଉଥିବା ବାମ୍ଫ ଅଟେ । ଯେତେବେଳେ ବରଫର ଚତୁଃପାର୍ଶ୍ୱରେ ଅଧିକ ଥଣ୍ଡା ହୋଇଥାଏ ତ ସେଥିରୁ କିଛି ପରିମାଣରେ ବାମ୍ଫ ପାଣି ବୁନ୍ଦାରେ ବଦଳିଯାଏ । ଏହି କାରଣରୁ ଜମା ହୋଇଥିବା ବାମ୍ଫ ପବନ ବହିବା ଫଳରେ ଧୂଆଁ ଭଳି ଲାଗିଥାଏ ।
ସାଧାରଣତଃ ଆମେ ଜାଣିଥାଉ କି ପାଣି ଏକ ନିର୍ଦ୍ଦିଷ୍ଟ ତାପମାତ୍ରାରୁ ତଳକୁ ଯିବା ଦ୍ୱାରା ଏକ କଠିନରେ ପରିଣତ ହୁଏ ଯାହାକୁ ଆମେ ବରଫ କହିଥାଉ । ବାୟୁମଣ୍ଡଳରେ ଜଳ ଗ୍ୟାସ ଅବସ୍ଥାରେ ମଧ୍ୟ ରହିଥାଏ ଯେତେବଳେ ବାୟୁ ବରଫର ପୃଷ୍ଟକୁ ସ୍ପର୍ଶକରେ ତେବେ ଏହା ଛୋଟବୁନ୍ଦା ଆକାରରେ ବାହାରିବା ଆରମ୍ଭ କରେ ଯାହାକୁ ଆମେ ବାଷ୍ପ ବୋଲି କହିଥାଉ ।
